畀你揀  會即時要1億元  還是回到沙士年代?

畀你揀 會即時要1億元 還是回到沙士年代?

某天,到前輩家裏拜年。前輩給我們派利是,並拿出全盒,請我們吃糖果。

前輩:「網上見到個有趣問題,同大家玩吓呀﹗」

筆者:「好呀,咩問題?」
前輩:「呢度有兩粒糖,一粒紅色,一粒綠色。幻想一吓,呢兩粒糖有魔法,食紅色呢粒,你可以即時擁有1億美元;食綠色呢粒,你可以返到過去任何一個時間。你哋會點揀?」
朋友A:「回到過去?未捱過咩?梗係即刻發達歎世界!」
朋友B:「如果可以返轉頭,點止賺1億美元?」

朋友們你一句,我一句,熱烈討論「如果回到過去」。

朋友A:「如果返到94、95年,我就瘋狂摸貨,摸到97。」
朋友B:「如果返到03年,我肯定狂掃淘大花園。」
朋友C:「當年淘大咁大件事,借唔到錢喎,掃乜都得啦。」

朋友A:「嗰陣通街啲樓都係幾十萬元,買灣仔、銅鑼灣啦。」
朋友B:「我就瞓身借錢買騰訊(00700),當年上市幾蚊雞咋。」
朋友C:「你唔好話搞個Facebook。」
朋友A:「買工廈仲好呀,未有活化之前,百幾蚊呎都有。」
朋友B:「買羅素街舖位啦,70、80年代街市,幾萬銀咋。」

大家愈講愈興奮,有時發白日夢真係幾好玩。前輩又分享他的見解,這次拜年很高興,唔信你都玩吓。

有早知、如果可以再來一次……要成為億萬富豪易如反掌。可惜,回到現實世界,冇得返轉頭。

今天樓價調整,經常與朋友、網友討論跌到幾時值得撈貨。筆者相信這次調整,整體跌幅約15%至20%,部分炒過籠、高溢價物業跌幅可逾30%,部分防守力強的物業,例如投資兵團戰友主攻具概念的市區單幢樓,跌幅可少於10%。

很多朋友、網友不認同,長篇大論,數出十萬個利淡因素,期望香港樓市會像97年一樣全面崩潰,跌五成、七成,甚至重返SARS水平。

樓價難重返沙士價

其實大家心裡都明白,這是不可能的。除非有意想不到的、失控的天災人禍,否則以香港的經濟基礎,以香港人的拼搏精神,加上我們經歷過97至03年的經驗,例如普遍業主的借貸比率不高,政府又有多項逆週期措施,就算大陸經濟「硬着陸」,樓價亦難以重返SARS水平。

朋友、網友的預期,或者是一種潛意識的渴望,就像吃了綠色的糖果一樣,渴望樓價重返03年,以賤價買入多個物業,待樓市回升時瘋狂地賺一筆。

筆者都好想樓價重返SARS價,肯定賺得更多。可惜,現實世界冇得返轉頭,亦不會有早知,這是不切實際的!

現在可以做的,不是一廂情願的去期待樓市崩塌,然後躲在家裏,一邊睇肥皂劇,一邊等機會上來叩門。

現在可以做的,就是吸收過往的經驗,轉化成買賣技巧,根據現時的情況,客觀分析,部署未來的攻守策略,出去睇樓,落場實戰。今年樓市急調整,還不把握機會執平貨,將來樓價回升,肯定又再後悔。