俾人睇死唔代表你冇實力 一招為令佢哋大跌眼鏡 | 接受批評 | 有心無默

俾人睇死唔代表你冇實力 一招為令佢哋大跌眼鏡 | 接受批評 | 有心無默

【接受批評・俾人睇死唔代表你冇實力 一招為令佢哋大跌眼鏡】提到近日網絡同財經界嘅熱話,肯定包括毛記葵涌(01716)成功上市。話說宣布當日毛記「腦細」林日曦喺自己專頁撰文提到上市一事。其中有部份係令我非常深刻,而且不能同意更多。
撰文:有心無默 | 圖片來源:網絡圖片

【俾人睇死唔代表你冇實力 一招為令佢哋大跌眼鏡】

以下為原文:

“畀人睇死,係呢個世界最爽嘅一件事,因為當別人忙於取笑你批評你嘅時候,你就可以爭取時間繼續努力做好自己,到頭來都失敗咁點算呀?冇事,大家一早都睇死你,有乜所謂。但萬一你有樣嘢得咗呢?都唔會話好興奮…但…或者我重申一次:努力搏命過,感覺就是爽。”

接受批評
你俾人睇死唔代表你冇實力,失敗好多時亦只係時機未到。

腦細嘅呢番說話,令我諗返起多年前自己啱啱入行(設計業)嗰陣第一位遇到嘅老闆。

Partner都睇死你!又如何?

記得有次趕完大Project慶功嘅時候,佢突然心血來潮提到自己當年佢點樣用兩萬蚊開拓生意,開始嘅時候真係冇人相信佢會成功。包括一啲潛在客戶(最後當然傾唔成)、老朋友、起步途中甚至有位Partner都覺得佢最後係會失敗,臨拆夥前仲講咗堆好難聽嘅說話。

「你總係唔肯接受現實,承認自己能力不足,呢份自信最後會令你一無所有。」

但老闆並冇「接受現實」,就算幾艱難都繼續經營落去,最終搵到第一個願意賞識佢嘅大客。多年後嘅今日,佢間公司規模已經非常大,自己亦拎過唔少設計獎項,業務遍及內地同海外。

接受批評
林日曦:到頭來都失敗咁點算呀?冇事,大家一早都睇死你,有乜所謂。 圖片來源:林日曦Facebook個人專頁

俾人睇死唔代表你冇實力

「你俾人睇死唔代表你冇實力,失敗好多時亦只係時機未到。如果我當時接受現實,或者我而家仲係一個普通嘅打工仔。但我冇,我肯接受批評,其中一個原因,就係想成功之後令當日睇死我嘅人大跌眼鏡。」

雖然已經離職一段時間,但佢可以話係我人生中一位重要嘅啟蒙者。

不質疑自己嘅能力

當然喇,就算當日無緣聽到佢呢番說話,我自己本身都係一位幾硬頸同唔服輸嘅人,有例為證──話說十多年前嘅會考中文作文試,我係抱住相當大嘅信心離開試場。心諗成績點睇都坐B望A(當時A係最高級別)。點知最後出嚟嘅結果係Unclassified(不予評級)。

雖然其他科嘅成績亦唔見得好,唯獨作文拎U畀我嘅震撼係最大。但我並冇因為呢次挫折而質疑自己嘅能力,更加冇放棄到寫作。

接受批評
俾人睇死都不要質疑自己嘅能力!

要令當日睇死你嘅人大跌眼鏡

相隔多年,我已經出版過六本實體小說,當中五本都曾登上過暢銷書榜,有本仲即將會拍成電影。或者對比起腦細同當年嘅大老闆,我呢啲簡直係小巫見大巫,而自問亦有好大嘅進步空間。

但若果有機會俾我遇返當年嘅評卷員,我一定可以挺起胸膛好自豪咁同佢講:「睇下,呢個就係我嘅能耐。」

至少,我努力過、即使面對過失敗,仍然繼續努力,最後得到唔少人嘅認同。不過話係咁講,現實當然係冇可能見返評卷員。但有得FF(想像)一下,學腦細話齋……都係爽嘅。

相信自己、堅持繼續做

睇到呢度你可能會質疑──咁考試嘅性質又唔同寫小說嘅,唔應該拎埋一齊比較。冇錯,確實係兩樣嘢,但其實重點從來都唔喺呢度,而係你識唔識得將別人嘅批評化成原動力。仲有,就算跟隨前人嘅路唔成功,都唔代表你冇能力開闢一條新嘅道路。

最重要,係相信自己、堅持繼續做。

作者簡介:有心無默。網絡作家,以創作為樂。真實身份為故事星人。著有《西營盤》、《絕命上映》、《絕望走廊》等暢銷小說。

復活節去旅行,即睇最新酒店優惠
http://p.nmg.com.hk/gi3679

延伸閱讀:

二手居屋貴賣920萬 白居二恒常化推高樓價

俾人睇死唔代表你冇實力 一招為令佢哋大跌眼鏡 | 接受批評 | 有心無默

新居屋熱爆 翠領峰翠鳴臺優劣大解構

俾人睇死唔代表你冇實力 一招為令佢哋大跌眼鏡 | 接受批評 | 有心無默