咪見大灣區就撲埋去 教你分辨真筍盤| 樓市入門 | 海外置業

咪見大灣區就撲埋去 教你分辨真筍盤| 樓市入門 | 海外置業

【大灣區】咪見「大灣區」就撲埋去!要睇清楚甚麼是筍盤!

撰文:1%Anthony |圖片:新傳媒資料庫

朋友:    「大灣區係咪有前景呀?」

筆者:    「有~~」

朋友:    「咁我買囉。」

筆者:    「買咩?」

朋友:    「大灣區囉。」

筆者:    「買邊度?買咩樓?」

朋友:    「唔知喎,代理Send俾我,話係大灣區,實爆升!」

筆者:    「大灣區咁大,加埋港、澳11 個城市,度度爆升咩?」

朋友:    「係咩?睇睇先…」

筆者:    「唔同地區有唔同發展,咪見到大灣區三個字就瞓身。」

朋友:    「代理話係惠州,得唔得架?」

筆者:    「惠州邊度?」

朋友:    「唔清楚喎!」

筆者:    「惠州都好大架。」

朋友:    「有幾大呀?有冇香港咁大呀?」

筆者:    「你自己開個地圖睇吓。」

朋友:    「嘩!」

筆者:    「點呀?有幾大呀?」

朋友:    「睇落香港、深圳、東莞加埋都唔夠佢大喎!」

筆者:    「咪係囉,位置配套好都要睇價錢,何況有啲好偏架!」

朋友:    「好在問吓你唧,咁你之前睇嗰啲呢?」

筆者:    「都有唔少同學買到筍盤,睇唔同人嘅策略…」

大灣區中較近深圳、香港樓盤有優勢

好似之前睇咗幾個盤都唔錯…

先講位置,距離深圳都幾近!

正如前文所說,大灣區地方好大,連同香港、澳門,是由11個城市組成的城市群,單就惠州的面積幾乎已經等如香港、深圳、東莞的總和,所以位置非常重要。

如果唔計香港、澳門,最有錢的當然是深圳,如果位置上靠近深圳、香港肯定有優勢,深圳位置好的新樓盤呎價動輒逾1萬,稍有質素的二手屋苑,呎價都要5、6千,如果距離深圳不遠,呎價只是1千多元,比較之下,自然會吸引到更多買家承接。

例如其中有幾個樓盤,距離深圳邊界只是十幾分鐘車程,天氣好啲直頭望得見。

大灣區
香港、澳門以外最有錢的當然是深圳,樓盤如果位置上靠近深圳、香港肯定有優勢。

名牌發展商開發有信心

再講其他方面…

幾個樓盤都是名牌發展商開發,根據過往紀錄,質素不俗,最少唔會驚爛尾。

筆者又會特別留意開則,因為大陸樓的面積一般會比較大,尤其是大型住宅項目,很多都是三房、四房設計,如果開則大Lump Sum就會相差很遠。

今次睇的樓盤開則都幾好,建築不到800呎已經可以做到三房間格,感覺仲大過香港的實用800呎,大部份房間都可以放到雙人床。

 

再講呎價大約1300~1500左右…

當然所講的都是人民幣,以80平方米即大約800呎多些少計算,總價大約100萬多少少,數目也不少,不過其中兩個樓盤最大的優勢是可以做到最高70%成按揭,左扣右扣預65%穩陣,即是首期30多萬就可以買到一個三房單位了。

有戰友聽到即時入飛,不過可惜筆者已經冇Quota,只能在旁吶喊助威,是咁的…大陸很多城市都有限貸政策,每個城市不同,代理告訴我在這個地區,如果首個單位做按揭最高可借7成,第2個單位做按揭最高可借3成,第3個單位或以上就借不到了,所以筆者要用另一種策略。

恭喜戰友!買到筍盤又有槓桿!

限貸政策
如果首個單位做按揭最高可借7成,第2個單位做按揭最高可借3成,第3個單位或以上就借不到了。圖片:unsplash

編按:作者為1%投資培訓的地產課程總監,著有《買樓上車防中伏》、《上車又住又賺》、《樓。轉命運》、《工商舖小本投資入門》、《50 萬上車》、《投資買樓賺錢筆記》等等,其博客《第一桶金》總瀏覽量逾300萬人次,曾接受多間傳媒專訪及出任電台地產節目嘉賓主持,並擔任TVB節目「有樓萬事足」顧問。2000年科網股爆破,曾欠下近一年薪金卡數。經債務重組後,2004年股樓雙線出擊,短短四年由滿身卡數打工仔,變出六層樓。其後與投資兵團大舉出擊投資物業,並進軍商鋪、工廈市場,以穩健投資策略,成功變出雙位數物業。