29歲揸30萬現金 買大陸樓好 還是股票好|龔成信箱

29歲揸30萬現金 買大陸樓好 還是股票好|龔成信箱

【股票】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:新傳媒資料庫

1.買內地樓

龔成老師, 本人今年29歲,約有30萬現金。想作一點投資(沒有炒股經驗) 。

而近排朋友介紹了「恆大恩平泉都」一個約400尺單位。 我應該將錢一筆過買該單位,還是用作股票投資較好?

龔成老師:

以你這個年齡,其實可以偏向增值,因為我地進行人生財富累積,應該以「先增值,後現金流」作策略,你這刻可集中在財富累積。你宜投資各種的資產項,都會比你持有現金好。

當然,投資不是胡亂進行,而是經過仔細分析,確保你本金的安全,以及有合理的回報。

你上述所講的物業,抱歉我不認識,如果可以用$30萬一次過支付的話,我相信是較偏遠的地方。

記住一點,我地決定是否投資一個項目,不是以金額去決定,而是用質素、前景、回報率去決定,所以,$30萬一個單位,不是投資與否的因素,你應從地點、長遠發展、租金回報率方面分析。

另外,我地只會投資認識的項目,在你真正了解該項目前,不要投資。$30萬不是小數目,請好好珍惜。

另外,如果你投資股票,記住不是炒賣,是投資有質素的股票,長線合理增值,這刻股市不算平,但都不是好貴,所以你可以將部分資金,投資在優質股上。

希望你先強化你的投資知識,多睇書及上堂等,之後才投資。(對照龔成信箱:Q5121)

股票
我地決定是否投資一個項目,而是用質素、前景、回報率去決定。

2.自我增值

hi 龔成,看到一些關於你對自我增值的看法,因為我本身呢份工係文員,打算做夠一年就走,我想問下你對甚麼課程才算有價值?

龔成老師:

要睇你本身的強項同興趣,找翻相關課程去讀最好,如果你想全面發展,就最好上有關語文、溝通、人際關係、管理這類。

另外,如果你有時間,其實我幾建議你學一d更有突破的技項,例如創業,又或投資,呢d對你突破方面,有機會有更大的幫助。(對照龔成信箱:Q5107)

3.認購證

龔sir,想請問下如果我本身有25萬現金,但係之前投資左認購證,導致虧損緊15萬,我應唔應該止損換翻股票投資?唔該哂!真係好後悔買認購證,由賺變蝕。

以下係我手頭有嘅認購證

平保 到期日2020年一月 目標價100

388 到期日今年 目標價300

建行 今年  目標價 10

工行 今年  目標價 8.5

 

龔成老師:

每個人都經歷過呢個時期,我十幾年前都試過,後來知道呢個投資產項,背後的潛在成本極度高,之後先唔玩。這亦是學習過程的一部分,總之,完左今次之後,以後唔好玩就得。

認購證的時間值消耗得好快,如果正股價一值不變,佢會一值貶值,所以,這類證其實盡快賣出較好。

由於你不少證都好快到期,當佢愈近到期時(例如只剩1個月以下),如果處於價外,該證的價格會急速下跌,因為佢會慢慢變成未日輪,最後一文不值,所以,你唔到太近到期日才賣。

你最好在這1、2個月,見到正股股價有較大反彈時,就賣出當中的認購證。(對照龔成信箱:Q5108)

4.加入證券所

老師!最近我發覺對股票感到興趣,而最近剛好證券所有個招聘日 我打算去面試。

老師你認為加入證券所開始打工而放棄大專好嗎?

龔成老師:

你不一定要放棄大專。

證券行是一個學習機會,但無人知是否適合你,同時,裡面的野不一定如你想象般多野學。

我過往都做過證券行,亦有試過一邊讀書一邊做,所以你可以兩邊都做到(但你可能要想想點說服證券行)。我過往是在讀書中途,在暑假入行,然後一邊讀書一邊做的。

我的確能學到好多野,但我後來亦發現,這條路不是我最想要的路,同時,裡面不是所有學到的野,都完全正確,我想學的野,基本上都學完。所以,最後我離開了該證券行。(對照龔成信箱:Q5109)

 

5.恒騰網絡(0136)

老師你好,岩岩睇完你寫的80後百萬富翁,獲益良多,謝謝。

我想問我岩岩學投資,已犯了錯–同事話買乜我就買,結果17年11月買左136, 一路就跌,最近發盈喜,差唔多升返我買的價,我又未識分析佢好唔好,我究竟趁一到位即刻拎返錢,定見佢賺錢就等多陣望佢升多d呢?

我係0.39買入的,謝謝。

龔成老師:

我地買股票,其實是買企業,你一定要對企業了解,當中的財務情況、生意、盈利、行業結構、前景等(可能你覺得好煩,但投資的錢都係你的,你唔緊張無人緊張)。

恒騰網絡(0136)唔係唔佢無潛力,但其實好難分析,佢現時的盈利根本好少,但市值卻有幾百億,即是當中沒有太大的實質價值,市場上大部分都是概念價值。

這個概念價值當然有前景,但好難計佢值幾多錢,可以$1000億,可以$100億,市場對當中價值的計算,變化好大,所以股價好波動,投機味亦好重。

我地投資,係要穩健,在明白風險的情況下,爭取合理回報,唔係博。所以,這股雖然有前景,但股價變化太大,唔應該投資太多,你最好到返回買入價時,賣出這股,轉投其他穩健股較好。

如你本身看好這股,就賣出大部分,餘下小部分作投資。(對照龔成信箱:Q5110)

6.投資樓或股票?

龔成老師,本人月入四萬至四萬5到,二十一歲,未有任何投資經驗

想投資樓或股票,兩者邊一較為好呢?

大約每月可儲二萬5到

龔成老師:

現時的物業市場較貴,投資價值不大,但仍有自住的價值,如果你這刻唔急切要買樓的話,投資其他工具,回報會較大。

你可以利用股票,作為投資的類別。我地進行人生財富累積,應該用「先增值,後現金流」的模式進行,以你這個年紀,其實可以集中做財富增值,投資增值力較高的類別。

因此,潛力股及平穩增值股,都是適合你的投資項目,你可以建立一個平衡分配的組合。不過,由於你未有投資經驗,潛力股所佔的比例要減,因為潛力股要有較大的投資技巧。

對初階投資者來說,以月供股票模式來進行財富累積較好,因為買入價得以平均,你可以每月供$16000-$20000,餘下則儲現金,以一邊入貨,一邊儲現金的模式進行。

選股方面,你可以考慮盈富(2800)、金沙(1928)、長建(1038)、中銀(2388)、領展(0823)、港鐵(0066)等,都是平穩增值類別。潛力股則可考慮比亞迪(1211)。

你這刻以股票去累積財富,到有一定的財富後,再分析當時的樓價是否合理,如有適當的時機,就可把握機會投資物業。(對照龔成信箱:Q5111)

7.玖龍紙業(2689)

你好  請問2689玖紙 中期業績按年純利升一倍多  現價值搏率算唔算高 預計持貨最少未期業績?

現價除今年盈利預測  pe7倍左右

歷史/同業pe大約十至11倍

股值算平?

龔成老師:

玖龍紙業(2689)有質素,但質素不會太高。

這企業過往的生意不斷增長,但盈利卻沒有同步增長,直至近年受成本等因素利好,帶動盈利明顯上升,這對佢來說是有利有弊的。

因為成本下跌而對佢有利好,企業價值當然得以提升,但同時亦反映出,佢的成本比較被動,自己能控制到的部分較少,所以企業質素唔會太高,若然日後成本又被大環境影響而上升,但又無法提高產品售價,佢的盈利就會受到影響,最終令股價下跌。

現時的估值不貴,可以投資,但由於上述因素,這股不建議太大注。(對照龔成信箱:Q5112)

股票
玖龍紙業(2689)有質素,但質素不會太高。

8.莎莎(0178)

Hi,莎莎國際我3元入 其實應該放嗎 定長線? 有潛力嗎?

龔成老師:

要睇你有無耐性,莎莎(0178)的長遠發展正面,雖然增長力比之前低,但前景仍然不錯。現時的估值又不算貴,所以如果有耐性,其實可以持有住先,不過,中短期唔好預佢的股價升得好勁。(對照龔成信箱:Q5113)

9.預測市盈率

Hi, Mr. Success,我用開etnet睇財經資訊,佢每隻股都有預測息率同預測市盈率,但我有啲野唔明,譬如港鐵個預測息率佢話有八厘,但特別股息都未必再有點解佢仲計到咁高?同埋佢個預測市盈率對判斷現價高低有冇幫助?

還有,想問問證卷行對股票既評級有幾大參考價值?

龔成老師:

哈哈,終於有人講得到我的名背後的意思(龔成倒轉讀就是成功)。

我一般都唔會用出面的預測,因為準確度未必高。我會分析這股過往5年的派息,在不計特別股息的情況下,只計算正當經營而得的股息,然後我會用這個股息,再加上佢最新的經營情況,推斷下年的股息,再除以現價,得到我自行推斷的股息率,往往準過出面。

另外,預測市盈率亦有類似情況,我自行推斷出下年盈利,除計出預測市盈率。

所以,佢地的數字,你參考下好啦,唔好太信。

至於大行評級等分析,你唔好只睇一間,要睇多幾間,綜合來睇,就會有d參考價值。(對照龔成信箱:Q5114)

 

10.比特幣

你好,你點睇比特幣?以增長為主要目標既投資組合應否於現階段買入?

龔成老師:

我對比特幣不太認識,所以我自己無投資(但不代睇好或睇淡),只是我不知道。而我只投資自己認識的項目。

這類虛疑貨幣,無本並無實質價值,只有交易價值,即是說,佢的價值只單由供求反映,當有好多人以比特幣交易時,這就會大升。反之若沒有人有交易需求,佢的價格可以跌至零,因為佢本身無實質價值。

(對照龔成信箱:Q5115)

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀:

26歲每月7,000做投資 買盈富領展騰訊煤氣 是否合適

投資

80後女娛記裸辭做日本代購 1萬創業 月賺9萬Tips大公開