24歲月供2000買股票 有乜優質收息股揀 |龔成信箱

24歲月供2000買股票 有乜優質收息股揀 |龔成信箱

【收息股】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:新傳媒資料庫

1.收息股

Hello龔成,我今年24歲,我唔係一個成日買野的人,但因為無理財觀念,所以每個月都唔知自己左錢洗左去邊。

直至近半年開始想增加自己收入,先開始儲錢同睇你fb,因為個人缺乏安全感,所以好認同你長線投資同穩陣理念

我現時手上有大約8萬蚊現金,因為黎緊要讀書,需要一定現金備用,所以跟住落黎每月只可用1000-2000蚊月供股票或者儲埋再直接入一手。

由於仍後生,但呢兩三年都好難靠月薪儲錢,所以想同時買收息股同優質股,希望有多啲資金錢滾錢。想請問一下開立股票戶口有咩注意事項?會點樣挑選邊間銀行/證券行?另外,可以點樣分配現時手上? 8萬蚊現金入市?多謝你解答!

龔成老師:

如你想知自己的錢洗左賣邊,建議你用記賬方法,每日mark數,用手機app做都得。我都做左近20年,而家仲做緊。

我地理財,一定要以防守為先,餘下的資金才可增值,所以你先扣起備用現金,這是適當你做法。我地進行人生財富累積,應該用「先增值,後現金流」作方法,你年輕,收L息股的比例不用多,反而應集中在財富增值。

月供股票$2000,雖然不多,但都是一點一滴累積財富的方法,你可以供平穩增值股,例如盈富(2800)。

銀行或證券行都可以開戶的,你最好問埋有無得做月供股票,同埋手續費幾錢,我聽網左講月供股,匯X及南X商業銀行的手續費較平,但你都要比較一下。

$8萬你先要扣用將來備用的,餘下可投資。在可投資的部分,現時可以將其中一半入市(要分注),買平穩增值股,餘下一半等大市跌才動用。(對照龔成信箱:Q5263)

2.香港電訊(6823)

老師,6823是買入時機嗎?謝了

龔成老師:

香港電訊(6823)本質不錯,電訊業的價格戰,的確會對佢盈利略有影響,但這只是中短期,以長期來說,又唔算太差,特別是李氏已佔了大部分。這股現時可以分注買入,但你不要預佢高增長,因為佢係平穩類型,收息不錯,但不要對股價太有期望。(對照龔成信箱:Q5248)

收息股
香港電訊(6823)本質不錯,電訊業的價格戰,的確會對佢盈利略有影響。

3.耐世特(1316)

龔成老師,請問現時買入1316(跌了很多!)

龔成老師:

耐世特(1316)之前的確跌左唔少,但這股從基本的企業價值分析,其實唔算好差,佢係轉向及動力傳動產品供應商,主要產品包括轉向系統(電動助力轉向機、液壓助力轉向以及轉向管柱),以及動力傳動系統。

佢的產品可用於小型客車至全尺寸貨車等各類汽車,由於佢出口至美國、墨西哥、加拿大、歐洲等地,所以貿易保護主議會對佢不利。

相信中短期仍會波動,但對佢實質的影響仍要觀察,但長遠及本質來講,其實佢唔差的。這股仍會波動,如果想買入,最好分注,現時估值合理。(對照龔成信箱:Q5249)

 

4.莎莎(0178)

明白了 那現在似乎不是好時機。另外想謝謝你推介莎莎。真係好有先見之明。

龔成老師:

莎莎(0178)是有質素的股票,這在《50優質潛力股》一早已有推介,當時股價只是$2、$3,近期自由行慢慢向好,零售市道又好翻,帶動股價上升。

但其實,我地不難發現,莎莎本身有一定的質素,而零售市道一定會有週期的上落,有好有壞是正常的,所以,價值終會反映。(對照龔成信箱:Q5250)

5.鐵貨(1029)

我留意過鐵貨,最近也有新投資者,你點睇?

龔成老師:

鐵貨(1029)年年虧損,我當然有保留,如你有留意佢的股價,長期下跌的。雖然有新投資者,但也不一定能令企業起死回生,所以投資這類股要較小心。(對照龔成信箱:Q5251)

6.1038長江基建

老師,你覺得1038長江基建有無機會爆升?

龔成老師:

中短期的波動不足為奇,但以長期計,這是平穩增長的類型,好難會有爆升。因為長期股價一定回歸企業價值,而這股多年都以不錯的增長速度增長,相信之後都會,但這個增長不是爆炸性,所以股價只會平穩增長。(對照龔成信箱:Q5252)

7.煤氣(0003)

老師,點可以做到每年有10%複息回報呢?除左買3 媒氣。

龔成老師:

其實10%不難。

單計我地的恆指,以過去幾十年複息計算,每年平均的回報率係12%,加上股息的3%,總共有15%。若然認為之前的中港經濟增長快,之後無咁勁的增長,假設之後回報只有7%,加上股息3%,已經有10%,根本好易。

所以,除左煤氣(0003)之外,好多股長期都有超過10%回報,如不懂選股,簡單月供盈富(2800)就可以了。(對照龔成信箱:Q5253)

8.平穩增值股

你好,我之前賣出了股票,攞返二萬,呢二萬是額外的錢,請問我應該如何分配?

是購入平穩增值股?(因為本身都打算用哂在股票)

我每個月都可以用$1500左右

月供港鐵可以嗎?謝謝你!

龔成老師:

最穩健的方法,就係買入盈富(2800),因為這股已經是一個50隻股票的組合,持有這股已經可以幫你平穩增值。

對大部分人來說,盈富是最好的選擇,我相信都適合你的。

月供港鐵(0066)可以,港鐵本身有質素,長期一定有增長力,但以平衡來說,盈富最有減少風險的作用。(對照龔成信箱:Q5254)

 

9.潛力股

多謝老師回覆,你說得對,1177沒有月供的,請問我可以用那一隻潛力股去替代?另外,經過你指導後,月供計劃更改如下!

#2800 $3000

#1211 $1500

#1177 $1500 (用那一隻替代?)

#3 $2000

#1038 $2000

其實會不會有太多公營的股票,是不是太集中。十分多謝老師解答

龔成老師:

雖然公用股的比例唔算多,更由於公用本身穩健,更不用擔心。

如果你想組合有一定的潛力,又有一定的平衡,最簡單的方法是將原本打算供中生製(1177)的$1500,將其中的$500加到盈富(2800),餘下$1000加到比亞迪(1211),咁樣就得。

由於盈富本身已經分散,所以唔洗太擔心。但如果你真的怕這樣太集中,可以找其他穩健股,例如金沙(1928)、港鐵(0066)、中銀(2388)、長建(1038),但潛力則較一般。(對照龔成信箱:Q5255)

 

10.後市

Hi, 龔成SIR, 請問你對後市點睇?

龔成老師:

其實,我係從來都唔分析後市的,我亦不認為有人能預期到所講的大市走勢、升跌多少點。

真正明白投資的人,只會簡單地買入企業,然後慢慢等企業成長,長期來說,企業價值增長能帶動股價上升,自然令我地獲利。(對照龔成信箱:Q5256)

延伸閱讀:

港珠澳大橋快通車 濠賭股最受惠 首選呢隻

港珠澳大橋

31歲月儲12K 持25萬現金 點投資令資產滾大

 

投資