打工仔月入萬幾蚊 都要捱窮 相比失業待業更慘 | 在職貧窮

打工仔月入萬幾蚊 都要捱窮 相比失業待業更慘 | 在職貧窮

如果你以為有工返,總好過冇工返,咁呢個諗法,就真係大錯特錯。須知道呢個世界上,有一樣嘢叫「在職貧窮」,既要返工做嘢辛苦,同時又要捱窮,相比起失業待業在家更慘。近有網民就大呻:「月入萬幾蚊嘅嗰班人,係全香港最慘嘅打工仔!」
撰文:浩德 |圖片:新傳媒資料庫、unsplash

支持呢個說法嘅理據如下:

1. 在職貧窮:申請公屋唔夠資格

根據現時公屋的基本申請資格,家庭人數一人入息及總資產淨值限額分別為$11,250及$245,000。

如果你搵緊12K,Sorry!你已經超過申請一人家庭入息淨值限額上限喇!拜!

在職貧窮 打工仔 返工 捱窮
圖片:新傳媒資料庫

2. 在職貧窮:私樓一世儲唔到錢買

香港樓價有升無跌,今時今日所謂平價的上車盤,約200實呎的舊樓都過300萬。

當搵緊3幾萬蚊人工嗰一群都大嗌上唔到車之時,試問一個搵萬零蚊嘅打工仔,又點可以買到私樓呢,簡直係天荒夜談啦!

在職貧窮 打工仔 返工 捱窮
圖片:新傳媒資料庫

3. 在職貧窮:保險無錢供

當每月份糧都唔夠個人基本生活費,每日返工嘅車費、飯錢,電話費都要計過度過先用嘅時候。

莫講話再用額外錢嚟買保險,差啲就連睇醫生錢都未必畀得出!

在職貧窮 打工仔 返工 捱窮
圖片:unsplash

4. 在職貧窮:搵唔到女朋友

雖則話拍拖最緊要係「兩情相悅」,之但係唔係有情就真係可以飲水飽嘅。

當自己都差啲淨係得水飲嘅時間,就無謂累其他人要陪你飲水啦,嗚!

在職貧窮 打工仔 返工 捱窮
圖片:unsplash

5. 在職貧窮:父母嫌家用少

仔女有收入,畀家用父母係天經地義嘅事,但係搵得雞碎咁多,又真係好難畀得多父母。

與此同時,父母嫌家用唔夠亦都係人之常情,始終燈油火蠟樣樣都要錢,兩難呀唉!

在職貧窮 打工仔 返工 捱窮
圖片:unsplash

不過,正所謂:「寧欺白鬚公,莫欺少年窮!」

雖然你現時可能只有萬幾蚊收入,但難保機會話嚟就嚟!

只要自己唔放棄自己,努力工作、不斷進修自我增值,總會找到理想出路!

在職貧窮 打工仔 返工 捱窮
圖片:unsplash