30歲月儲$3,000想買第二間樓 月供股票定月供基金最快達標|龔成信箱

30歲月儲$3,000想買第二間樓 月供股票定月供基金最快達標|龔成信箱

月供股票 VS 月供基金】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題,包括月供票票、月供基金,以至抽居屋。

撰文:龔成  |圖片:新傳媒資料庫、中新社 

1.月供股票 VS 月供基金

龔sir, 我就係你《財務自由行》書中,所形容的”身在死胡同的中產, 現在三十歲,有一層樓自住,有少量股票係手。

但唔知未來點財富增值。想問下每月用$3000來投資,月供股票好,還是買月供基金呢?月供股票應該買幾多隻?

其實最想可以儲夠一筆錢,未來再買多一層樓來投資,有咩提議?Thanks!!!

龔成老師:

買多一層樓作投資,當然是其中一個財富策略,你可以將佢定為長遠目標,現時先集中累積財富,同時在資金足夠,以及樓市在適當時機時,才做這動作。

雖然你這刻身在死胡同,但不是無機會究破的,你可以從4方面,同時著手。

首先,人工上的突破,你要思考長遠計,你這份工是否能明顯提升人工,有無可能在多年後,你的人工比現在的較多。

第二,思考小生意,你想想有無可能利用餘下時間,做小生意,只需要小小本,又或無本,慢慢建立生意出來。

第三,好好運用這$3000,每月$3000已經可以做月供股票,你可以供盈富(2800)$2000,以及比亞迪(1211)$1000,長線能助你財富有效增值。

第四,努力學投資知識,投資可以幫你突破,但前提是你一定要有投資知識,只要你把握到選股,投資時機這些技巧,當股市出現機會,就會令你財富明顯增加。

如果你已經是50歲,我唔會叫你做上面咁多野,但你只是30歲,我覺得你可以有好大究破,睇下你自己想點,你可以一直在死胡同中玩30年,又或者,玩一個更好玩的人生。(對照龔成信箱:Q5648)

月供股票 月供基金 龔成信箱 廣汽集團 中美貿易戰 吉利汽車 工行 建行 居屋 正通汽車
龔成指,好好運用這$3000,每月$3000已經可以做月供股票,你可以供盈富(2800)$2000,以及比亞迪(1211)$1000,長線能助你財富有效增值。

2.廣汽集團(2238)

成哥,想問隻廣汽現價8倍PE左右,見佢銷售數據盈利各方面都有唔錯增長,估值是否吸引?

此外一些受累完貿易戰的股份,如耐世特及萬州,中長線是否吸納良機?還是先行迴避這類股?

龔成老師:

每個行業,每間企業,都有佢的市盈率合理的區域,以內銀為例,市盈率平均只有6倍,比本地銀行股的10倍以上低得多,但我地唔會因此而覺得好平,只會認為佢是合理價。

同時,我地唔會單睇市盈率就定義佢平貴,因為這只是其中一個評估指標,同時,只反映一年數據。廣汽集團(2238),近年增長好快,盈利比幾年前升左好多倍,如果以市盈率計,就會好集中在「上年度」的盈利去作推算。

廣汽正面的,但無你想像得咁平,現時只處於合理價。近期市況波動,的確令佢回落,有少少吸引力。

至於其他與貿易戰有關的股票,如果回落比較大,可以分注買入但眼光一定要放長d,相信中短期股價仍好波動。(對照龔成信箱:Q5647)

3.中美貿易戰

Hello 龔sir 想請問中美爆發貿易戰股價十分波動,早前入手左三隻股票,分別係股價76入匯豐,151入舜宇光學,41入萬科,短期應該點樣部署?有無機會升返?點睇呢場貿易戰?

龔成老師:

中短期你唔好預佢上翻去,因為貿易戰,其實是心理戰,相信最終唔會打,但表面上,會令人相信佢會打,股市會相信佢打,就會跌,當然,有可能又突然大升​​,中間好多因素。

但講到尾,股市會好波動,同時會較弱。所以,短期你唔好預佢上翻去,但長期,又不會太差的。因為你持有的股不是年質素。(對照龔成信箱:Q5649)

月供股票 月供基金 龔成信箱 廣汽集團 中美貿易戰 吉利汽車 工行 建行 居屋 正通汽車
中美貿易戰升溫,投資市場翻天覆地。

4.吉利汽車(0175)

老師你好。本人持有一萬股175,但買入價位是26.9,我想請問老師,175值得繼續持有嗎?以及前境如何。

多謝老師解

龔成老師:

吉利汽車(0175)長遠正面的,你可以持有,雖然你買入價有少少貴,但都唔洗太擔心,這股無論在質素上,以及長遠發展上都不差。佢無論在國內及國內的發展都不錯。

但股市波動,股價上落較大,你最好唔好理中短期股價,集中在長遠的企業發展會較好。(對照龔成信箱:Q5650)

5.京能清潔能源(0579)

龔成老師,你好,有一隻股票問題想問

本人成本價大既2.17入了少量579,覺得佢賺錢能力不錯,PE亦低,大既6倍左右,但唔明白點解好似跌唔停,到底係咩原因?可唔可以繼續持有?感謝

龔成老師:

這是因為佢的盈利正不斷下跌,當我地以市盈率去睇企業時,你要明白這市盈率只會反映剛過去一年的盈利,但如果佢之後的盈利會下跌,就算這刻的市盈率好低,只要過一年後,都會變成高市盈率。

京能清潔能源(0579)質素中等,雖然唔算太差,但又不算好。由於市場以「預期」模式去運作,所以現時股價不斷下跌,正是反映市場預佢的盈利,會明這刻進一步下跌。

這股不是完全無質素,如果你持有數目不算過多,那就可以繼續持有住先。(對照龔成信箱:Q5651)

6.工行及建行

老師,我43歲,請問工商、建設適合我嗎?你說過月供股票要時間夠長,大約是最小儲多久年份較為好呢?3年、5年?

麻煩你了

龔成老師:

工行(1398)及建行(0939)都是有質素的股票,都適合你的。不過,以你的年齡,其實仍然可以有增長力,不用全部都供收息類股票,同時,大集中在銀行股未必是好事。

對你來說,你可以將一半資金,月供盈富(2800),一半資金,月供工行或建行的其中一隻,長期進行就得。

一年來說,月供最少供3年,持有5年。其實,供得愈耐,持有得愈耐,對你愈有利。(對照龔成信箱:Q5652)

7.持有因素

你好,請問00857中石油,01060阿里影業,00729五龍電動車,分別係$6.19,$1.07,$0.34買入,應該繼續持有?還是放棄?

龔成老師:

我地持有一隻股票與否,關鍵位不是買入價,不是現價賺蝕,是這企業的質素,以及長遠前景,這才是重點。買入價只是心理因素。

中國石油股份(0857)有質素,但不算太高,佢本身有相當的規模,但受油價影響,缺乏自主的能力,可以守住先。

阿里影業(1060)比較麻煩,因為這企業仍處虧損狀態,這刻的市場估值單靠「預期」,所以估值變化好大。雖然不是沒有潛力,但風險較高,最好在反彈時賣出。

五龍電動車(0729)是散戶很喜歡炒的一隻股,而我最怕就是這類,因為凡散戶熱炒的,都無乜好結果。有反彈最好止蝕。(對照龔成信箱:Q5653)

8.投資組合

龔成老師你好!讀了你的《大富翁致富藍圖》與《財務自由行》,讓我對資產、現金流與財務自由有了初步認識。本人剛畢業2年,一月至今購入了以下股票:

0011 恆生200股@ $178

2388 中銀1000股@ $37.4

0388 港交所200股@ $268

1211 比亞迪500股@ $60

0700 騰訊100股@ $405

最近港交所在$250價位徘徊(我知道理應在<$200買入),其他股價則不上不下,請問你對以上的投資組合有什麼意見?

另外,我每月有二、三萬儲蓄可作長期投資,但又不想月供股票,應該逐手購入哪些穩健收息股?

 

龔成老師:

你持有的,都是有質素的股票,可長線投資,你唔好理短期股價的上落,集中在企業的長遠發展就可以。

港交所(0388)是優質股,但合理價在$200,現時的股價不平宜。當然,如果一隻股票有相當的質素,我地在貴少少的價位買入,都可考慮,不過,策略上就要小心啲。

如你真的想入這股,但這刻又不平,你可以用金字塔式買入方法,先在現價入小注,到佢回落10%時再加小注,再跌10%時再加小注,到了合理區才真正買入。但你就要預先設定好個總金額,整個是分注式的投資策略。

如果你每月能儲$2、3萬,你可以不斷儲現金,同時分注買入股票,例如每隔2個月,入一次,已經是分注的策略。你可考慮:港燈(2638)、香港電訊(6823)、置富(0778)、工行(1398),都是可投資的收息股。(對照龔成信箱:Q5654)

9.正通汽車(1728)

龔成老師你好,我想問的是1728正通汽車,之前係業績發布前買了,但業績發布後一直向下跌,最近才慢慢回升。

想問我應該繼續持有等待它慢慢升上,還是止蝕離場呢?

龔成老師:

正通汽車(1728)銷售品牌包括寶馬、MINI及奧迪等,同時亦有日產、現代等。

其實佢出來的業績唔算差,但市場往往以預期模式運作,即是一最預期了業績如何,最後出來的,就只要比較這預期,而不是睇本質。

這股長期發展仍屬正面,你不用太擔心,但近期市況波動,相信股價仍會波動,你可能要耐心少少等。(對照龔成信箱:Q5656)

10.居屋

老師…. 有野想請教你!

啟德同長沙灣?居屋即將發售,位置好似唔錯… 又好似又升值潛力,尤其是啟德地段,我而家係住緊公屋既… 應唔應該考慮用綠表黎抽呢?

但而家樓市好似好高,雖然居屋平過私人樓,但怕佢回落,變左摸頂。但可以用樓價既5% 做downpayment 幾吸引

如果私人市場,需要草2百萬做首期,有難度,同埋需時。但我又怕將來冇機會再返番私人市場

咁老師點睇呢?

龔成老師:

首先,要睇下你同你家人的長遠居住方式。如果你家人保留公屋,而你買私樓,就可以有兩間居,就算你家人因減少成員而要住細d的公屋,講到尾,仍是兩間屋住,到多野會彈性啲。

若然將公屋轉成居屋,就只有一間屋。如果你地這方面的居住無問題的話,其實,公屋轉居屋可以的。

啟德同長沙灣都是市區,點都有一定的價值,現時樓價雖然貴,但說到尾,居屋都平好多,值得你這樣做。(對照龔成信箱:Q5657)

月供股票 月供基金 龔成信箱 廣汽集團 中美貿易戰 吉利汽車 工行 建行 居屋 正通汽車
新居屋52折發售,售價太吸引。

 體驗1分鐘貸款批核隨時提款話咁易

平遊東京不是夢!最平住宿喺曬呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀:

零食任食返工可飲啤酒貼地創業老闆:憑咩要員工攞條命同你搏?