大學畢業1年轉4次工 搵錢少咗 多嘢做咗 反而仲開心|職場制勝

大學畢業1年轉4次工 搵錢少咗 多嘢做咗 反而仲開心|職場制勝

大學畢業職場制勝】話說最近筆者去咗一個中學同學嘅聚會,見到不少熟識的舊臉孔,而當中包括我嘅好朋友阿雞。我地互相寒喧咗幾句之後,就開始分享大學畢業嘅工作情況。

撰文:Purple弟弟|圖片:電視截圖、unsplash

大學畢業1年轉4次工

阿雞係大學讀啲同環保政策相關嘅學科,但同大部分嘅大學生一樣。

佢自己就唔太鐘意讀緊果科,所以一直以來都奉行得過且過原則,讀完大學就算。

我最後一次見佢只係知道佢會去NGO打工。

職場制勝 大學畢業 工作 人工 夢想 返工 中學同學
阿雞一直以來都奉行得過且過原則,讀完大學就算。圖片:unsplash

每日都有返工嘅衝勁

我:「好耐無見喇,阿雞,你最近返NGO返成點?」

雞:「我無做果度好耐,我轉咗4次工,而家返緊大學嘅研究助理。」

我:「你轉咗4次工,終於入到大學度做,咁人工一定好吸引喇!」

雞:「唔係呀,咁多份工嚟講,呢份人工最低,但同時要做嘅職責亦都係最多,每日返工都無得hea。」

我:「咁你仲繼續做?你可以試下其他舒服啲又或者人工高啲嘅工,唔需要咁辛苦。」

雞:「唔係,我而家做得好開心,因為我本身想過日本發展,而呢份工咁啱就係研究日本文化,雖然人工低,但我真係每日都有返工嘅衝勁,我咁大個仔都未試過!」

職場制勝 大學畢業 工作 人工 夢想 返工 中學同學
阿雞搵到一份「筍工」,每日都有返工嘅衝勁。圖片:電視截圖

聽到阿雞振振有詞咁分享份工帶俾佢嘅衝勁,我果一刻竟然對阿雞有啲陌生。

相識咗整個中學生涯嘅老朋友,我都係第一次見佢雙眼發光。

而阿雞嘅語氣同埋眼神都好似重新灌注咗靈魂,不斷給予我一種感覺,那就是熱。

職場制勝 大學畢業 工作 人工 夢想 返工 中學同學
阿雞嘅語氣同埋眼神都好似重新灌注咗靈魂。圖片:unsplash

為夢想跳出舒講圈

老實說,我一直以為阿雞畢業後大概也是得過且過,搵份hea工度日就算。

誰不知當他遇到了人生夢想時,佢會變成超級撒亞人,為夢想跳出舒講圈。

反觀我當初dse分數比阿雞高,入到本地最高學府,但對人生嘅熱度卻每年遞減。

對份工嘅感覺根本稱不上為熱愛,也只能算是僅僅不討厭。 

職場制勝 大學畢業 工作 人工 夢想 返工 中學同學
我當初dse分數比阿雞高,入到本地最高學府,但對人生嘅熱度卻每年遞減。圖片:unsplash

現在回想起來,究竟我和阿雞當初誰比較得過且過?

文憑試中考到不錯的成績,卻對未來路向全無主見。

我入讀嘅大學同埋選擇嘅學科亦都係人云亦云,每個重要嘅人生決擇都在乎他人嘅價值觀同埋評論。

筆者成績不錯,但卻失去咗自己探索可能性嘅本能,從未為人生目標有過衝動同掙扎。

職場制勝 大學畢業 工作 人工 夢想 返工 中學同學
筆者失去咗自己探索可能性嘅本能,從未為人生目標有過衝動同掙扎。圖片:unsplash

重新出發尋覓理想

或許現在係時候我要重新出發尋覓理想,尋回人生中早已失去嘅熱血。

職場制勝 大學畢業 工作 人工 夢想 返工 中學同學
筆者要重新出發尋覓理想,尋回人生中早已失去嘅熱血。圖片:unsplash

或許會有親戚及朋友問我現在開始追夢唔會太遲?

我會用《宇宙兄弟》中的一句話回答 — 

「第一名和最後一名其實差唔多,有沒有到達終點先係最重要。」

職場制勝 大學畢業 工作 人工 夢想 返工 中學同學
「第一名和最後一名其實差唔多,有沒有到達終點先係最重要。」圖片:unsplash

 

相關文章