盤點最有創意扮有錢人方法   網民:帶淘寶跑車鑰匙落蘭桂坊

盤點最有創意扮有錢人方法 網民:帶淘寶跑車鑰匙落蘭桂坊

香港人一直以來都對成為有錢人有一定嘅執著,雖然在能力及命運上我地無法完全自主,但係我地總有辦法成功扮有錢人,係短暫嘅時光裹得到少許虛榮感。

撰文:Purple弟弟  資料來源:連登討論區  圖片來源:TVB劇集《讀心神探》、新傳媒資料庫、visualhunt

近日,就有巴打係連登呻苦,話自己無辦法真正成為一個有錢人,更不能享受到高尚嘅生活,但佢自己嘅內心卻想一嘗富二代嘅生活,亦想得到朋友間羨慕的目光。所以巴打就係討論區問各位廣大神通嘅網友,希望知道扮有錢人嘅最佳方法。

盤點最有創意扮有錢人方法   網民:帶淘寶跑車鑰匙落蘭桂坊

而係當中獲得最多正評嘅大部分都係圍繞住我們日常都會見到嘅消費品,例如麥當勞餐加大,每天都要飲Starbucks等等。但筆者都認為以上建議都太過普通,大部分時下嘅年輕人都有做以上嘅行為,除非真係做得好豪氣,否則巴打好難會得到有錢人嘅形象。

盤點最有創意扮有錢人方法   網民:帶淘寶跑車鑰匙落蘭桂坊

不過同時亦有網友把自己聽過較為有創意嘅故事分享俾巴打,其中有網友試過同朋友講屋企有13道門,每次去廁所都要行過幾道門,每日嘅運動量竟然大部分嚟自於廁所。

盤點最有創意扮有錢人方法   網民:帶淘寶跑車鑰匙落蘭桂坊

亦有網友話為咗要買勞力士,竟然選擇分期月供,筆者聽到都真係佩服果位仁兄嘅毅力,係香港供樓都難,仲要供多隻錶,真係喊出嚟!

盤點最有創意扮有錢人方法   網民:帶淘寶跑車鑰匙落蘭桂坊

但筆者卻聽過一個幾有勇氣嘅故事,話說當時筆者有一個group,group入面有來自各行各業嘅人,咁有一日group入面有巴打們就係淘寶淘咗幾條跑車鑰匙返嚟,仲帶係身上落蘭桂坊玩。去到蘭桂坊,佢地亦都憑著幾條鑰匙及豪請飲酒,令佢地成功得到幾名女性的facebook及電話。

盤點最有創意扮有錢人方法   網民:帶淘寶跑車鑰匙落蘭桂坊

筆者分享當時的故事並唔係鼓勵大家靠扮有錢人來結識女孩,始終人與人嘅相處都係緣分嘅一種,只要對朋友有尊重及重視的態度,識朋友應該唔會太難。

盤點最有創意扮有錢人方法   網民:帶淘寶跑車鑰匙落蘭桂坊

關鍵詞
網民熱話