細數打工仔輪更生活   網民:塵世間最痛苦莫過於此

細數打工仔輪更生活 網民:塵世間最痛苦莫過於此

作為生命力超強嘅香港打工仔,筆者相信無論係甚麼類型嘅工種都應該接觸過。雖然話香港人接受逆境嘅能力一向十分出色,但未知佢地接觸過傳說中嘅輪更「返shift」未。

圖片來源:visualhunt、電影《大話西遊之仙履奇緣》截圖     資料來源:連登討論區 

「返shift」一直係香港各位打工仔都流傳嘅一個都市傳說,有巴打就係連登討論區中發文研究「返shift」對人生嘅影響同埋究竟「返shift」係好定壞。

「返shift」之所以能夠成為都市傳說,最大原因可能源自於佢嘅好壞參半,有一部分網友都有發言認為「返shift」返政府工如醫護人員或消防等,其實真係唔錯,人工唔錯而且完咗shift之後仲有足夠時間休息。

但作為香港人,我地睇事物嘅角度又點會咁單調?所以有網友就係討論區分享咗做shift工嘅痛苦。每日臨訓前已經要開始為聽日返shift做準備,仲要有種心理壓力,整天都會覺得就快又要返工,最後形成咗各種無形嘅枷鎖,放假都要為準備返工嚟擔憂。

而且「返shift」最慘嘅事情就係當你係度返工嘅時候,你啲朋友已經放咗工,到你放工嘅時候,佢地已經返咗工。自古以來,人類都係群居性動物,失去咗朋友嘅支持,每日咁辛苦搵錢又有咩意思呢?

失去朋友都還未算最慘,如若各位勇士還是單身我話,「返shift」只會令到尋覓另一半呢個過程更加困難。係香港原本搵另一半已經唔易,現在仲要返啲非常態上班時間,試問又怎去結識新對象呢?

可能到最後真係要好似筆者嘅朋友所講,要靠Tinder等交友軟件幫忙。

關鍵詞
網民熱話