月入比同學少$15,000 出社會先信命運同際遇|網民熱話

月入比同學少$15,000 出社會先信命運同際遇|網民熱話

【同學・網民熱話大學畢業生嘅求職旺季即將來臨,相信唔少FG正在積極搵工,筆者最近同幾位中學同學食飯,講到每個月搵幾多錢時,先知道原來古天樂無講錯,做人真係講命,真係天命最高。
撰文:Smart ED編輯部|圖片:unsplash、電視截圖

中學同學各散東西

還記得當初我地幾個中學同學考DSE嘅分數都唔算太差,但也絕對稱唔上為好,亦都因為大家興趣甚至志氣都唔同,所以大家各散東西,去唔同大學升讀。

我們當中有人去了本地較為低分的大學,亦又人到了外國升學,而當初和我文憑試同分的阿鴨(花名),則選擇本港數一數二的大學修讀商科,而我就因為面試失敗的原故而要在另一知名大學修讀science。

網民熱話 同學 命運 大學畢業 文憑試 求職 搵工 FG
最近同幾位中學同學食飯,講到每個月搵幾多錢。圖片:電視截圖

同學一畢業賺$28,000

咁係席間就有人話而家都出嚟做嘢,不如食好啲,甚至之後有人和議但要求阿鴨請食飯,原本我都諗住幫阿鴨推卻,點知佢竟然話無問題,又話自己出咗糧,可以食豪啲。

果一刻我除咗震驚之外,仲有點好奇佢每個月搵幾多,於是就直接問佢每個月幾多人工,而佢都好坦白咁答:「$28,000一個月,做銀行mt差唔多喇!」,聽完佢果個差唔多,我真係呆咗一陣。

網民熱話 同學 命運 大學畢業 文憑試 求職 搵工 FG
席間就有人話而家都出嚟做嘢,不如食好啲,甚至之後有人和議但要求其中一個同學請食飯。圖片:unsplash

佢份糧減半都高過我

回想起當初同佢dse同分,但係因為面試失敗入唔到同一間大學,係香港讀science(唒銀時),讀到要生要死,勉強係大學微積分中生存,出嚟做嘢一開波已經低人$15,000人工,即係佢份糧每月少半都仲要高過我,果一刻真係想喊出嚟。

網民熱話 同學 命運 大學畢業 文憑試 求職 搵工 FG
諗起同學份糧每月少一半都仲要高過我,果一刻真係想喊出嚟。圖片:電視截圖

命運真係成事在天

或者會有人話人地背後付出咗唔少嘅努力你睇唔到,但係我想問一句:「邊個讀大學唔使認真讀書?」 雖然人從來都無辦法以counterfactual為論據,以「如果論」為主要論點,但有時真係好想問一句「如果當初我有呢個機會⋯⋯」,我嘅未來會否成功改寫。

網民熱話 同學 命運 大學畢業 文憑試 求職 搵工 FG
有時真係好想問一句「如果當初我有呢個機會⋯⋯」,我嘅未來會否成功改寫。圖片:unsplash

或者當初古天樂講得好啱:「別要賭,天命最高」,世上各人嘅命運真係成事在天,就算你有英雄般嘅能力,都要有一個最初嘅機會以及成功的際遇。

網民熱話 同學 命運 大學畢業 文憑試 求職 搵工 FG
就算你有英雄般嘅能力,都要有一個最初嘅機會以及成功的際遇。 圖片:電視截圖

相關文章