職場如情場  打工仔同公司拍拖 必經熱戀 磨合 分手|Purple弟弟|職場制勝

職場如情場 打工仔同公司拍拖 必經熱戀 磨合 分手|Purple弟弟|職場制勝

職場制勝】作為一個社會新鮮人,初入職場白紙一張,當然會比其他人勤力發奮,但當時間年復一年咁過去,人工只有過試用期果陣調整過,我終於發現做得嘢係無用嘅!而我亦悟出咗一套職場心得,老一輩可能會話「職場如戰場」;而我就會話「職場如情場」!

撰文:Purple弟弟|圖片:電視截圖、unsplash

職場熱戀期

公司就有如一個衰男人,會用盡甜言蜜語哄你開心,當下你會覺得好Sweet好有道理,當冷靜落嚟你就知道中伏了!

對新人嚟講,最常聽到嘅甜言蜜語一定係:「我哋比機會你學嘢,唔好介意辛苦。」

冷靜之後發現,其實我做乜都學到嘢,即使我如廁冥想都可能發掘到人生大道理,學唔學到嘢只係視乎自己心態,而非老細俾嘅額外工作量。

職場, 打工仔, 返工, 拍拖, 員工, 老闆, Purple弟弟

磨合期

衰男人喺未追到手前或者熱戀期,當然對個女仔無微不至。

當你喺公司一段時間後,呢段感情即將面臨真正考驗,你會發現作為女朋友嘅你默默付出,但男朋友都不聞不問。

甚至將你投閒置散,而自己就去𥄫其他靚女。

做錯少少事就發你脾氣,慢慢你都開始睇穿呢個賤男。

基於當初嘅美好回憶,始終都有少少感情,作為好女仔都會俾多次機會男朋友。

職場, 打工仔, 返工, 拍拖, 員工, 老闆, Purple弟弟

分手

可惜衰男人始終都係衰男人,男朋友眼裡已經無咗自己,只有果位冗員靚女!

今日我因為做錯咗少少嘢被「男朋友」叫咗入房照肺,不過我份人就好均真,錯就認打就企定。

點知佢好死唔死,鬧我咪算,仲要讚個靚女做得好過我十倍,作為女朋友仲點忍?

「你老_,你數學有冇學過機會率?我做咁_多嘢出錯機率咪多囉,佢乜都唔做咪唔_會出錯囉!」

然後我決定同佢分手……

職場, 打工仔, 返工, 拍拖, 員工, 老闆, Purple弟弟

而賤男總在失去後先懂得珍惜,佢決定加$1,000嘅「大愛」畀我,但即使我最後肯留底,段關係就會變成建基於金錢利益之上,毫無感情可言。

咁仲叫男朋友咩?所以絕大部分人都會堅持當初嘅決定「分手」!

咁好男人同衰男人有咩分別?衰男人只會俾「利益」你,好男人會俾「未來」你!

希望大家都搵到一位職場「好男人」,喺職場上談一場轟轟烈烈嘅愛情。

職場, 打工仔, 返工, 拍拖, 員工, 老闆

相關文章:

大學畢業1年轉4次工 搵錢愈嚟愈少反而仲開心

話說最近筆者去咗一個中學同學嘅聚會,見到不少熟識的舊臉孔,而當中包括我嘅好朋友阿雞。我地互相寒喧咗幾句之後,就開始分享大學畢業嘅工作情況。

撰文:Purple弟弟  | 圖片:電視截圖、unsplash

職場, 打工仔, 返工, 拍拖, 員工, 老闆, Purple弟弟

大學畢業1年轉4次工

阿雞係大學讀啲同環保政策相關嘅學科,但同大部分嘅大學生一樣,佢自己就唔太鐘意讀緊果科,所以一直以來都奉行得過且過原則,讀完大學就算。

我最後一次見佢只係知道佢會去NGO打工。

職場, 打工仔, 返工, 拍拖, 員工, 老闆, Purple弟弟
圖片:unsplash

我:「好耐無見喇,阿雞,你最近返NGO返成點?」

雞:「我無做果度好耐,我轉咗4次工,而家返緊大學嘅研究助理。」

我:「你轉咗4次工,終於入到大學度做,咁人工一定好吸引喇!」

雞:「唔係呀,咁多份工嚟講,呢份人工最低,但同時要做嘅職責亦都係最多,每日返工都無得hea。」

我:「咁你仲繼續做?你可以試下其他舒服啲又或者人工高啲嘅工,唔需要咁辛苦。」

雞:「唔係,我而家做得好開心,因為我本身想過日本發展,而呢份工咁啱就係研究日本文化,雖然人工低,但我真係每日都有返工嘅衝勁,我咁大個仔都未試過!」

職場, 打工仔, 返工, 拍拖, 員工, 老闆, Purple弟弟
圖片:電視截圖

聽到阿雞振振有詞咁分享份工帶俾佢嘅衝勁,我果一刻竟然對阿雞有啲陌生。

相識咗整個中學生涯嘅老朋友,我都係第一次見佢雙眼發光,而佢嘅語氣同埋眼神都好似重新灌注咗靈魂,不斷給予我一種感覺,那就是熱。

職場, 打工仔, 返工, 拍拖, 員工, 老闆, Purple弟弟
圖片:unsplash

老實說,我一直以為阿雞畢業後大概也是得過且過,搵份hea工度日就算,誰不知當他遇到了人生夢想時,佢會變成超級撒亞人,為夢想跳出舒講圈。

反觀我當初dse分數比阿雞高,入到了本地最高學府,但對人生嘅熱度卻每年遞減,對份工嘅感覺根本稱不上為熱愛,也只能算是僅僅不討厭。

人工, 真努力,努力, Purple弟弟, 安於現狀, 自律, 目標, 貧富
圖片:unsplash

現在回想起來,究竟我和阿雞當初誰比較得過且過?

文憑試中考到不錯的成績,卻對未來路向全無主見,我入讀嘅大學同埋選擇嘅學科亦都係人云亦云,每個重要嘅人生決擇都在乎他人嘅價值觀同埋評論。

讀者成績不錯,但卻失去咗自己探索可能性嘅本能,從未為人生目標有過衝動同掙扎。

職場, 打工仔, 返工, 拍拖, 員工, 老闆, Purple弟弟
圖片:unsplash

或許現在係時候我要重新出發尋覓理想,尋回人生中早已失去嘅熱血。

或許會有親戚及朋友問我現在開始追夢唔會太遲?

我會用《宇宙兄弟》中的一句話回答——

「第一名和最後一名其實差唔多,有沒有到達終點先係最重要。」

職場, 打工仔, 返工, 拍拖, 員工, 老闆, Purple弟弟
圖片:unsplash