想建立平穩複式增長投資組合 月供5,000元買煤氣盈富港鐵 是否最好 |龔成信箱

想建立平穩複式增長投資組合 月供5,000元買煤氣盈富港鐵 是否最好 |龔成信箱

【盈富】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題,當中包括新股、投資策略 、月供股票、零售股、樓市,以及財務自由的提問。

撰文:龔成 |圖片:新傳媒資料庫

1.投資組合

龔先生你好,有一些想法想請教
近來部署月供股票 每月5000$
選了三隻:3、1177、2382

(現時25歲 無負債無儲蓄 正打算建立儲蓄的習慣 可承受的風險相對大 所以選了一隻低調而回報穩定的公用 一隻一直看好而又畏高的醫藥生物科技股 一隻基本面不錯未來數年也有增長潛力的產品研發的光學科技股)

想平穩地複式增長資產
還是我應該選擇3、2800、66 這些比較和緩的作起始?

 

龔成老師:

如果你想穩健,當然選擇後者,但你25歲,加上明白自己能承受較高的風險,所以之前選的3隻,是較適合你的。

這3隻都是有質素的股票,同時後兩隻仍有潛力,這個組合不錯的,只是後兩隻的股價波動較大,因此月供股票較為適合,所以,對你來說無問題的,只要長期不斷供就得。(對照龔成信箱:Q6398)

2.零售股

你好,我係一名小學教師。本來都係月光族,本身打算做到退休 等公積金就算。多謝你寫嘅書啟發左我好多!

我興趣係運動同埋購物。我想問 有冇咩股票係關於呢兩個範疇?謝謝你!

 

龔成老師:

當然有啦,安踏體育(2020)是其中一隻體育服裝股,本身有一定的質素,但這刻並不平宜,你可以留意下先,不要心急投資。

至於購物,不少零售股都有一定的質素,例如我在《50優質潛力股》之前推介的莎莎,推出至今都升了一倍。當然,你可以利用自己喜歡的項目,作出發點選股。

但要提醒,利用自己所接觸到的事去選股,是一個方法,但找出了股票後,仍有很多工作要做,例如分析企業,估值等,因為就算優質股,都有估值過高的時候,這方面你最好學習左先。

在有知識之前,你都可利用月供盈富(2800),又或其他穩健股,以穩陣的模式,幫你累積財富,到你有一定的知識及經驗後,再投資其後類別,會更好。(對照龔成信箱:Q6386)

3.初學投資

龔先生你好,我從來沒有接觸過股票投資。但係宜家想學,請問可以怎樣入手?可以買啲咩書學?謝謝你

 

龔成老師:

你可以從睇書、上堂這些方法入手,你先睇一些理財及投資的書,《股票勝經》適合你的。同時,你多留意新聞、財經,吸收下資訊。

然然你可以去開股票戶口,最初從穩健的股票著手,例如收息股,你要緊記,買股票不是炒炒賣賣,是將現金,轉為企業,然後慢慢等企業成長,這才是投資。

最初你亦可以用月供股票進行,例如月供盈富(2800),開左戶口後,你問銀行就得,這是一個非常適合新手的方法。(對照龔成信箱:Q6387)

4.樓市

其實樓市是不是大概每十年會有一個週期? 大概升十年跌十年咁循環?

另外再想問你一下黃金目前還會有大一點的上升空間嗎?

 

龔成老師:

樓市雖然有週期,但都一個絕對的答案,幾多年為一個週期,同時會受好多因素影響。另外,物業本身是資產項,長期一定會上升,只是中間會出現一些週期性的上落情況。

至於黃金,本身是終極貨幣,隨著現金不斷發展,黃金長遠一定會上升,但由於佢沒有產生現金流,因此投資價值只屬中等,所以在正常情況下,佢只會平穩上升,以反映現金貶值的情況。除非出現了打仗等大型事件,否則黃金不會大升。(對照龔成信箱:Q6374)

5.投資策略

請問有那些途徑可以做月供股,但有顧問建議每月的投資策略.

請問我如果想每月供股一萬元,可建議幾隻投資價值高的股票嗎

 

龔成老師:

你可到銀行,或證券行去做月供股票,不少都有得做的。你首先要開左個證券戶口,然後同職員講想做月供股票,登記要做邊隻,同埋每月金額,就得。

如你想每月供$10000,可以集中在平穩值股,再加少少潛力股,例如以下股每隻$2000:盈富(2800)、金沙(1928)、港鐵(0066)、領展(0823)、比亞迪(1211)。(對照龔成信箱:Q6389)

6.捷榮國際控股(2119)

你好,龔sir,本人月入16000,想投資理財,希望將來可以達到財務自由,早前買入半新股捷榮國際控股(2119)

1,想問問龔sir呢隻股有冇潛力? 長遠投資回報高唔高? 最近隻股股價跌得好勁,我應該止蝕沽定繼續持有?

2,另外想keep住財務增值可以買咩股票?

3,優質潛力股有什麼推介?

 

龔成老師:

1)捷榮國際控股(2119)算是不過不失,近年生意略有增長,但就不明顯,盈利有少少反覆,2017年度去之前有下跌情況。

雖然佢有品牌,但增長力唔算強,唔能夠定義為潛力股。新股上市初期比較波動,所以風險較高,雖然比之前高位回了不少,但現時市值約為$14億,坦白講,仍有點貴。

這股比較波動,出現較大的反彈不足為奇,你可以把握這些機會賣出。

2)一般的穩健股,平穩增值股都得,例如盈富(2800)、港鐵(0066)、領展(0823)等。

你要明白,短期股價上落無人知,但長遠股價發展,一定是基於企業基本面,所以我地一定會找業務理想,賺錢能力高的企業。

3)同上。(對照龔成信箱:Q6390)

 

7.圓通速遞國際(6123)

老師,你點睇圓通速遞?

 

龔成老師:

圓通速遞國際(6123)係一家以香港作為總部的國際貨運代理服務供應商,現時業務已擴展至多個國家。主要經營空運及海運貨運代理服務、總銷售代理、配套及合約物流服務等。

本身不是無質素,過往生意穩定,但盈利就有少少波動,但規模就不算好大。佢由於受貿易環境影響,所以之前的股價也有較大的受壓。以佢現時的估值計,未算平宜。(對照龔成信箱:Q6391)

平穩複式增長 投資組合 煤氣 盈富 港鐵 龔成信箱
圓通速遞國際(6123)過往生意穩定,但盈利就有少少波動,但規模就不算好大。

8.海通國際(0665)

成哥 您好,請問665 海通國際有咩睇法?
市升佢都跌

 

龔成老師:

每隻股票都有佢的特性的,中短期的升跌可以來自不同的因素,海通國際(0665)其實基本面不錯,近年的生意同盈利都有不錯的增長,但市場之前對佢的估值過高,所以略有回調都好正常,中短期的上落不用太著重。

這股長期都正面的,但投資市場的興旺與否,無可避免地對佢的股價帶來波動。(對照龔成信箱:Q6392)

9.財務自由

成老師:本人資產大約150萬,每月大約可儲萬五,年紀約30歲,資產分佈約10%現金,20% 0005, 20% 02380, 50% 87001, 本人鐘情87001的高息,想問:

1. 投資組合是否太集中
2. 繼續購入87001作長遠投資是否好選擇?
3. 有沒有一些有潛力的房產信托可以推介?

投資目標係財富穩定增長,用20年時問左右財務自由

 

龔成老師:

1)太集中。

一個$100萬以上的投資組合,最好分散在10-15隻的股票裡,如果你怕太多股票會好散,只要在當中加入盈富(2800)就得,但你目前的確有集中風險。

2)匯賢產業信託(87001)是不錯的股票,但你已經太集中,再加上佢高息,背後源於有物業到期因素。

佢現時主面有兩項資產:包括於2011年收購的北京東方廣場之零售、寫字樓及服務式公寓業務;以及兩家酒店(北京東方君悅大酒店及瀋陽麗都索菲特酒店)。加外有新增投資,於2015年才收購的重慶大都會東方廣場。

根據北京市人民政府於2006年6月26日發出的國有土地使用證(京市東港澳臺國用(2006出)第10128號),該發展項目總土地面積為7萬7千平方米的土地使用權已授予北京東方廣場公司作綜合用途,到期日為2049年4月21日。

所以,佢部分的派息,你可以理解為有少少本金的成份,你不會因此而蝕抵,但就無你想像咁高息。

3)領展(823)、陽光(0435)、置富(0778)都值得投資。不過,太集中在同一類別,不是好事。(對照龔成信箱:Q6393)

10.新股

halo龔sir! 有啲野想請教你架 想問下你既堂有冇教新股要注意既野架?

因為我最近買左澳洲成峰呢隻新股,但唔係抽返黎,只係覺得佢有前景所以買,想問下呢啲 10000股先一手既股係咪有啲咩特別或者風險?

我上網都好多都冇教呢啲有咩要注意,所以想請教下你架

 

龔成老師:

我的股票班,都有講少少新股,但你聽完後,會明白點解我唔太建議人買新股及半新股,好具體話你知,投資者好易買貴貨。

至於你話10000股一手,一般都發生在細價股上,這類股部分的質素較一般(不是絕對),佢上市刻意整到股價好細,等d散戶覺得平,但股價數字大小,同平貴無關,不過一般人都唔識分。

澳洲成峰高教(1752)算是不過不失,但以現時市值近$20億來說,其實有點貴。(對照龔成信箱:Q6394)