樓市成交持續低迷 想趁跌市買筍盤 除要多睇樓 也要留意…|香港樓市

樓市成交持續低迷 想趁跌市買筍盤 除要多睇樓 也要留意…|香港樓市

樓市成交持續低迷,有何啟示?市場有不同解讀,連代理也有不同態度。
撰文:1%Anthony  | 圖片:新傳媒資料室

朋友經過某代理行…

代理: 有咩幫到手?
朋友: 最近有咩劈價貨?
代理: 冇乜喎…
朋友: 唔係嘛?周圍都劈到膨膨聲喎~
代理: 呢區啲業主好有實力,價錢好硬!
朋友: 唔係喎,新聞話XX花園跌穿6球喎~

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

代理: 個別成交啫…
朋友: 有冇業主等錢使有得劈吓?
代理: 冇喎,最平呢間,睇唔睇吓?
朋友: 唔睇啦,都冇平過…
代理: 咁一係留低電話,我幫你留意吓~
朋友: 唔使啦,都幫唔到手…

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

劈價筍盤

今時今日…唔減價邊有人買?

朋友感到掃興,於是連卡片都冇攞就走了。

再去其他代理行,雖然即時未有劈價筍盤,但代理態度積極…

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

代理: 哎呀,早兩日啱啱走咗間超筍!
朋友: 係?咁而家仲有冇?
代理: 暫時未有住,有兩間有匙,睇唔睇吓…
朋友: 都唔平…
代理: 睇啱再幫你鋤啦~~

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

今時今日…這才是買家的期望!

朋友感到有希望,於是就跟代理去睇樓。

其中一間條件都幾滿意,朋友落票還價,周璇了兩天,最後被另一買家截糊,成交價還未到朋友心目中的筍錢,但都比業主的開價平了50萬。

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

上半年樓市瘋狂,全城唱好。

踏入十月樓市轉勢,各路英雄亦紛紛轉軚。

有國際金融機構分析,仍會跌15%,其至30%、50%!

就連大行掌舵人施老闆亦在訪問中轉為看淡,可能要跌25~30%。

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

現時市場成交比高峰期下跌8成,比正常市況亦下跌5成,原因之一,買家驚買咗之後,樓價會繼續下跌,觀望氣氛濃厚。

原因之二,業主真正願意大劈價的不多,但唔劈又冇人買,於是成交膠著。

方向一:市場成交持續低迷,預示未來將會大跌?

淡友認為,如果貿易戰持續,加息持續,氣氛持續向淡,越來越多業主會投降,放盤量會持續上升。

由於「唔減價冇人買」的關係,越來越多業主會加入減價行列,樓市就會顯著下跌。

方向二:市場成交持續低迷,預示未來不會大跌?

好友認為,如果貿易戰不再惡化,加息步伐溫和,未必咁差。

現時大部份業主的持貨能力強,加上在辣招下「賣咗買唔番」,未必咁多業主願意大劈價,跌極有限。

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

到底最終會向那個方向走?

這是一場角力!買家與業主角力,看誰先按奈不住!

到底是業主等不了,要劈價求售?還是買家等不了,放棄劈價?

市場一日維持低成交,代表仍未有一方佔明顯優勢。

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

至於筆者,亦覺得這一浪應該要2~3成!…

過去兩年升勢實在太急,由2016年低位到2018年高位,樓價上升了4成有多。

尤其一些熱炒的上車屋苑,大幅高開的新樓,不但脫離了市民的購買力,甚至脫離了我們的想像力,升到一個難以理解的境界!

跌市, 筍盤, 劈價, 睇樓, 代理, 市場, 香港樓市
圖片:新傳媒資料室

市場確實需要一個深度調整,才能回報一個較合理水平。

如果業主、發展商願意減價,調整可以好快完成,若不肯減,則要較長時間。

如果你都想趁跌市買筍盤,除了要多睇樓,也要密切留意市場發展,尤其是11月29日居屋攪珠結果公佈後,購買力是否回流,有非常重要的啟示作用。

跌市, 筍盤, 劈價, 睇樓, 代理, 市場, 香港樓市
圖片:新傳媒資料室