同事互相自爆人工有著數 然後老細加我2,000蚊|Purple弟弟|職場制勝

同事互相自爆人工有著數 然後老細加我2,000蚊|Purple弟弟|職場制勝

職場制勝】唔知由幾時開始,大家覺得人工係一樣好私隱嘅事,但做政府工就標到明碼實價,第一年入到政府做嘅都會周圍同人分享,豈不是到處爆自己人工?
撰文:Purple弟弟 | 圖片:新傳媒資料室、電視截圖

同事問我人工幾多?

有一日同一個職位嘅小明問我:「你人工幾多?」

「你講先!」
「我12,000。」
「我15,000。」

事情過後無耐,小明同我講,佢成功叫到老細加人工俾佢,雖然得14,000但都叫加咗!

當然佢表明無用我人工去逼老細,只係知道自己可以要價更高。

從果陣開始,我就諗,其實人工保密根本唔係維護緊打工仔,而係高層同老細。

人工, Purple弟弟, 私隱, 政府工, 同事, 職場, 公司, 職場制勝
圖片:新傳媒資料室

自爆人工百利而無一害

首先你叫我諗自爆人工係打工仔層面有咩壞處,對唔住我真係諗唔到。反而好處就一大堆:

1.知道同職位人工水平,覺得自己相比下人工偏低可以去爭取,唔加俾你亦即老細覺得你唔值,咁起碼都可以早走早著,搵一個欣賞你嘅上司,加就圓滿結局,皆大歡喜。

2.如果你係同職級中,人工較高嘅一個,可能你經驗比其他人多,亦可能上司覺得你做到嘢,亦係一件開心事!

人工, Purple弟弟, 私隱, 政府工, 同事, 職場, 公司, 職場制勝
圖片:新傳媒資料室

不過最重要係清楚你自己想要幾多,同自己覺得自己值幾多,唔好自滿。

可能你會話,合約講明唔可以爆人工!

但合約係邊個訂?勞方定資方?

如果你有以下疑慮,我可以話比你聽其實無必要:

人工, Purple弟弟, 私隱, 政府工, 同事, 職場, 公司, 職場制勝

1.同事周圍講

同事同圍講係佢無品,當然唔排除有人覺得你憑咩高人工過佢而唔妥你,但只係佢地低能!

你人工高過佢,佢唔妥係應該搵老細傾加人工而唔係遷怒於你。

如果佢夠膽死話邊個邊個憑咩咁高人工過我,你死口唔認有自爆,除非佢有錄音拍片,否則你都係不敗之地,仲可以反咬佢侵犯你私隱,相信正常人都唔會咁傻豬。

人工, Purple弟弟, 私隱, 政府工, 同事, 職場, 公司, 職場制勝

2.人人都覺得自己Underpaid

呢個Point係最現實但又最白痴嘅諗法,香港樓價夠癲,一樣有人買有人賣!人人都覺自己Underpaid又如何?

決定你人工多與少嘅依然係你老細,所以最終只會係老細心目中真係有價值嘅人上訴自己Underpaid先有成果。

所以人工透明,對一般打工仔嚟講係維護緊我地,起碼唔會俾人矇在鼓裡!

人工, Purple弟弟, 私隱, 政府工, 同事, 職場, 公司, 職場制勝

同一份工,幾個同事經驗、年資、行動力相約,但你唔出聲,同事就日日呻辛苦唔加人工就走。

結果老細見你好似安於現狀又唔搞事,咪加人工俾你個麻煩同事,你會覺得合理?

人工透明講到尾只會影響高層同老細,高層被爆人工,只要佢工作唔認真,所有嘢都推比下面做,佢到時就一身蟻。

人工, Purple弟弟, 私隱, 政府工, 同事, 職場, 公司, 職場制勝

老細最驚就係團結

對老細嚟講,人工透明咪個個都會調整人工,呃唔到啲溫馴小綿羊!

所以老細最驚就係團結,所以你見香港都冇乜工會,就係想你地成盤散沙,任佢擺布!

所以我係到呼籲,打工仔們不妨有技巧咁一齊唔覺意「爆響口」,一時口快,Sorry Sorry!

人工, Purple弟弟, 私隱, 政府工, 同事, 職場, 公司, 職場制勝

 

相關文章