上班秒衝去廁所喊經過 要返工咪已經係原因

上班秒衝去廁所喊經過 要返工咪已經係原因

返工返得開心,其實係咪真係咁難?不過職場上,遇見好上司嘅機會率係近乎⋯⋯。近日有網民提出試過委屈到要秒衝去廁所喊,佢哋嘅經驗又有冇引起你哄嗚?

撰文:麗爾|圖片:電視截圖

有網民回應:「我自己就未試過啦。不過如果份工壓力大到要衝入廁所喊, 點解唔搵過第二份呢?」

亦有人表示:「喺自己個位食飯,對住自己個飯邊食邊流眼淚,覺得返工辛苦。」

講真,有幾多個又有裸辭嘅勇氣⋯⋯同能力?

人在江湖身不由己啊。

網民提出其實大家都知有啲工薪金唔高,勝在工作量少,但係要放低身段去做唔係咁容易。

而且香港愈黎愈少呢啲工,就算係「hea工」,都會慢慢變chur。

想搵「hea工」,依家都係要講運。但現時最常見嘅工種係「人工低,又要免費OT」

網民返工返到喊嘅原因:

1.唔理三七二十一,就係你錯

「我唔要聽到咁多理由。」「無可能係做唔到喎。」「你有冇俾心機做好份工?」

當你想解釋嘅時候,

上司: 「我每次鬧你,你都係點頭得㗎啦,唔洗出聲唔洗講嘢。」

上班 喊 返工 委屈
【返工】圖片:電視截圖

2.有錢俾你 你咩都要做

「喂我有出糧俾你喎,我俾嘢我隻狗食佢都識對住我搖尾啦。」

上班 喊 返工 委屈
【返工】圖片:電視截圖

3.俾人話無用

你做完一大輪,你上司一秒ban咗你嘅idea,仲問你:「你呢份嘢係咪用5分鐘做完?」

「我完全唔知你寫緊啲咩,比著第二個,一定炒咗你啦。」

上班 喊 返工 委屈
【返工】圖片:電視截圖

4.貪念、名利

「手停口停」呢個道理小學生都明,捱生捱死咪又係為咗想自己同摯親過得好啲⋯⋯

上班 喊 返工 委屈
【返工】圖片:電視截圖

5.將你瘋狂同人比較

你母親:「點解人哋賺咁多?你賺唔到啊?我真係想佢先係我個仔啊!」

你女朋友:「你睇下人哋男朋友啦,下年就夠錢買樓結婚啦,就算我同你一人一半供樓,都要等到2046!」

上班 喊 返工 委屈
【返工】圖片:電視截圖

6.私人原因

失戀、屋企人或朋友有事,呢啲時候真係返唔到工⋯⋯

sick leave唔知包唔包埋心病?

上班 喊 返工 委屈
【返工】圖片:電視截圖

延伸閱讀:地表用人最盡最縮骨老闆 3大無理規則 網民:好明顯依家腦細發窮惡啦

【最縮骨老闆】打工仔係需要有責任心盡時返工⋯⋯但有時無可奈何真係遲5至10分鐘,又需唔需要小懲大誡咁真係每分鐘咁罰錢?最近有網民喺Facebook 上載了一張聲稱同老闆嘅對話,老闆為公司訂下嘅規則令呢個打工仔覺得極不公平,想尋求各位網民嘅見解。

撰文:麗爾|圖片:Facebook截圖、電視截圖

事主:

(灣仔電腦城某電腦舖)尋日公司開始咁搞法。啱定唔啱?咁做法我自認已經冇得反轉頭做唔返啲咩好員工。試問有乜原因可以令一個做咗比較長既員工會突然咁爆發?點解以前唔爆現在先黎爆?因為我唔係擦鞋仔?
*我相信依件事會俾人兩睇,一係老細咁衰叫我唔做,二係話啲 顧員只係諗老細點衰點衰,後者既話希望諗諗顧員額外付岀,平時所受既不必要壓力(我諗人工係冇包囉)。

因為做得耐,想繼續之餘,唔想冇咗啲 同繼續幫啲熟客,又想幫下唔敢岀聲既某啲人。
另外外人睇可能小事黎,但如果小事小事長期都唔岀聲,到最後點?

【最縮骨老闆】1.唔可以亂用公司錢買公司野俾公司用,就算趕住用

事主解釋: 嗰樣嘢有多餘嘅,但老細啲嘢收收埋埋,自然唔知放喺邊,我另一邊舖又趕住用,咁一定要買先用先。

【最縮骨老闆】2.唔提供水

【最縮骨老闆】3.遲到1分鐘要賠錢

事主質問:如果地鐵又死,如果俾差佬查牌咁點計先,我係咪要反轉頭岀糧?

對於事主老闆第一項規則,網民指買嘢等公司批准咗先買無問題。

但根據whatsapp對話截圖,睇唔到有話唔準用公司錢買公司嘢 ,定係話買完嘢再返公司claim 啊?或者係公司比咗錢買公司嘢要找返。

 用人最盡 最縮骨老闆 無理規則 腦細 發窮惡
【最縮骨老闆】圖片:電視截圖

有網民回應:

「又犯法,只可按僱員薪金除開每分鐘扣,勞處見⋯」

事主表示老闆話自己打咗去勞工處問,話唔犯法,不過自己唔會相信。

有人表示無飲用水提供係極唔人道,就算唔買枝裝水都要擺個水煲放公司。僱主有必要提供足夠水,單憑呢一點事主老闆已經犯法。

網民留言:

「僱主該採取以下措施,促進工作地點的安全及健康:
提供及維持安全及健康的工作環境。
冇水飲之係唔健康啦, 唔健康之係可以勞工處見啦」

根據《職業安全及健康規例》第509章第42條,有關工作地點的衛生。
須向僱員提供足夠的飲用水

(1)
工作地點的負責人必須確保該工作地點有提供足夠的可供飲用的水,以供受僱在該工作地點工作的僱員飲用。
(2)
工作地點的負責人如沒有遵守第(1)款,即屬犯罪,一經定罪,可處第3級罰款。

 

延伸閱讀:

畢業出嚟每日做「三無工作」 裸辭後先知 回頭走天已暗

澳門又派錢 每名永久居民派$1萬澳門元 12年共派$9.1萬元 一家四口夠俾首期

澳門派錢2019 永久居民 澳門元 首期