空姐係所有女生夢想職業 巴打:入職月薪3萬邊度搵

空姐係所有女生夢想職業 巴打:入職月薪3萬邊度搵

【空姐】一講起空姐,通常都會令人聯想到靚女。近日有巴打提問,空姐呢一份工作,會搞亂生理時鐘, 比其他工又更需要青春及體力,機艙又有輻射。有咩吸引之處令美少女們仍然渴望入行?

撰文:麗爾|圖片:電視截圖

做空姐好處1.周遊列國

巴打:「點會蝕底,去旅行打下卡 返工啲錢拎黎代購賺錢又得 享受下又得
仲未計咩員工優惠」

不過呢位巴打都有提出,自由係有代價的。而呢個代價就係健康。
日夜顛倒,要適應時差,及長期化妝,其實都很傷身的~

空姐 女生 夢想職業 入職 月薪3萬
【空姐】圖片:電視截圖

做空姐好處2.身份象徵

有網民表示,好多女生心目中,其實當空姐係好勁嘅職業。話聽過以前有女同學日日講想做空姐,問點解就話因為靚。又可能係電視劇影響,總係俾人覺得係空中會有浪漫邂逅。

空姐好多見識廣博,有世界視野。人會變得好健談,出返嚟做野都好多人請,特別係大公司嘅sales。

網民留言:

「做空姐接觸上流人士都易喇」

空姐 女生 夢想職業 入職 月薪3萬
【空姐】圖片:電視截圖

做空姐好處3.人工吸引

早前有報導指出,空姐係筍工之一!新加坡航空今年在香港大規模招聘空姐及空少,入職月薪最高近港幣3萬元!

 

網民留言:

「都三皮幾野一個月,同樣學歷邊到搵。」

「其實而家份份工都係萬零兩萬人工,你唔係醫生律師會計師,其實唔會賺得多過空姐好多。」

【空姐】圖片:電視截圖

做空姐好處4.自由度大

前女友係空姐嘅巴打表示,鐘意去旅行嘅人有著大好機會可以周圍去。
好過做office工朝九晚五,又悶又有辦公室政治。

放工可以完全放低公事,唔洗仲諗有無野做錯咗,第二日返去會唔會比老細鬧。
特別日子想唔返工可以同同事調

除非天生鐘意坐office OT做文件,否則空姐對女仔來說係吸引過office工。

空姐 女生 夢想職業 入職 月薪3萬
【空姐】圖片:電視截圖

早前請到前空姐Jennifer講述空姐面試、入職要求及工作惰況的對答Q&A。到底做空姐有咩要注意?

Q:空中服務員的工作範疇包括甚麼?

A:最主要職務係照顧機艙內每位乘客嘅安全同飲食,亦都要俾乘客了解關於免稅商品服務以及該程航班嘅資訊。同時,亦要處理好多保安嘅工作,例如觀察有無可疑人士上機等等。滅火,救護等等相關工作哋都要知㗎。當然,都有好多突發嘅情況要處理啦!

Q:空中服務員的入職要求以及面試,對外表其實有沒有要求?

A:乾淨整潔便可,例如男生的劉海會不會太長呢?俗稱不要太MK即可,女生也一樣要乾乾淨淨,不要披頭散髮;但係靚女靚仔真係唔係必要條件。

Q:面試有甚麼需要準備?

A:首先要準備的是剛才說的外表,至於面試的時候最主要是調整心態,例如要多微笑,要有禮貌,要有同理心。條件方面,中英文的語言能力,處理難題或關係時的態度與手法也很重要。

Q:面試有何不明文潛規?

A:都唔算咩潛規則,不過面試期間既言行舉止比面試內容更重要。面試一般分兩輪,第一輪係group discussion,入咗圍就到個人面試。

所謂言行舉止比面試內容更重要,就係例如group discussion嘅時候一定要識得笑,唔好太aggressive太過爭住嚟講,因為有傳聞話考官都唔係好聽大家討論嘅內容,而只係留意講說話嘅manner。

另外,聽聞升遷既面試嘅不明問潛規則就較多,譬如話”公司人”升遷機會較大。

Q:空中服務員的訓練包括什麼內容?

A:訓練主要分兩類,分別係安全訓練同埋服務訓練,要通過曬安全訓練既考試先可以進一步進行服務訓練。

安全訓練係指要了解急救知識,滅火知識,飛機嘅設備等等;以急救知識為例,我哋要學識唔同嘅病症同埋可以點樣應對;至於滅火知識,除咗睇書之外我哋仲有實景模擬嘅練習,要喺煙霧彌漫嘅場景入面嘗試救火。

至於服務訓練係指學習派餐,應付乘客嘅要求同問題等等。

舉個例子,派餐來講,一定要先派窗口位再派走廊位,因為要避免整跌旁邊嘅餐盤;成人,小朋友,老人家,男人,女人等等嘅條件都會影響派餐嘅次序。

應付乘客嘅要求就例如係要知道有關機上提供餐飲嘅資料,包括不同茶類嘅名等等。

Q:請分享訓練的開心事與辛酸史。

A:開心事當然係有一班一齊共進退既同學分享憂慮,一齊溫習一齊熬底,一齊冇得訓。

辛酸史就真係要短時間背曬兩大本mamual真係好惡啃!同埋CPR真係要好大力,壓唔夠低就會fail, 女仔都要叫出黎做助力,同埋有怕高既同學唔夠膽跳逃生滑梯,喊曬咁樣,我地每個人都俾勁多鼓勵佢地先鼓起勇氣跳落去,場面好感人。

Q:做空姐有冇得瞓覺?

A:機艙人員有一個休息位置,如果長途飛行嘅話可以係床瞓覺。

延伸閱讀:

唔使羨慕人哋成日飛 10個方法幫你去多幾次旅行

唔想再做月光族 7大貼士計劃2019財政預算