給租樓年輕夫婦最後忠告 網民:只要有錢 磚頭有無都一樣

給租樓年輕夫婦最後忠告 網民:只要有錢 磚頭有無都一樣

熱話】趁年輕有穩定收入,盡早儲蓄買樓是大部分人的目標。不過,總有人例外,即使有穩定的收入,也有人會以不同的原因繼續租樓而不買樓。日前就有網民以「給租樓的年輕夫婦最後忠告」出帖,表示已結婚又生了小朋友夫婦應「趁後生,畀心機儲下錢買下磚頭,將來無論點衰都好,都一家大細有屋住,做一個有承擔的男人!」此帖一出,即引來大批網民熱烈討論,正如樓主的後記所說,當中意見有正面有反面,唔知大家又點睇?
撰文:浩德 | 圖片:新傳媒資料室、unsplash討論區截圖|資料來源:香港討論區

給租樓的年輕夫婦最後忠告

樓主以「給租樓的年輕夫婦最後忠告」出帖,原文內容為:「老老實實,結左婚又生左小朋友又租樓住既師兄,老婆唔做野,加個工人姐姐再養埋架七人車,一年兩部IPHONE,兩次日本旅行,比你搵十萬一個月,都係月月清。無錯,在朋友面前表面好風光,換來FACEBOOK IG幾百個LIKE (D LIKE可唔可以當飯食?)。不過年輕還好,仲有體力精神去返工,到40-50歲,除非你係金字塔頂端個批人,否則個薪金好難維持,就算維持到,公司有乜風吹草動,你都震過貓王。所以襯後生,比心機儲下錢買下磚頭,將來無論點衰都好,都一家大細有屋住,做一個有承擔的男人!

如果覺得我講野好廢,什麼「今日唔知聽日事」、「襯後生乜都玩下、試下」等等的理論,隨便比個GG我,然後SKIP就OK!

租樓, 夫婦, 忠告, 網民, 買樓, 儲蓄, 熱話

「青春只有一次,切勿後悔」

樓主續表示:「月入十萬的兩公婆,自以為醒,要享受生活,但冇為將來小朋友想過。唔買樓冇所謂,但花錢踩單車,其實不如儲住錢等樓價大跌?」

網民意見基本上分為正反兩邊,支持一方表示有能力應該買樓,「青春只有一次,切勿後悔」。

也有人認為樓主所指「講得好啱」、「非常寫實」,並表示香港醒目個(嗰)班打工仔,4X歲月入十萬不難,但要長期保持高收入到退休不易(除了政府出糧個堆)…」

租樓, 夫婦, 忠告, 網民, 買樓, 儲蓄, 熱話

租樓, 夫婦, 忠告, 網民, 買樓, 儲蓄, 熱話
圖片:新傳媒資料室

更有網友表示,不是人人都明白樓主所說的「道理」,並指身邊的確有朋友是實習醫生到専科,搵六位數人工,但一直都係租樓。

有人明言:「其實有需要,有首期,供得起便應買,只要不高追,現在是上車好時機,起碼有得講價。不要估跌多少,真是跌倒,你又會等跌多啲,結果一回升,便失去上車的機會,這裹很好淡友就是這樣永遠喪失上車的機會。」

租樓, 夫婦, 忠告, 網民, 買樓, 儲蓄, 熱話

租樓, 夫婦, 忠告, 網民, 買樓, 儲蓄, 熱話
圖片:新傳媒資料室

最緊要儲到錢養老

較為中立的網民則表示:「樓係要買,不過唔係宜家」因為他認為「個市仲有30%下跌空間」。

另有網友指:「「十萬月薪,鍾意租咪租囉,最緊要儲到錢養老」

事實上,買樓定租樓,每個人都有不同的選擇及支持自己的理據,不租樓也有好處。

租樓, 夫婦, 忠告, 網民, 買樓, 儲蓄, 熱話

例如「租樓唔使煩家居維修,又可以容易d轉居住環境…筆downpayment 又可以攞去投資,流動性較高」

總括而言,大部分持中立意見的網民都認為,樓未必一定要買,但有儲蓄並夠錢退休養老是必須的。

租樓, 夫婦, 忠告, 網民, 買樓, 儲蓄, 熱話

租樓, 夫婦, 忠告, 網民, 買樓, 儲蓄, 熱話
圖片:新傳媒資料室

只要有錢 磚頭有無都一樣

至於與樓主持相反意見的網民亦大有人在,有網民認為樓主「誇張租樓人的生活」、「真心講,永遠都係租樓最好」、「如果d人好似你諗一早負資產」、「儍的呢 攞綜緩咪得 人生有限玩左(咗)先講」、「人生只在乎有沒有樓?」

有網民認為樓主應尊重每個人的選擇,開心才是重點,「每個人要嘅生活都好唔同 你又唔係佢你又知佢想要乜 最緊要就係無悔就可以應該要尊重每一個人嘅選擇 有樓供了幾廿年回望過去 係咪真係開心呢個相信唔係會一個人都覺得開心」

租樓, 夫婦, 忠告, 網民, 買樓, 儲蓄, 熱話

租樓, 夫婦, 忠告, 網民, 買樓, 儲蓄, 熱話

當然,每個人都有權選擇自己喜歡的生活,而事實上,買樓的確睇個人能力。

正如有網友指買樓睇能力,因為唔係人人都買得起,但keep住儲蓄係必需。

而且「買得起都要睇時機。租同買睇邊樣抵d。有儲蓄有投資,資本愈滚愈大,機會來才出手。」

最一語中的是,「只要有錢,磚頭有無都一樣。」

租樓, 夫婦, 忠告, 網民, 買樓, 儲蓄, 熱話

租樓, 夫婦, 忠告, 網民, 買樓, 儲蓄, 熱話
圖片:新傳媒資料室