公司宣佈年尾無花紅 打工仔:公司好唔掂 揾定後路

公司宣佈年尾無花紅 打工仔:公司好唔掂 揾定後路

樓主以「今日公司開會 宣佈今年無花紅」為題向網民訴苦,指公司突然公布不派花紅,令自己預算大失,心情「直插地獄」!希望網民教自己如何在最短時間追回花紅!

撰文:亨利|圖片:電視截圖、unsplash

「今日公司開會 宣佈今年無花紅」

樓主道出每個打工仔的心聲,就是希望年尾有花紅分,可以過一個「肥年」。

但晴天霹靂,樓主的公司突然宣佈將不會向員工派發花紅……

樓主續指,老細平日「叫員工捱義氣」,但又不派發花紅,「突間講無花紅 搞到人地失晒預算」,可以以「直插地獄」來形容心情。

樓主也安慰自己說,「起碼仲有一份工啦!」,並預視明年公司應該會減人手,過完年就又要開始搵工。

最後,樓主問網民自己如何在最短時間追番花紅!

花紅 公司 開會 樓主 網民 預算 傷心 打工仔
圖片:電視截圖

有網民就指出,花紅不是打工仔應得的:

「點解花紅會係應得?」

「雖然可能你全年都很努力,但如果公司還是全年虧蝕或者不達標,你憑什麼可以拿到花紅呀 ?」

其中一位網民回應指,如合約沒有白紙黑宇寫明「雙糧是每年一定會發放」,樓主就沒有爭拗的理由。

網民亦同意以上意見,「無得拗 ,花紅任佢俾,不過衰到,連幾千都唔捨得俾, 最系前所未見」

「都唔明點解一定有花紅?咩叫應得?你自己都話公司唔掂,那何來資源俾花紅你呢?你申請了4千元未?去申請啦這才是你應得的」

花紅 公司 開會 樓主 網民 預算 傷心 打工仔
圖片:電視截圖

亦網民指「可能公司好唔掂」,建議樓主「揾定後路都應該」。

另一位網民,叫樓主馬上辭職,「重等過埋年,橫掂都冇花紅,現在搵到工,即走啦」

「留返條後路俾自己, 等自己有多D時間去搵」

「因為貿易戰,19年經濟環境可能會更惡劣,睇路呀」

另一方面,有網民替樓主抱不平,指心中有數香港老闆沒有幾個是好的,他們把「雙糧」轉為「花紅」,公司年年賺錢派息,但就聲稱公司沒有錢賺,未能分派花紅。

「搵人著數就識,希望快D執左佢」

「同是打工仔,苦況大家知」

花紅 公司 開會 樓主 網民 預算 傷心 打工仔
圖片:電視截圖

延伸閱讀:

2月公布預算案 盈餘料僅500億元 唔派錢可以派乜