親戚夾份買樓有賺 一個想賣一個想揸 網民:搵個家族長輩出嚟主持公道|網民熱話

親戚夾份買樓有賺 一個想賣一個想揸 網民:搵個家族長輩出嚟主持公道|網民熱話

網民熱話・買樓】好多人都覺得早買樓有著數,但如果同錯人夾份買樓,對方貪心的話可能隨時血本無歸!有網民在討論區上表示自己女友就因為同咗佢表妹買樓,現時有賺但表妹死都唔肯放,令樓主極苦惱!

撰文:麗爾|圖片:電視截圖、unsplash

樓主女友同其表妹,十多年前喺東莞買咗一層樓,現時升咗差不多50%。女友想賣,但佢表妹唔肯。層樓一直無裝修,無住過,無出租過,無坯房,無水無電。樓主形容十足「鬼屋」。

最初表妹堅持唔裝修嘅原因係驚大陸親戚霸來住,自己會蝕底,連鎖匙都不肯交出來。亦用咗好多藉口拒絕裝修,表明要裝修的話就樓主女友出錢。

最近有地產問佢哋放唔放,樓主女友想放,但其表妹卻堅持唔放,表示放咗每人分得二十幾萬,都係買唔返一層樓,放現金係銀行會貶值。樓主想問大家有咩方法可以令表妹肯放賣?

 

買樓難題方法1.賣俾表妹

網民表示既然表妹睇升,叫表妹用市價同表姐買返,表姐可以甩身。

有人提到叫表妹用市價買返樓主女友嗰份,要佢比多啲錢出來,但賺嘅金額無多到,表妹未必肯。
當依家層樓50萬,即買入時大約33萬,樓主女友出16萬幾,可以試下問下表妹16萬賣俾佢肯唔肯,當俾啲甜頭佢,起碼可以收返個本。

亦有建議樓主女友唔使裝修,只需要駁番水電,叫人清洗下,廁所一定要整整 。如果想得閒上去,用少量嘅錢,買返啲家電 電視40幾吋都係一千蚊鬆啲,擺曬喺自己嗰間房,遙控都鎖埋。咁表妹就唔會返去啦,所有嘢可以自己用囉。如果真係賣,樓價會好好多。

網民留言:可以放一半業權給拍賣行拍賣嗎?內地有無得咁樣拍賣?

買樓難題方法2.租出去

有人提議如果她唔肯賣,租出去,每個月收返1、2千食餐飯都好。因為就算賣咗只收得廿萬,裝修都未必夠。

亦建議可以試下搵「自如」呢類租賃公司,佢哋幫裝修同埋搵租客,不過要簽長約同埋租金方面則要讓步。

網民留言:不如gf 自己再買過,唔駛煩,新屋有裝修可能已經值多過廿萬

買樓 親戚 家族長輩 網民熱話
【網民熱話・買樓】圖片:電視截圖

買樓難題方法3.反面

網民有提到,樓主女友想解決只得一個方法就係反面,因為依家表妹淨係俾咗半價就有哂全部話事權。若果有日表妹覺得層樓岩用,當交返1000一個月租比你,都要等廿年先收返廿萬,中途間唔中又可能突然唔俾。形容「為1000蚊上去追,車錢時間都蝕埋」。樓主女友應盡快處理。

有人建議樓主搵日陪女友上去問下果邊啲律師點搞好過啦,佢表姐果邊點會冇錢比好明顯係想食埋表妹果份啦係到拖,拖到個機會先同你反面,你地拿拿聲上去搞啦呢啲野係長久戰黎

網民留言:連鎖匙都唔俾你女友,佢表妹已經反咗面,仲等乜。
如果仲唔敢出聲,咁就抵你女朋友死啦!

有過來人指自己父親都喺大陸買樓,係唯一業主都好煩。被親戚佔用,開埋補習社。搞咗幾年先趕走到佢哋,之後拿拿聲賣咗佢唔洗再煩。

網民留言:當初夾份買樓就要預咗有呢一日。一家人都未必唔出事,何況表姐妹?

買樓 親戚 家族長輩 網民熱話
【網民熱話・買樓】圖片:電視截圖