高盛終極推演全球封喉 油氣隨時狂飆130%！拆解邊隻港股有爆炒潛力

天然氣之亂：斷供一個月，氣價勢爆升 130%

高盛嘅數據極度驚嚇：霍爾木茲海峽每年輸送約 8,000 萬噸 LNG，佔全球供應高達 19%。如果呢條航道不幸斷供一個月，西北歐嘅天然氣庫存將會被極速抽乾。報告警告，歐洲天然氣基準（TTF）同亞洲現貨（JKM）價格，極有可能被挾上每兆瓦時 74 歐元嘅天價，比目前水平足足高出 130%！

油價極端推演：1600 萬桶面臨斷流，最多狂飆 15 美元

原油市場方面，每日高達 1,340 萬桶嘅原油出口依賴呢條海峽。雖然市場喺周末已經「偷步」計入咗每桶 18 美元嘅風險溢價，但高盛就霍爾木茲海峽中斷，進行咗三個極端情境推演：

最惡劣情境（全面封喉＋零緩衝）： 如果海峽全面關閉一個月，且無備用管道及戰略石油儲備（SPR）救拖，油價將會硬批上漲 15 美元！

中度衝擊（全面封喉＋動用儲備）： 就算盡地一煲動用全部每日 400 萬桶備用產能，再加每日 200 萬桶 SPR 釋放，油價依然要升 10 美元。

輕度衝擊（半封鎖狀態）： 就算只係 50% 流量受阻，喺有備用管道下，油價最少都要升 4 美元。

運費暴漲 50%：「辣著」通脹黑天鵝

除咗原油，全球約 18% 嘅航空煤油出口亦要經此路。高盛特別指出，今年以來全球原油平均運費已經靜靜雞暴漲咗 50%（約每桶 2.4 美元）。如果海峽受阻，油輪運費同保險費率將會進一步「爆表」。呢啲成本最終一定會轉嫁落消費者身上，意味住啱啱先回落嘅全球通脹，隨時會俾呢場戰火重新「辣㷫」！

中海油（0883）——或是純上游最暴力受惠

如果高盛推演嘅「油價狂飆 15 美元」成真，中海油（0883） 作為純粹嘅「上游」勘探及生產企業，佢無下游煉油業務嘅包袱。國際油價每升一蚊，中海油嘅淨利潤就係純粹嘅擴張。

中石油（0857）——通吃油氣雙面紅利

唔好忘記高盛最驚嚇嘅預測係「天然氣爆升 130%」中石油（0857） 唔單止有龐大嘅原油產能，佢仲係中國最大嘅天然氣生產商。如果歐洲同亞洲上演殘酷嘅「搶氣大戰」，中石油或會同時食正「防守力同進攻力極度均衡。

物流暴利：東方海外（0316）——運費狂飆收割者

高盛特別提到，今年全球原油平均運費已經靜靜雞暴漲 50%。中東戰火蔓延，大量商船被迫兜遠路避開紅海同波斯灣，導致全球運力瞬間被抽乾。東方海外國際（0316） 及其他航運巨頭（如中遠海控 1919）正迎來「運力短缺＋保險費轉嫁」嘅黃金期，運費（Freight Rates）或會暴漲。

核心資料表 (Data Table)