熱氣球節︳【有片】苦主何小姐爆紅 金句連連網民勁like 原來係美食KOL

苦主斥「未攞牌就賣飛」

事件引發大批已購票入場的市民和旅客強烈不滿。其中，一位何小姐接受傳媒訪問時的片段在網上瘋傳，成為全城熱話。她激動地表示，自己一家花費約3,000元，並特意請假帶孩子前來，卻發現活動貨不對辦，更無法退款。她怒斥主辦單位「未攞到牌照就賣飛」，並連珠炮發地爆出金句，如：「我要畀600幾蚊睇你放風箏？」、「天氣問題？陽光普照萬里無雲呀！」、「血壓都去到200幾，就快要call白車！」其言論因清晰流暢且無一髒話，獲網民大讚。其後，何小姐被發現為一名飲食生活KOL Botan。目前有2萬8千粉絲，睇返佢平時啲片，風格一樣咁霸氣。佢喺「敗家系列」講過：「香港地有人無錢使，有錢冇人使。你死慳死抵留返啲錢做咩？留返嚟爭家產咩﹗」

原來，活動前一日係Botan嘅生日，而當日就係佢仔仔劍擊比賽嘅大日子！佢特登請假，安排呢個熱氣球活動，一係為自己慶祝，二係想辛辛苦苦練咗好耐劍嘅仔仔，可以喺賽前好好放鬆。表示：「呢個活動好重要，原本應該係一個畢生難忘嘅經歷！」點知，最後變咗畢生難忘嘅失望。

令Botan情緒爆發嘅真正原因，係佢嘅仔仔。佢透露，仔仔有輕度ADHD同自閉症，好易鑽牛角尖。當知道坐唔到熱氣球之後，仔仔情緒低落咗好耐。「小朋友唔明白點可以話取消就取消，我要花好多時間心機去開解佢。」一個媽媽，最睇唔過眼嘅，就係自己仔仔嘅失望。

政府：安全風險顯著

對於未能批出載客許可，政府方面表示，在早前的實地測試中，已發現熱氣球極受風力影響，出現難以穩定控制的情況，安全風險顯著，因此最終只批准大會作展示用途。事件踏入第二日，載人體驗的許可仍未獲批。主辦方已提出補償方案，容許持票人再次入場，但退票安排混亂，已引發大量投訴。