日出康城

日出康城朝氣變沼氣!業主撰500字長文伸冤:我哋做12年開荒牛為乜!

二手成交

廣告

日出康城作為將軍澳的新發展區,即將亦迎來將藍隧道通車,但近日有人則在討論區上發長文為該區居民抱打不平,箇中細節形容得非常可憐。

日出康城
(圖片來源:政府新聞處)

網民:日出康城犯咗咩罪?

有網民以「其實康城居民係咪得罪咗政府什麼?長文慎入」在香港討論區上發文,指出過去多年,政府均沒有善待該區居民,又指他們「只可以默不作聲, 忍痛承受」。

逾500字的長文當中,該網民點出多項問題,包括做「開荒牛」搬入空無一物的發展區居住、不時被市場批評空氣差、有臭味,甚至有沼氣等情況,認為居民只能默默承受。

原文:

其實康城居民係咪得罪咗政府什麼?長文慎入

發展計劃命名為日出康城是因為「日出」代表東方、陽光及朝氣,「康城」則代表健康之城。

12年前一班勇士, 心甘命抵就入去做開荒牛,冇商場,冇配套, 含辛茹苦, 忍受著環保大道堆填區之名,項目首兩期入伙時,不時被市場批評空氣差、有臭味,甚至有沼氣,以致時任長和系主席李嘉誠2009年回應日出康城的空氣問題時,他稱自己剛到過日出康城地盤巡視,見到堆填區綠化區真的很美,心曠神怡 , 成為一時佳話。

日出康城居民,佢哋辛辛苦苦頂足六年。忍受住

- 地鐵班次疏落、出閘排隊

- 雙墳/單墳景

- 大量泥頭車出入環保大道

- 冇商場冇配套

終於收到第一個好消息,就系堆填區在2016年起停收家居垃圾, 仲有可能關閉。

帖文指出,2018年,,當局將堆填區關閉日延期,日出康城居民只可以默不作聲, 忍痛承受。雖然後來地標商場開式啟用,店舖種類不算太多,但同時將該區樓價推至高峰。

值得留意,樓主表示,堆填區不再接收家居垃圾,但當局卻將油塘水泥廠搬至該區,大部份居民反對亦無效,「油塘居民就真係開心曬」, 日出康城居民又再一次默默承受。

「因為佢哋知道即時交通配套唔好, 空氣唔好, 泥頭車多, 康城最殺食嘅就係冇公屋, 有海景, 雖然係有墳嘅海景,但施政報告突然間話要發展137區, 地鐵沿線加填海, 137區大量興建公屋, 一下就將康城最殺食嘅海景同埋冇公屋完全抹殺。」

日出康城
(圖片來源:政府新聞處)

日出康城長文惹起回應:買之前唔知?

文中將當區居民「慘況」盡訴,但似乎一眾網民並不賣帳,更有人反駁「將軍澳係垃圾灣買之前已知,買咗就當唔知」。

  • 「垃圾灣係咁㗎啦。」
  • 「政府有冇應承永不填海?」
  • 「將軍澳係垃圾灣買之前已知,買咗就當唔知。」
  • 「睇完覺得好似有人迫佢買咁。」
  • 「自己買完樓,就唔比個地方發展,真係X街香港核心價值。」
  • 「又一個輸打贏要,不知所謂。」
  • 「N年前去過,鬼地方。有排跌。」
  • 「堆填區同墳埸係早過日出康城幾十年已經有la,被個奸商吹兩咀就去買黎住, 政府迫你咩?自己XX就懶政府,起左康城附近地方乜X野都唔可以起gar?係咪香港人黎gar? 香港一直都係咁gar la!咁既logic, 同mirror 跌LCD 懶康文署一樣, 神logic!!」
  • 「投資有賺有蝕, 只可以怪自己諗唔到政府會有機會再考量新玫瑰園計劃, 不過以政府的速度, 都要搞足廿年, 又唔使咁擔心, 要賣都仲有大把時間。」
  • 「有邊個地區一定保證你有永久海景和吾准附近起公居屋架?!反對冇效!咁X自私!贊成圍住日落城填海起海景公居屋!」
  • 「垃圾山,自己入去,冤得誰?」
  • 「係日出康城啲人當自己高人一等!邊度私人樓無公屋呀?唔知以為自己住緊山頂過億豪宅!」
  • 「日出康城不是大晒,垃圾車停泊車場在附近一直存在,咩都投訴。」

康城居民:從來都無後悔

帖文同時引來多位疑是住在康城的網民回應,表示政府需要考量他們的健康,又表示從來沒有後悔過買入康城單位自住。

  • 「地區發展康城人當然支持,圍住民居近距離填海,對當區居民影響太大。近年買入康城物業嘅業主,繳交的印花稅比公務人士一輩子交的租金都要多。政府係咪都需要考量哩班納稅人的健康?」
  • 「從來都無後悔過買入康城單位自住,入過黎康城嘅人就知哩度環境的確舒適。只係唔希望政府突然超近民居進行填海漠視本區居民的健康。政府要照顧基層人士方向絕對正確,但要同時兼顧中產納稅人的權益。無我地交稅,邊度有錢俾政府扶貧?香港正在缺乏人才之際,趕走班中產難道旨意基層每年交果幾千蚊稅嗎?」
  • 「失禮講句,哩十年八載交嘅印花稅都過百萬。我地唔係否決發展,只係希望政府積極考慮除填海以外連結137區交通的方案。」
  • 「開心啲諗,開通埋將藍隧道,交通會更方便。」

部份網民亦表示,初期亦的確看好發展,惟後來利好因素慢慢消退,指出根本不值得購買,更表示「真係傻仔先買」;有網民更回贈一曲諷刺康城居民,引用當中歌詞「寧願奮鬥到百千次」,表示支持。

  • 「就嚟填海填到可以行過去鰂魚涌。」
  • 「3期或之前的一手係抵買, 但4期後已price in 利好因素,就真係所(傻)仔先買。」

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:經一編輯部、政府新聞處、香港討論區截圖、發展商授權圖片