滙豐

滙豐員工有買3股送1股優惠!買唔買得過?

專欄

廣告

Q35761:

Hi老師,想問你關於匯豐嘅問題。

我係滙豐工作,員工可以有買三股送一股的優惠,即75折買股票。每月最多可買$2500左右價值嘅匯豐股票。但限制是,未來三年都要持續係匯豐職員,同埋啲三年內股票不得買賣。如果係你,你會唔會join 呢個share match scheme?

背景:3X歲,hsbc 員工
有一個小朋友。

謝謝

龔成老師︰

我分2部份答你︰

首先,係佢投資價值。

匯控(0005)由於之前疫情等不確定因素已慢慢過去,相信較大機會會慢慢好轉,但就不是高增長,只是穩定,投資者不能對股價有太大期望。

投資者要留意,銀行股賺錢能力始終不及過往年代,因此不要對股價期望太高,但作為收息股則可以。

另外,銀行業不是無風險的,因此不要將過多資金,集中在這類股。

第二,就係佢適唔適合你。

當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。

例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。

以你現時36歲去計,一般我會偏向建議先做好財富增值部份,而唔係儲收息股(畢竟收息股增長力較弱)。

但由於你有75折優惠,再連埋每年股息計,其實個整體回報都算可以。

再加上只係佔你每月收入一少部份,只要你其他資金做翻增值,每月用$2500儲匯控(在有75折的前提下)其實都可以。只要你明白,佢增長力唔算高,始終銀行業唔係20年前個狀態,你預係少少增長加收息,咁就可以。

圖片來源:Unsplash