黃子華 絕代商驕-合理化煙幕

絕代商驕|黃子華教你6大生意述語:咩係合理化煙幕、鯰魚效應、等價交換?

投資熱話

廣告

黃子華做過咁多套劇,講到做生意嘅「絕代商驕」一定走唔甩。呢套劇入面提過唔少做生意嘅理論或者述語,你又記得記得幾多個?

黃子華 絕代商驕-合理化煙幕
(圖片來源:絕代商驕)

長尾理論 The Long Tail

只要你經營得好,就算唔受歡迎嘅貨,都可以為公司帶來利潤的現象。有冇試過入咗啲貨賣唔出,好頭痛呢?

呢個理論就係話你知,貨尾賣唔出嘅貨,只要個尾(銷售時間)拖得夠長就得,就可以搵到啱客源,咁就可以將貨品賣出去,一樣可以幫你賺錢!

長尾理論喺呢個時代好啱用嚟形容網絡世界嘅現象。你哋諗吓,好似阿太嘅雜貨舖,最賣座嘅產品可能只係幾款,但喺網上商店,啲冇咁受歡迎嘅產品都有機會賣得好好。

長尾理論就係話,當足夠多嘅冇咁受歡迎嘅產品組合喺一齊,其實佢哋嘅市場份額可以同大熱產品相媲美。其實,呢個長尾市場就係啲利基市場,專攻細分市場嘅企業,可以喺呢啲市場搵到商機。

黃子華 絕代商驕-合理化煙幕
(圖片來源:Unspash@richard bell)

鯰魚效應 Catfish effect

鯰魚效應係講透過引入強者,激發弱者變強嘅一種效應。啲沙甸魚一向懶洋洋嘅,但當有一條鯰魚出現嘅時候,佢哋就會為咗閃避鯰魚而游得好勁,所以變得更加鮮活。呢個道理喺生活同工作上都可以運用,激發大家競爭,令大家變得更強。

呢個理論重點在於提升員工嘅生產力,就係通過引入新競爭,刺激同事嘅上進心,從而提升生產力。就好似咁,一個魚池,將條鯰魚放落去,其他魚就因為怕俾佢食落肚,就會不停好努力咁游。

以人力資源學實際例子講,就係請一個醒目嘅同事,刺激其他人就會更加努力做野。所以如何果你見公司請在個話頭醒尾嘅好同事,你可能要勤力啲啦!

等價交換 Equivalent Exchange

等價交換就係指唔同價值嘅商品可以按照各自價值量進行交換。喺生活同商業交易上,我哋應該學識等價交換,唔好俾人佔咗便宜,要互惠互利,令雙方都覺得公平。

道理好簡單,就係人地喺你身上得到咩好處,同樣你都要喺別人身上得到同等價值嘅好處。

第一集嘅「絕代商驕」就教你,做人要學識「等價交換」,千祈唔好俾人搵笨。做生意都一樣,小心唔好著數晒俾人,要互惠互利,正所謂win win 雙嬴!

黃子華 絕代商驕-合理化煙幕
(圖片來源:絕代商驕)

合理化煙幕

合理化煙幕係針對顧客嘅觀點,令顧客覺得商品價格同質量的相乎。而商家就通過制造合理化煙幕,增加銷售量,減少總體平均成本,增加利潤。

合理化煙幕就係商家通過一啲看似虧本嘅手段,讓消費者認為划算而去購買,從而盈利。喺生活同消費上,我哋要提高警覺,唔好受啲煙幕手法迷惑,充分了解商品價值,做出明智嘅消費決策。

劇中嘅黃子華(麥提爽)提出過一個例子:大爆谷同細爆谷花只差2元,大家都會唔介意俾多兩蚊買大爆谷。但係其實商家係有賺多咗,因為固定成本無變,而賣多咗,咁平均成本就少咗,同薄利多銷嘅原理一樣。

黑天鵝效應 The Black Swan

黑天鵝效應指嘅係啲極度罕見同埋難以預料嘅事件,佢哋通常會對經濟同社會產生巨大影響。所以,我哋要學識應對唔同嘅突發事件

呢個述語在英國「脫歐」公投嗰日應該聽過好多次,其實呢個述語係來自納西姆尼可拉斯塔雷伯嘅作品,「黑天鵝」嘅意思係睇落極度無可能發生,但竟然又發生咗嘅事。

其實呢個效應有三個特點:

1)之前嘅經驗令大家都覺得呢件事無可能發生,係一般期望嘅範圍之外
2)呢件事會有好大影響同衝擊
3)發生咗件事之後,好多人解釋「其實發生都好正常呀!」

黑武士、白武士

唔知大家仲記唔記得,劇中嘅黃子華(麥提爽)就係一個扮黑武士嘅白武士。好似好復雜,其實好簡單。

延伸閱讀﹕白武士與黑武士 善意收購對惡意收購

黑武士就係收購一間公司之後轉賣俾第三方,佢地嘅唯一目標就係賺錢。呢種商人多數都俾人話心狠手棘同冇良心。

白武士係好人,會出手幫一啲遭受第三方惡意收購的公司,向佢地提出善意收購。例如開個高啲價錢,打走惡意收購嘅公司。

電視劇《絕代商驕》中,黃子華飾演的麥提爽,是一名商業奇才,劇中的他由向商業機構進行惡意收購的「黑武士」,變成拯救公司企業於危難的「白武士」(White Knight)。其實,在真實的商業世界,也經常出現「白武士」。

https://www.youtube.com/watch?v=uF89rmwIHh0&ab_channel=TVBUSAOfficial

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:絕代商驕、Unspash@richard bell