淘寶

淘寶木櫃得返一堆木板、店主「安撫」用想像力砌櫃:沒有說明書的,乖乖

投資

廣告

淘寶「警世文」近日在社交媒體流傳,有港女分享自己在網上買傢俬的中伏經歷,表示自己在以1,450元(人民幣,下同)成功淘了一個木櫃,更包括70元安裝費,惟到貨後完全沒有任何安裝教學。而商家之後的一連串反應,更使她極度無奈。

事主在貼文中附上圖片,如圖可見,木櫃未砌前遍地木板、零件散落在地上,即使安裝完成後櫃門仍不能完全合上。

港女淘寶
(圖片來源:[email protected]淘寶唔開心share (中伏group))
港女淘寶
(圖片來源:[email protected]淘寶唔開心share (中伏group))

淘寶客服介入退安裝費

買家在社交媒體大吐苦水:「又話係金牌賣家又三個皇冠,點知買個櫃,來到完全無圖無片教點裝,問客服有無教學,先知收錢果陣其實包左70元安裝費。」

但對方指香港係海外,不包安裝。雖然曾經承諾退回70元安裝費,但又遲遲不見退款。

事主回憶,之後安裝木櫃完全靠想像力完成,但到了「埋尾」才發現兩對骹位唔同樣,不同尺寸,又形容「裝一大輪最後隻門合唔埋, 想俾返個負評佢」,但店舖已經將件所謂新品貨下架。

最後事主尋求淘寶客服介入,賣家才退回80元,希望撤回投訴。

店主:完全沒有的 乖乖

當事主一再追問是否完全沒有教學時,賣家竟然「出口術」暱稱事主「乖乖」安撫。

港女淘寶
(圖片來源:[email protected]淘寶唔開心share (中伏group))

事主表示,自己曾在其他淘寶店買過傢俬,都會有影片或者師傅教學,甚至試過每塊板有貼數字,螺絲位亦全部對得齊。

「真係咩圖都無,都唔緊要,零件仲要錯size ,講真隻門合唔埋我都懷疑係自己裝得唔好,但係拆出來就發現原來啲骹又大又細。」

過來人:自己砌傷腦又傷神

事主在社交媒體發文「警世」後,引來大批網友熱烈討論。有網購過來人表示,自己亦有類似經歷,如果網購沒有說明書,很容易砌錯了也懵然不知。

  • 「無爛己經好好。」
  • 「有啲螺絲配件相差無幾,一搞錯又要重砌….」
  • 「淘大型傢俱最煩係無說明書。 賣家就算比組裝短片,一睇再睇有D位都唔知點砌,砌完又有d位唔係好fit咁…傷腦又傷神。」
  • 「試過兩次冇教學,佢會wechat 通話教你裝。上次個老細邊食住煙,嘆住茶,邊教我,個畫面好朦朧。」

網民:點解一定要淘寶?

亦有網民不解,為何樓主要執著於網購傢俬,而不在香港傢俬店購買木櫃,方便事後跟進。

  • 「正正經經幫襯宜家咪算數囉,買個櫃都搞咁多嘢。」
  • 「咪係,仲要收$1600,真係想知佢有幾吸引,係點樣引到人買?」
  • 「之前上淘寶睇過,係就係平一截。不過計埋運費貴過你去傢私舖買添,重要去傢私舖有師傅運埋上嚟幫你砌埋,網購嗰啲要你自己落手砌。」

延伸閱讀:租盤多圖|屯門500呎「桑拿房」月租$6,800 網民:似豬欄扮屋多啲

延伸閱讀:23歲少女炒股「豬咗」80萬 投資坐艇變韭菜:點解中年人唔玩股票?

限時福利-3個月免費電子週刊訂閱

即到經一App享用

兌換步驟

1. 下載「經濟一週」App
2. 打開App內「週刊」專區
3. 按「立即訂閱」
4. 按「輸入優惠碼」
5. 輸入「EDNEW2022」並按兌換

完成!!

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:[email protected]淘寶唔開心share (中伏group)