菁雋呎價1.69萬 貴絕屯門 網民:成世租樓算啦|龍床盤|香港樓市2018

樓市】因「細」而備受關注的「龍床盤」— 屯門新盤菁雋昨日公佈首張73伙價單,個別單位呎價高達21,756元,較太古城還要昂貴。價單掀起網民熱烈討論,有人認為開價並不合理,亦有人覺得這次開價反映了發展商睇好後市。
撰文:Nicole | 圖片:unsplash、新傳媒資料室、菁雋官網截圖、討論區截圖

131呎單位 呎價高過太古城

最受矚目的128呎「龍床盤」,並未在首張價單中。

首張價單中的最細單位,為7至9樓32室,實用面積131呎,入場費285萬元,其銀碼為今年推售新盤中的最低。

不過,該單位的呎價高達21,756元,較鰂魚涌藍籌屋苑太古城還要貴。

菁雋首張價單中,有72個單位的售價低於600萬元,買家可承造80%或以上按揭。

菁雋呎價貴絕屯門新盤

由佳源國際(2768)及陞域集團持有的屯門新盤菁雋,首張73伙價單,實用面積介乎131至416呎。

售價由285萬至928.8萬元,平均呎價16,937元。

16,937元的平均呎價,較年內同區的兩個新盤 — 弦海及御半山還要貴。

由莊士中國(0298)發展的弦海首批折實平均呎價15,791元,「龍床盤」菁雋較之貴7.3%。

而新地(016)旗下的屯門御半山,首批折實平均呎價15,248元。

相比起來,菁雋較之高出11.1%,首張價單貴絕年內的屯門新盤。

無提供優惠及按揭

菁雋不設任何優惠及按揭。

發展商佳源國際項目總經理鄺鴻輝回應指,項目「lump sum」(一整筆款項)細,相信大眾可自行承造按揭。

另外,首張73伙價單的市值為3.2億元,最快12月開售。

網民直斥:crazy!

對於菁雋呎價貴絕屯門,個別單位呎價更高於太古城的話題,已經成為近日的網民熱話。

有不少網民對菁雋開價表示震驚,甚至直斥價格「crazy!」。

「坦白講,crazy! 我係好友我都係咁話」、「100萬買車位仲賺過個龍床」

「買完肯定到老都無人接貨」、「呢D單位,買左俾人笑一世」

網民直言,車位較單位大才是最諷刺的地方。

「吾明!285 萬for128尺,即超過$20000 一尺?邊個會買」

「可能最諷刺係落停車場攞車發覺個車位仲闊過住果到」

「大佬,弦海180呎賣288萬, 但180呎都仲叫超勉強用到下,你128呎的可用性根本低到喊,仲平得過3萬,同買件垃圾冇分別」

未來坐艇悲慘盤?

大部份的網民均認為菁雋開價不太合理,甚至預期該盤將會銷情慘淡,成為未來的「坐艇悲慘盤」。

「半年前開盤開呢個價,就可能會有萬人沖入票嘅,今日開呢口價就死得」

「兩房五百萬以下係可以吸引部份人,但一房同開放式個價買左就肯定死緊」

「呢個盤都算勁,由未起開始已經好make noise,到公佈價單又全城嘩然, 相信第時十大坐艇悲慘盤都一定有呢個盤份,永遠唔會被香港人遺忘」

愈賣愈細成趨勢

不過,有網民就擔心,如果是次菁雋備受追捧,銷情理想的話,他日地產商便會「愈起愈細,愈賣愈貴」。

「最驚系真系有人賣單….,甘D發展商就以為有市場,愈做愈細但就賣甘貴」

「私人劏房香港有冇衰到咁呀,唔租人地劏房,而係自己買俾自己住,買磚頭買到咁折墮,成世租樓算啦」

發展商睇好後市?

另一方面,有人認為這次菁雋開價進取,某程度上代表發展商看好後市。

亦有人認為該盤銀碼較小,相信會有首期不足人士藉此入市上車。

「不過又可證明好多發展商繼續睇好後市!」

「當租到7k,都有3%回報嘅。 7k,市區真劏房,或d近郊租人一間房,而呢度都算係一間獨立房…也許有吸引力,迷你倉,工作室,1樓1,airbnb 都有機會提升回報」

「點解咁睇重尺價?而家好多人買唔起,只係因為首期問題,好多2-3000呎單位,除開呎價好平添,但買唔起咁又有咩用,相信一定有人話難甩手,跌市時會跌好多,反問一問,買黎自住點解成日要講跌幾多, 難甩手呢D問題? 唔好一味講地產商想賺到盡,佢都想幫人上車先咁做,雙贏局面」