住過市區返唔到轉頭? 網民:大西北樓買嚟自討苦吃

住過市區返唔到轉頭? 網民:大西北樓買嚟自討苦吃

熱話

廣告

對於香港十八區哪一區最好住,一直都是網民爭持不下的話題。早前才有網民表示住港島區會有種優越感,亦有人認為住新界才可以遠離煩囂,享受生活。然而,日前有網民提出住市區的好處,認為市區才是最好住的地方,更表示「住過市區,真係返唔到轉頭」,再次引起其他網民熱烈討論。

撰文:經一編輯部|圖片:Unsplash、香港討論區截圖

網民開帖:「住過市區,真係返唔到轉頭」

日前,有網民在香港討論區開帖,表示自己居住在市區後,交通非常方便,減少了乘車時間,更直言自己不明白大家有甚麼原因要居住在大西北。

他指:「住市區,交通方便,車費便宜,少了坐車時間,起身返工快,唔會俾朋友睇小。真係諗唔明乜嘢原因要住大西北!」

 住過市區返唔到轉頭? 網民:大西北樓買嚟自討苦吃
(圖片:Unsplash)

其他網民認同市區有一定的優勢

大多網民都支持住市區較好的看法,有不少人明白「住過市區返唔到轉頭」的感受。大家認為「市區去邊都半小時」,習慣了市區的交通方便,便回不去以前住其他地區乘車時間很久的時候。

「我住深水埗唐樓,落樓5分鐘到地鐵站,門口有巴士站,隔離有7仔,路口有街市,唔洗交管理費,一梯二伙,實用三大房二廳二光廁,真係方便到返唔轉頭」

 住過市區返唔到轉頭? 網民:大西北樓買嚟自討苦吃
(圖片:Unsplash)

早年大西北樓價較便宜才吸引買家?

有網民留言指,很多年前大西北的樓價較便宜,所以在沒有辦法下,不少人只好搬到去大西北住。然而,現時大西北和荃葵甚至長沙灣價格相差很少,所以他亦表示找不到理由住大西北,行屯公或搭西鐵而不搭荃灣綫。

亦有網民表示買樓只是將價就貨,他認為住在大西北乘地鐵又多人又迫,而屯門公路日日都有交通意外,一天會塞車數次,每次都起碼會塞1小時以上,除了大西北地區的整體呎價比較便宜,根本沒有其他吸引人的因素。

這個網民更直言:「買大西北樓除非大西北返工,否則買嚟係自討苦吃。」

 住過市區返唔到轉頭? 網民:大西北樓買嚟自討苦吃
(圖片:香港討論區截圖)

有人更認為:「冇料先要住大西北」,指出其實大家都想居住在市區,只是沒有能力才會選擇大西北的樓。

「有錢邊個唔想住最市區又最大個間,甚麼寧願住大西北效區又大又平啲又安靜好過市區完全嘥氣!哈哈哈!」

 住過市區返唔到轉頭? 網民:大西北樓買嚟自討苦吃
(圖片:香港討論區截圖)

各地區有其優勝之處 最重要適合自己

雖然在討論區中有不少人表示住市區確實比較好,但亦有人指出其實最重要都是要找個適合自己的地方。

「買樓揀邊區從來首先睇地區係咪自己接受,其次個單位環境,自覺好唔好住,舒唔舒服,交通方唔方便相對次要,因為地區係自己選,但從來唔考慮將就工作地點,因為工作隨時會轉,層樓先係跟住你長時間。」

亦有人表示,即使住市區,亦要看看是哪一區,因為市區中亦有些不方便的位置,例如啟德。

「都要睇邊度姐,如果要我住啟德坊就咪制囉,連去MTR都要日曬雨淋,點住得人呀?咁我就寧願住元朗囉」

 住過市區返唔到轉頭? 網民:大西北樓買嚟自討苦吃
(圖片:Unsplash、香港討論區截圖)