返工俾人鬧要點做?網民大談返工哲學「認真就輸了」連登仔話唔反駁可能仲衰?

返工俾人鬧要點做?網民大談返工哲學「認真就輸了」連登仔話唔反駁可能仲衰?

在職場生存,要懂得做人處世,同時要保留自己的棱角絕不容易。有網民在討論區開貼,向廣大網民請教被年資較深的同事責罵該如何是好,網民意見兩極,一方面大談返工的處世之道,另一方面則貫徹網民特色,拋出「工建辭(所有工作上的問題一律建議辭職)」或鬧返對方等建議。

撰文:經一編輯部|圖片:unsplash

高層料員工因疫情而難轉工 所以態度差?

網民在討論區以《返工俾Senior鬧,你會點做》為題開帖:

大家有無覺得疫情令到啲高層睇死你唔走得,所以態度差咗好多。做細嘅,角色低微又尷尬

網民發起投票,問大家會如何應對,選擇「點都出聲,唔啞忍」的人數大概是選擇「退一步,開闊天空(聽都唔合理嘅都照食唔出聲)」的4倍。

比著係你,你會點?圖片:unsplash
比著係你,你會點?圖片:unsplash

退一步,開闊天空:人工包咗

認為應該忍住不反駁的人直言返工毋須對這些責罵過分認真和上心,可謂「認真就輸了」,隨著下班就應將這些說話忘記。然而,亦有人指這種境界說來容易,實質相當困難:「真心你講得啱,但好多嘢當真係聽落去嘅時候就會覺得幾哽耳。」

有人建議先視乎對方為人再決定,如果對方本身都不講道理,鬧返對方亦無用,只會令對方下次鬧得更兇,「笑笑口扮無嘢就算。」

當人工包咗,收工就auto delete咗去,會開心好多

有趣的是,有另一類意見雖然認為不應犯駁,但卻採取消極反擊的方法,更有人指會日後報復,先認低威,日後再「暗地裏做隻鑊畀佢」。

  • 「意見接受,態度照舊。」
  • 「駁咀佢只會鬧你鬧得耐啲,嚟多幾次佢就廢事鬧你。最後贏家!」
  • 「忍住搵工搵到咪走。」
  • 「佢一鬧你,你就喺佢面前哼歌,佢問你嘢你就,哦哦哦、好好好,之後再哼歌。」
化身和平使者,減少無謂紛爭。圖片:unsplash
化身和平使者,減少無謂紛爭。圖片:unsplash

同時亦有些另類的應對方法:

大讚老細X得好,再陪佢一齊X自己

叫爸爸炒咗佢

最後,當然少不了──「工建辭(意即:所有工作上的問題一律建議辭職)。」

點都出聲,唔啞忍:你同我跪喺度!

另一方面,討論區亦不乏建議樓主反駁還擊的建議,又可說自己已經準備移民,毋須再畀面;鬧返對方都不特止,更有網民稱連登仔應會叫對方跪低。動口都尚算太溫和,有網民建議要動手,認為無謂再跟對方說太多,更有網民招積地指自己早前才拍枱大鬧上司。

  • 連登仔:你同我跪喺度
  • 同佢講我移民啦, 使忍你
  • 調返轉喎,最近先拍枱X完上司一鑊
動手?圖片:unsplash
動手?圖片:unsplash

這時,有網民反問:「唔驚俾人炒咩?網上叫得最兇狠。」亦有網民反諷留言:

上連登X佢係廢柴

話雖如此,有網民亦指出應該反思是否自己做錯,否則便應據理力爭,以免予人一種「易恰」的形象,往後更難在辦公室立足:「一定要還擊,唔好俾人定型覺得你好恰,次次都忍就會俾人食住,啲人係欺善怕惡,尤其老屎忽。」

忍一時,得吋進尺。退一步,變本加厲

唔好俾人定型覺得你好恰?圖片:unsplash
唔好俾人定型覺得你好恰?圖片:unsplash

自稱工程業行內人 鬧人的事見怪不怪

樓主的帖文和上述的留言都視被鬧是一件苦事,相信與大部分人的想法相似。然而,有自稱自己做工程業的網民則指返工被鬧是見怪不怪的事:「工程日X日嘈到拆天。」

利申做工程,邊日返工唔俾人X會覺得空虛寂寞。

到底樓主最後如何應對呢?

樓主回覆留言,指對方認為自己雞蛋裏挑骨頭,較為硬頸;自己亦有安慰對方,心靜氣地說出自己的角度。

當然崩口人忌崩口碗,可能我真係講錯咗啲咩,但至少我盡咗力,冇同佢鬧交。係因為我都會企係佢嘅角度睇,大家都係打份工啫,何必咁勞氣,但自己總會有啲唔開心嘅。

延伸閲讀:盤點返工聽過咩難聽過粗口嘅說話 老細臨走問OT同事「點解仲未走得」都未係最癲

延伸閲讀:想加人工、成功減磅?跟《原子習慣》做4個微小改變即養成好習慣 輕鬆達成任何目標

關鍵詞
網民熱話