5招免費賺Pokecoin 唔洗畀錢買道具

熱話

廣告

塵世間有咩事係慘得過見到啟暴龍,但無哂精靈球,而附近又無pokestop拎精靈球? 當時只可以揼哂心口,大叫命苦。呢個時候,按入poke shop,見到20個精靈球要100個金幣,而100個金幣誠惠8大蚊。

你心諗: 為咗啟暴龍,呢少少錢算係咩,課金都要嫁啦。就係咁,任天堂就為你打開天堂之門,20個精靈球從天而降,久逢甘露的你出番去主畫面,發現……啟暴龍已經消失咗。

用金幣唔單只買到精靈球,仲買到不同道具,如孵蛋器、lucky egg、增加背囊容量等等。然而,想用得多點道具自然要付出金錢,下至最平用8蚊買100個金幣,上至最貴用788蚊買14,500個金幣。

只不過玩Pokemon 唔一定要課金先得到金幣,用其他方法都賺到金幣的,想知點做就睇下下面啦!!!

1.正正當當打道館

打道館是唯一賺到金幣的方法,而且要做到館長。如果是你的隊伍做緊館長,你可以試下去打道館,增加道館的經驗值來增加層數,愈高經驗值就愈高層數,就可以容納愈多館長。如果是敵隊做館長,則要打敗館長,並派一隻小精靈去守館,才有機會坐正。

每做一次館長就有10個金幣和500個星塵,這稱之為bonus。坐道館後去poke shop 右上角有盾牌符號的位置拎金幣。但是你至少要有level 5 才有資格打道館,如果你係新玩,就要快快去轉poke stop 和捉小精靈來拎經驗值,務求盡快升上level 5 。

2. 留意道館的層數

打道館,鬼唔知咩,但要夠人打先得架。你可以揀一些同隊的道館,樓層高,但館長又唔多的道館,如此便有機會唔洗打都可以做館長。

正如上述所講,道館都有經驗值,經驗值愈高樓層便愈多。有好多人會「走漏眼」,誤以為有兩三隻小精靈坐館已是「滿座」了,但實情卻非如此。以沙田顯徑的一個道館為例,該道館是level 10,總共可容納9個館長!

所以當你去到道館,看到館中已有數個館長,但請你留意下,如果屏幕下方叫你安置一隻精靈入去,那就快快安置了,這證明了道館仍有空位給那隊伍的玩家做館長。如此就可以唔洗打都有金幣兼星塵。

要注意,遊戲系統會因應你派出的精靈CP值,而決定你的精靈所處樓層,最高CP就是頂層的館主,愈高CP值的小精靈,就可霸到愈高層數,又愈難被人踢館踢走。

3. 趁道館真空時衝入去

在打羸道館之後,一定要委派一隻小精靈看守呢個道館。正當眾人都揀緊一隻小精靈去守道館時,就係呢一刻,道館就會出現「館長真空期」,道館會出現白色的符號。

你立即衝入去,求其禁一隻小精靈做館長,然後再立即去poke shop 拎金幣。成功後,而你就可以一分一毫,一丁點力都唔洗出,連打都唔洗打就賺了10個金幣了。

不過呢個動作一定要快,因為你隨時會被人踢館踢走你,這一切都在電光火石間,天下武功,唯快不破,做訓練員都一樣。雖然這方法非常狡猾,但總是用得上的。

道場真空時,會呈為白色

4. 打地方偏遠的道館

打仗重要一環就是打地勢,地利絕對重要。打地方偏遠的道館,好處就是會較少人同時一齊爭入道館做坐館,而且用實力弱少少的精靈都可以打得贏,並霸到館,不會如旺角、沙田等人多聚集的地方打極都打唔完。以下的玩家就在長洲用CP351 的鬼斯通就坐到館了。

5. 在凌晨時分打道館

凌晨時分打道館是常識吧~~雖然常常見到有訓練員凌晨兩三點都可以出街捉啟暴龍,但應該不會有人全日看著道館的情況吧,人總要休息訓教吧。清晨時分,人人尚在夢中,正好是最易攻陷道館的「天時」了。

值得留意的是,每一次取金幣都要等21個小時之後才可以再攞,就算你打嬴其他道館做了館長,都不能在21個小時內再拎金幣。換言之,一日只可以賺到10個金幣,最平的一件道具都要80個金幣,最快都要8日才可以免費買到一件道具。不過你可以打多幾個道館,如果你一日做到10個道館館長,咁一日就有100個金幣了。

延伸閱讀:
【8隻值得培育的寵物小精靈】
http://www.edigest.hk/Vip/detail?id=3721

【6個實用網站/App 幫你捉精靈兼分析精靈IV】
http://www.edigest.hk/Vip/detail?id=3742

【Pokémon GO五大商機】
http://www.edigest.hk/Vip/detail?id=3524

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!尤其美股當炒、加密貨幣新興起,經濟一週特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。