新上司

新上司被嘲古代返嚟愛影印 打工仔倍感壓力:癲到呢樣都要print出嚟!

職場熱話

廣告

現時,不少大公司都希望辦公室盡量減少用紙。可以支持環保,同時亦有助保持桌面整潔。不過,近日有打工仔在討論區大吐苦水,抱怨上司是「Printer愛好者」,事無大小都要列印閱讀,增添不少麻煩。

該名打工仔表示,公司平時都習慣用email來往,但最近嚟咗個大約40歲的新女team head,特別熱愛列印實體文件閱讀

新上司:麻煩Print一Print封Email

「阿姐話每朝都要print曬啲email同job duties出黎俾佢睇,試過幫佢print野,有一封email就咁noted with thanks。」

樓主直言:咁搞法下世要陪佢做樹。感嘆自己之前以為網上啲人亂吹,點知真係有呢啲人。而辦公室裏的影印機,疑似被阿姐過度操勞而「罷工」:

「我哋部門,平時print野唔多所以只係用普通細細部嘅坐檯printer,而家用紙量多過以前幾倍,阿姐自己私人野都得閒print幾張,墨水去得勁快。部printer好好地用左4年, 而家都用到壞埋要換機,真係俾佢吹脹。」

新上司 上司 古代返嚟
(圖片來源:[email protected] distel)

網民:WhatsApp都要print出嚟!

有網民同情樓主遭遇,表示自己亦曾遇過類似經歷。

  • 「我都遇過呢種supervisor有次lunch叫外賣,whatsapp有send到餐廳menu 問佢食咩,佢叫我print出來俾佢揀 聽到即刻呆左。」
  • 「我以前有個老細都係咁,佢話send email 俾佢,唔代表佢會得閒睇,所以要印出嚟walk her through。」

網民:其實返工係互相體諒

亦有網民覺得,可能阿姐真的年紀大,或者視力有障礙,再需要將文件列印閱讀,希望樓主同懂得互相體諒。

  • 「可能佢老花,電腦D字太細睇唔到。」
  • 「老花睇電腦會頭暈,同埋老人家鍾意係紙上劃下野來覆,我哋請咗個老人家都係咁!」
  • 「有D人唔鐘意用螢幕睇,正如而家D新聞同報紙一樣,依然有人買。或者覺得個螢幕嘅強光對佢眼唔好呢,有無問過佢係咪眼有事先呢?」
新上司 上司 古代返嚟 薪酬調查|加人工嘅平行世界 呢個行業高層薪酬顯著上升 你有冇Underpaid?
(圖片來源:[email protected] distel)

網民:唔好問咁多,做就得。

亦有網民提醒樓主,作為一個小小的打工仔,不要對上司有太大的期望。只要安份守己,按照上司的指示完成任務就已經足夠。

  • 「你明你就做高層啦。」
  • 「佢係上司,叫做就要做了。」

延伸閱讀:日本政府落後30年 仲用3.5吋磁碟片

今年5月,日本政府錯誤將本該發放給463個市民的抗疫基金,全數轉賬給一名男居民的戶口,揭發當地政府仍然使用 「磁碟」與銀行傳送資料。

自當地「抗疫基金事件」後,大批日本民眾才驚訝發現,日本政府跟銀行之間的資料往來,靠的竟是容量只有1.4MB的3.5吋磁碟片,更揭發除了政府部門外,不少銀行、企業,還會使用各種古董級辦公室設備,而且改革困難重重。

1900項程序依賴「古董」裝置

早前,日本數碼事務大臣河野洋平,宣布將停止公務員使用磁碟和傳真機等過時設備,轉而使用數字方法存儲數據。 認為大部分磁盤已經停產,日本不得不放棄使用磁盤。

河野洋平認為,日本是時候要改變,應該放棄使用磁碟。

他表示,大約 1,900 項政府程序仍然要求使用特定的存儲設備,當中包括磁碟、CD、MD 等存儲設備提交申請表格,希望能淘汰這些過時的設備。

新上司 上司 古代返嚟 日本政府
(圖片來源:[email protected] lavin)

日本政府轉型困難重重

但即使日本政府決意提升辦公室科技,但在淘汰舊工具上卻困難重重。

根據調查指,去年日本一些部門為了使用磁碟工作,每月需要額外支付500美元的營運費用,讓銀行能持續運作,要直到 2026 年才能更換。

日本山陽小野田市的負責人被問到為何仍然使用磁碟作儲存工具時,表示使用磁碟是因為「習慣了,所以不會覺得不方便。」

延伸閱讀:多圖|年輕網民列舉「辦公室古董」:點解滑鼠入面有個波?!

延伸閱讀:職場新人見工、HR無睇學歷 感慨公開試成績表變廢紙:大家點樣耍走親戚?

圖片來源:[email protected] lavin、[email protected] distel