手機落單

火鍋店Cut人轉用手機落單 食客大呻搵笨:自助落單仲敢收加一!

職場

廣告

有出街堂食的朋友可能都有發現,愈來愈多餐廳落單轉用自助落單,用自己手機掃QR code,落單後等食物送上。然而這個新的落單方法就引起網民討論,自助落單是方便了客人,還是麻煩到人?

手機落單照收加一

有網民在討論區提出討論,指現時大部分的餐廳都改用手機落單,客人入座後,店員就附上一個 QR code,由客人自己掃QR code點餐,過程完全不用店員幫手。在用餐後付款,仍然要收加一服務費!

  • 「大把火鍋店自己落單但收加一,真心搵笨。」
  • 「接受唔到係某啲餐廳繼續收加一,但落單自助,拎水拎餐具自助。」
  • 「唯一真係感受到服務,就只係有人捧餐俾你同收錢果吓。」
手機落單
(圖片來源:政府新聞處)

餐廳想減人手 用落單平台只需2千

有網民就留意到,其實疫情以前不少日式放題店已有手機落單,只是在疫情期間大行其道。有指手機落單平台每月月費大約$2,000至$3,000,對比招聘一個店員便宜很多。

  • 「月費$2000-$3000 左右,慳返一個人手落單。」
  • 「最早期係放題個啲用(手機落單),因為成日落單,入機入死佢哋(店員),慳好多成本。」
手機落單
(圖片來源:[email protected]

落錯單客人自負 餐廳零責任承擔

有網民亦分享自助落單對食客的影響,雖然減少了與店員的接觸,可以保持社交距離,但是當食客落錯單,餐廳就完全不用承擔責任。亦有網民提到,要用自己手機落單,連成本都轉嫁到客人身上。

  • 「用個客的資源去幫間餐廳節省成本,之後仲要收你加一。」
  • 「我俾錢仲要做埋你果份(落單)。」
  • 「收加一都算,問題係9成落單system都唔好用,想加底扣底少冰少甜又冇。」
  • 「有啲鋪頭仲要收唔到data,最後又要叫返個waiter黎搞,曬氣。」
手機落單
(圖片來源:政府新聞處)

手機落單變奏版:自助醬料區、茶水自取

除了手機落單,也有網民提到不少餐廳服務同樣已變成自助形式,例如自助醬料區、自助茶水間等,不知不覺間由被服務的對象變成自己服務自己!

  • 「打邊爐咪係囉,啲配料都係自己行出去攞。」
  • 「同凍飲+2蚊 一樣,只要巿民慣咗 ,對老闆有着數嘅條款係唔會變。」

在餐飲求職社交平台上見,現時餐廳全職侍應的月薪約$14,000至$17,000起。對比手機落單平台月費大約$2,000至$3,000,成本上的確只需約2成人工。對客人而言,手機落單可能比人手落單快,但同時亦缺少了真人店員可以彈性處理事情,仍然不甚方便。

手機落單
(圖片來源:政府新聞處)

立即加入經一Patreon獨家賺錢貼士

限時尊享85折! 全年訂閱慳更多

全新訂閱計劃內容將全面升級! 每日更新針對市場變化的投資分析,即使大熊市都搵到贏錢方法!經一亦定期專訪不同投資猛人為你指點迷津,深入淺出拆解脈絡。


現成為經一Patreon會員限時尊享85折!訂閱後能閱覽名家專欄及專題報道,更可參與會員Live Chat。

圖片來源:圖片來源:政府新聞處, [email protected], [email protected] Hu