零針 it狗

零針IT狗失業半年再搵工感徬徨 網民:太耐唔做嘢會怕同人接觸

職場

廣告

疫情持續3年,政府鼓勵市民接種新冠疫苗,坊間不少公司都半說服半逼迫員工打針,若堅持不打針的話隨時會因為工作不方便等原因被炒。日前,就有網民指自己是IT專業,但自從公司谷針之後失業至今半年,踏入2023年開始壓力增大。

空白半年+零針 樓主失信心

該網民以「[零針X] 原來不知不覺已經失業咗半年」為題在連登討論區發文,指:

「自從上一間公司谷針之後,我就失業到依家,呢半年一直咬緊儲蓄,諗住抖一段時間,同疫情鬥長命,等到年尾可能有改變先再搵工。原來不知不覺就年尾,已經準備12月,雖然呢半年真係好爽,啲時間完完全全屬於自己,但愈近2023年就愈嚟愈大壓力。」

樓主其後補充,自己從事是IT業寫code,上一份工辭職之後一直沒有搵工,由於儲蓄起碼頂到多一年,所以經濟壓力不算大,連整理CV也沒有動力,但有感不能夠再不找工作,問網民「空白咗半年+零針,係咪真係搵到工呢?」

零針 it狗
(圖片來源:[email protected]

網民:你呢啲叫放假唔係失業

貼文一出,即引來網民熱烈討論,有人安慰樓主指他的情況算是放假而不是失業,亦有人指疫情期間很多人都空白期幾年,加上IT行業是專業,說不定重新地CV很容易便可以找到工作,勉勵樓主加油:

  • 「咁係放假啫,唔係失業,不過唔好放咁耐,個人會懶。」
  • 「開始覺得有壓力咪試吓留意番/搵下工囉,話唔定好易搵到呢。」
  • 「因為個濕X疫情,大把人空白幾年啦。」
  • 「大把工返,弱者先要打針。巴打加油。」
  • 「其實IT已經算易搵到,做地盤果啲直頭全行封殺,入都唔比入。」

網民:it狗大把工唔洗打針

此外,亦有網民分享自己或身邊朋友的相同經歷,指自己都是半年前辭職,但10月已搵到工,亦有人沒有打針依然成功轉工兼加人工,但亦有人提醒樓主若太耐不工作會變得怕與人接觸:

  • 「有fd IT 0針都照轉到工,師兄加油。」
  • 「都係半年前辭職,10月尾搵到份工,不過今日被通知唔過試用又失業。」
  • 「以前有個朋友屋企人走咗,打擊太大五六年無做野清晒袋,太耐唔做嘢會好易怕同人接觸,加油。」
  • 「it狗大把工唔洗打針,啲工多到,真有心搵唔洗一個月都冇新offer,利申:零針X, 8月先轉完工,近2年轉咗2次工前後加咗60%人工。」

恒指低位勁彈8000點!後市如何部署?

6位投資專家教路,助你掌握投資先機

《經濟一週》主辦 股壇反攻大藍圖 2023 邀請到6位投資專家,2月起一連四場分享今年選股策略,想捕捉熊轉牛?請立即報名!

圖片來源:[email protected]