高先電影院曾麗芬感慨UA結業:好無辜、好悲哀 政府又冇資助補貼

高先電影院2月18日在西環正式開幕,不足一個月卻迎來另一間戲院全線結業的消息,Golden Scene董事總經理曾麗芬感嘆自己未能全盤接收UA被解散的員工:「因為我哋只有一間戲院,而且員工已各就各位,最多只可以請多一兩名(UA)員工;但佢整條院線有幾間戲院,所以幾難接收晒佢啲員工。」

撰文:經一編輯部|圖片:新傳媒資料室

作為同行,得知UA院線結業當然不好受,曾麗芬大嘆可惜:「係幾悲哀嘅新聞,UA係最先引入迷你戲院Multiplex ,1985年首次在沙田開設「UA6」,即是六個戲院的意思,係帶動咗行業嘅改變。要結業真係好可惜。」

高先電影院曾麗芬感慨UA結業:好無辜、好悲哀 政府又冇資助補貼
開辦高先電影院是Golden Scene董事總經理曾麗芬多年來的夢想。

她又慨嘆戲院成為疫情下的犧牲品,同時不滿政府未有伸出援手:「其實政府資助10萬元一個(戲院)屏幕,是杯水車薪。大家都知而家商場租金幾貴,我諗呢個主要係UA急速結業原因。」

「真係好無辜!電影業已經做足防疫措施,有戴口罩、看電影時隔位坐、只得一半人入場、不可進食、看電影又不能交談的,但仍然有好多條例規限住,又沒有補貼,所以好難做。」

她又指不少行家都公開了電影院的租金開支,只得票房實在難以應付租金,何況還要跟片主分賬、又要支付人工、燈油火蠟,其實在這一、兩年間實在是難以負擔。

相關文章:【UA戲院結業】細數UA 36年輝煌事跡 為香港電影界屢創先河 曾奪全球最高票房影院

相關文章:UA戲院結業|開業36年、引進IMAX技術 不敵疫情6間戲院全線結業

高先電影院曾麗芬感慨UA結業:好無辜、好悲哀 政府又冇資助補貼
曾麗芬不滿政府未有對電影業伸出援手。

關鍵詞
職場制勝