定期存款｜老豆忽然生性戒賭 阿仔起疑心：佢話要將全副積蓄All in定存

定期存款幫老父戒賭

日前，有網民在網上討論區發文指，自己早前跟一家人晚飯時，父親突然煞有介事提出「同我咩股都套現晒出嚟，夾份做定期收息。」

根據樓主所述，其父早已退休，但以往沉迷賭博，基本上逢賭必愛，特別是每周賽馬日更加忘形。

「明明以前星期三、六長駐馬會，永世開住個足智彩，加上成手藍籌收緊息，忽然間一改賭性做定期，真係世界變！」

對於退休父親忽然收心養性，本應仔女倍感安慰，但父親強力號召家人將所有積蓄押注定期存款，反而不禁令人起疑心。

網民點睇？

• 「認真，有冇關心過佢係咪健康有問題想留返啲嘢畀你地？」
• 「夾份？會唔會輸大咗呃你地畀錢佢？」
• 「（定存）十幾年先拎得，香港到時都唔知變成點。」
• 「斷估唔會擺10年掛，中間有咩傷風感冒就大件事。」
• 「新錢100萬做定期半年，好似都有幾千至萬零。」
• 「定期做咩要夾份？」
• 「夾大D，多D息掛？」
• 「應該輸左好多先話拎出黎，應該得返1/3。」

面對種種質疑，樓主翌日回覆網民：「尋晚認真問老豆仲乜轉做定期，佢答我話乜叔物叔抽到成手銀債，自己果陣無抽，然後馬仔唔生性，想將賭本做多於3年定期洗心革面。」希望事情告一段落，各位散戶亦要引以為戒。

股海無情，近月討論區不時有股民開Po，透過鬥慘大會圍爐，而且不少都是摸頂入貨。

散戶：月供收息股，息價全輸

「港美都輸到X，搵2皮幾，輸幾十萬，睇唔到翻身機會。」
「輸兩萬啦，月供收息股，息價全輸！」
「以前成日話唔投資成世得個做字。現實係無咁嘅智慧都係乖乖地返工。」
「我寧願輸到零，都唔洗旨意我呢個位走。」
「港股計埋收息輸1成，美股就輸3成。」
「蟹貨蝕緊三十幾萬，拎哂啲錢去定期算。」

延伸閱讀：土瓜灣美景樓收購失敗！地產商見財化水疑似發爛渣 貼通告指責「業主貪心」

延伸閱讀：港產Netflix迷疑炒股破產 求影片推介慰藉心靈 網民推薦35年前神作博翻身