港男曾被誘喪炒大灣區 4000萬「坐食山崩」網民怪招續命：唔買美債就換老婆

4000萬身家人生迷茫

財務自由是每個人的人生目標，有「閒錢」買樓做定存，穩穩陣陣收息收租，更加引人羨慕。然而，有網民於網上討論區圖文並茂自爆坐擁4,000萬身家，卻

感到人生欠缺方向，甚至被家人嫌棄不夠上進。

網民於連登討論區發文指，自己擁有4,000多萬財富，並附上銀行戶口帳目，有感「睇落好似好多，但呢個時勢真係乜都唔敢搏」，認為目前股市一潭死水，代斑唱好的樓市亦伏味濃，不敢輕易入市。

這位千萬身家的網民經歷不少投資中伏位，自爆曾經差點被朋友「氹炒幣」，現在炒燶虛幣落得日日呻笨的下場。

亦有人推介樓主投資日本樓和大灣區物業，但眼見身邊人屢屢中伏，認為「危機四伏」而原地踏步，深怕做錯決定隨時「乜都冇晒」。

樓主堅持「揸住舊錢咬到死嗰日，睇住佢年年交稅交雜費慢慢變零」亦會感到擔心，甚至連自己老婆老婆都會嫌棄自己不上進，坐食山崩。

相比之下，現在每日勤力返工，但人工相對積蓄只是「小巫見大巫」，覺得自己浪費不少時間，成為大眾難以理解的有錢人通病。

網民點睇？

• 「咁比一半我就會知想點。」
• 「數字如浮雲，你覺得無感覺既可以過比我，等你人生重燃動力！」
• 「早排高息定期，拎一半都fat fat啦，好過放係度。」
• 「咁不如俾50萬我買車？」
• 「真心俾個意見你，換咗個老婆！」
• 「買美債你都收2球一年，你都唔似大洗，絕對夠你用啦！」
• 「做定期都靜靜地贏啦，驚風險又想賺錢？」
• 「唔怕坐貨可以試好多野，你怕係因為你睇唔開短期升跌，又對自己眼光無信心。」
• 「買兩層樓，一層自住一層放租，淨低嘅錢一半存美金定期，一半存港元定期，留番一球做備用資金。」

延伸閱讀：新地「舊樓當新樓賣」翻新 中半山名廈迎接通關豪客：甘比、林峰都住過！

延伸閱讀：龍珠島「孤島價」278萬 月供7374蚊平過市區舊樓 網民：每朝落樓投奔大海！