一家三口月入3萬5供緊兩層樓 每月零積蓄 唔夠錢駛可以點?賣樓買煤氣收息好過?|諗sir

一家三口月入3萬5供緊兩層樓 每月零積蓄 唔夠錢駛可以點?賣樓買煤氣收息好過?|諗sir

投資

廣告

讀者黃先生月入3萬5,一家三口,太太停工照顧6歲小孩零收入。黃先生一家每月收支相約無法儲錢,家庭有兩棟物業及70萬現金,想請教諗Sir應否投資債基。

諗Sir :

本人現43歲,月入3萬5, 育有一名小孩6歲,太太暫時停工照顧小孩沒有收入,因本人想太太親自督促小孩教學打好基礎,唔想假手於人。

每月支出方面主要供樓13,000元,一家日常生活及供書教學20,000元。

資產方面,本人持有

  • 一間於2011年買入自住藍籌屋苑:市值850萬、月供13,000元、30年、沒供按揭330萬
  • 一間太太名下細屋仔一房一廳:市值450萬、已租出多年、每月收12,800元、月供12,500元、30年、尚欠銀行300萬
  • 每月10,000被動收入:早年本人投入30萬與親戚投資外國收租物業
  • 現金70萬

現在每月沒甚儲蓄幾乎打和,所以本人想增加現金收入及等機會再買樓,想透過加按自住物業200萬(已搵擔保人)投入資債基所增加嘅利息,希望能cover自住物業每月按揭貸款。是否可行?除左投資債基會否有更好方案?

讀者黃先生

撰文:諗sir|圖片:諗Sir、維基百科

最大價值資產就係層樓

3萬5人工拎住70萬儲蓄要養家,好似讀者咁一個小朋友及假設唔使孝敬父母,那還可以。然而社會大把一家四口又有高堂要養嘅人,停學及唔鼓勵聚餐之情況下確實對佢地生計造成威脅,大家可看筆者提出去產出月入的方法是否管用,有時政府未救到你,你也要自救。

讀者手上最大張牌,就係9年前買落藍籌樓,賺價850萬-330萬 = 520萬。能賺主因是住宅的流通性高令850萬報價能實現的機會大,加上港人供樓不易棄焗人長揸,食盡紙幣貶值潮。未來數月各國又印銀紙去解決經濟問題,病毒有藥可解但各政府靠減息及量化去救經濟是無藥可救,你認為樓價會點?

不時都有人留言認為筆者為了賣課程才講債升樓升,先請留意筆者唔係話乜樓都升,乜債都掂。你有見筆者常提買車位同工廈嗎?沒有。打從2019年筆者都係主軸提買B餐,美國國債為主,捨近而取遠要美國而唔買大陸債,今時已用事實證明了一切,B餐2019年全年升超10%,而在上星期B餐都仲升,回報比金更強又有息。

但留意,切忌一注全買B餐,應要利用關連性低的資產去分散幾項回報。及等滿街鮮血時入股市。然而我哋唔係靠估咁去判定滿街鮮血,下圖見黑線展示全港10天比50天線高的股份只有26%,當黑線再降至10-20%,適宜入股市做1-2個月的操作。至於你想揸更長,有更好的買入點,方法就不在此述。大家更明白本人投資理念才詳解吧。

延伸閱讀:疫情影響收入?投資達到財務自由最重要|1%Anthony

延伸閱讀:買樓過程先苦後甜 投資債券基金賺可觀被動收入|諗sir

 一家三口月入3萬5供緊兩層樓 每月零積蓄 唔夠錢駛可以點?賣樓買煤氣收息好過?|諗sir
圖片:諗sir

買煤氣收息好過買樓?

亦有人留言問買煤氣收息是否比買樓好?留意買煤氣沒槓桿,不能大手沽美金去令自己大賺,出現讀者10年執500萬的事。

再重申樓價升不主因需求大咗,而係銀紙價值低咗。

至於買樓要打理,有人覺得煩。其實買股票由上市公司高層同你打理,係少啲嘢煩不過人地要隔一排叫你供下股或者拎公司錢去做其他嘢,慘在你比人拎咗著數你唔知。加上過去一星期美股跌近4,000點,港股就早前已呈弱勢,買股一中伏收5年息都補唔返個價。

解決方法 宜大屋搬細屋

讀者現困境是自找的,再過幾年如都係無錢儲,手上資金又少,佢就要叫個仔第時一定要養佢。

解困方法一是搬細啲,35,000萬家庭月入的人係唔可以住850萬市值樓的。

此為市場給予佢的事實,唔係筆者意見。賣走現樓拎550萬再用其中200萬作40%首期買間500萬出頭的荃景花園或者大埔中心,壓力即時減輕,供樓只是每月11,000元左右。另現金增至350萬+70萬=420萬,只要肯反向諗大搬細,退休生活及每月儲蓄即時翻身有得諗。可抽其中300萬分三注入B餐,3個價位平均去,買哂後不要盡太盡,就當年息只9%,一年都收27萬,即每月多儲22,500元,足夠改善佢下半世。

B餐主打美國國債,市差受影響不大。已在2月實證了。收息101亦有面授讀者。千祈唔好拎新產生嘅息去幫仔女轉學校又興趣班又學嘢咁,未來世界亦唔見得一張沙紙救佢一命。筆者出去傾生意都有一排,從來未聽過有人講佢會考點叻同學校幾勁。

參加乜乜舊生大群聚的,大部份就是未上位的,又或者是已賺夠無無聊聊等人景仰嘅人。

編按:諗sir將親身為本欄讀者解答有關樓市及收息工具相關的理財疑難。相關問題可電郵至[email protected],主旨列明「諗sir樓換樓」。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。