中東王子︳經典雞棚逐個數︳凍鏈茶專欄

中東王子︳雞棚經濟常見

事實上，「雞棚」喺金融圈根本唔算係咩一回事，特別係以前嘅香港，根本就係行「雞棚經濟」。「搭棚」係咩意思？喺股市搭棚，即係有啲人唔諗住買，但喺交易系統排隊，做到準成交量好似好多嘅假象；喺樓市搭棚，即係新盤有好多人入飛，做到好熱鬧，引準買家落疊，呢啲都係基本搭棚嘅方法之一。

中東王子︳經典雞棚陳松青搭到最大

不過股樓都算係濕碎，要食大茶飯，個棚就要有幾大搭幾大。早前梁朝偉喺《金手指》扮演嘅佳寧集團主席陳松青，當年為咗令小股民入局，搭咗個好大嘅「雞棚」，唔單止人人以為佢係拿督，背後仲有個超級金主，生意遍佈的士、巴士、地產、旅遊、甚至飲食。當「世紀大deal」點石成金，小股民、富豪以至銀行亦同時落晒疊。