打算結婚想儲錢 每月＄20,000月供邊隻股票
問 1：
老師你好，我同男朋友打算幾年後結婚，近期股市好似好好炒，係咪應把握機會。
定係乖乖都做月供股票，我地一個月可儲到$2萬，買咩好？
同埋我地想買樓，應買細價買先定係點？
龔成老師答：
如果你打算幾年後要結婚，即是筆錢有用，那投資就不能太進取，不能以「博一博」的心態去進行投資。就算近期個市旺，我地都要理性，投資是合理增值，不是炒賣。
其實，你可以用男友一同進行月供股票，你們的每月儲到$2萬都不算差，相信努力一點都能儲到錢，幾年後有$50萬-$100萬不難，再加上合理回報，相信都能儲到首期及結婚之用的。
至於現時樓市，中原指數160，不算平，最好等回10%入市，但若然你心急，有實際需要，都可以久不久都睇樓，若碰到一個心急業主，你有可能買到平野。
雖然結婚都想住得好d，但好難一步登天，可以先由細單位開始，之後才轉大單位，因為「資產追資產」比「人工追資產」容易，所以最好由細開始，啟動左「資產滾存」的過程先（詳見《大富翁致富藍圖》）。（對照龔成信箱Q3393）
問 2：
老師：我大概用60%資金購入莎莎(3.08) 及勝獅(1.81) 及盈富. 你認為莎莎及勝獅前景如何? 莎莎我了解佢的質素是可以平穩增長, 但勝獅剛看過你之前的Q&A 說它麻麻, 我需要換股嗎? 謝謝!
已報了你的股票班, 我係新手一名, 今次個浪唔係賺到好多, 希望在你身上學到野, 下次要倍升資產
龔成老師答：
你的組合有集中風險問題，只持有兩隻股票，萬一當中有不利情況出現，會對你的財富有較大的影響，最好設計一個較為平均的組合。
莎莎（0178）無問題，只是佔組合太多，而勝獅（0716）的質素一般，生意多年都無增長，加上盈利不穩，有出現過虧損情況，前景只屬一般。
我的股票班都適合新手的，你會學到好多野，在上課前的這段時間，要先自行學習，上課時會得到更多知識。（對照龔成信箱Q3394）
問 3：
你好龔SIR，我有買你的書及看你的文章及FB，文章內容很有啟發，更令我對投資股票有正面的思維改變。
我想問一下有關00737合和公路，我見你都有介紹買來收息，我有看2013-2016年業職其實是向下滑，2017上半年雖是比2016年同期有增長，但都比起2013-2015年還差很遠。
是否還是值得長線投資？現在價位4.88 是否仍在合理價？
龔成老師答：
合和公路基建（0737）的財務數據較難了解的，因為佢不少數都來自聯營公司形式入賬，但佢所佔的盈利，其實處於穩定水平，只要數字比2013年減少，因為2013年中央更改了一些道路收費政策，因此對佢有影響，但之後的數字已穩定。
加上佢派息唔錯，現時可以穩定去形容。佢雖然無港珠澳大橋權益，但佢的路段都會受惠。
如果要計佢合理價，最快的方法可以用股息率，基本股息有$0.2，再加每年的特別股息，如果只計基本股息$0.2，要求股息率為5%，$4就是合理價，再加上特別股息因素（要打折扣計算），就算$4.5，仍然合理。至於$4.5以上，就要分注買入了。（對照龔成信箱Q3394）
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要3天以上才能回覆，若然是較複雜的提問，起碼要7天才能回覆，希望各位能諒解。
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：https://www.facebook.com/80shing
個人網站：https://80shing.skx.io/
延伸閱讀：
失敗的70後 收入唔多 想$1000月供股票
