投資比例 龔成信箱 潛力股 月供股票

唔怕風險 想資金加快增長 呢3隻股投資比例 宜增加|潛力股|龔成信箱

投資

廣告

【潛力股】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括潛力股、車位投資價值、月供股票、股息收入、平穩增值股,以及被動收入等提問。

撰文:龔成 |圖片:新傳媒資料庫、unsplash

1.增長力

26歲 我宜家緊供 今年8月供

1211 @1000
66 @3000
27@1500
2800@3000
1038@2000
2388@2000
1177@500

如果唔怕風險 ,想快啲增長 應該點調整哩個組合?

 

龔成老師:

如果唔怕風險,可以加強翻增長力較強、潛力股的比例,長建(1038)同中銀(2388)比例可以減少,甚至停供。而比亞迪(1211)、中生製藥(1177)的比例可以增加,銀娛(0027)加少少都得。

當然,這會令你的風險提升,但我認為仍在可接受的程度內,因此只要以月供模式進行,就無問題。

(對照龔成信箱:Q7768)

2.恆指etf

阿sir,你點睇盈富基金同其它追恆指etf?點解一般都推薦盈富?唔該!

 

龔成老師:

其實出面追蹤恆指的ETF,唔止盈富(2800)一隻,其實佢地的原理都是大同小異,大家都是追住恆指,雖然有少少誤差,但並不大。

所以在理論上,選邊一隻的分別都不大。但由於盈富的成交最多,因此佢的流通性會較強,買賣差價不會闊,因此若成交不足,會有買賣差價闊的情況,令買賣成本增加。所以,盈富是較好的。

(對照龔成信箱:Q7769)

投資比例 龔成信箱 潛力股 月供股票
【潛力股】圖片:unsplash

3.股息收入

龔成你好,我月入3萬,兒子8歲,已經進行了月供股票大約一年,亦為我的兒子月供盈富一年,暫時兩邊的結餘是-6%及-11%, 我的組合如下:

2388 中銀 $1000
1928 金沙 $1000
2800 盈富 $2000
1038 長江 $1000

兒子:
2800 盈富 $1000

我相信這一年的月供股票出現負增長與這一年的股市大升及大跌有關,我的組合中有幾隻股也在高價供股及股價大跌,但我相信中短期的股價對我沒有影響,亦相信10年後我兒子18歲的時候盈富基金的股價會繼續上升及帶來穩定的股息收入。

另外,我想下月開始調整我的組合為:

2388 中銀 $1000
1928 金沙 $1000
2800 盈富 $2000
1038 長江 $500
1211 比亞迪 $1500

你覺得這樣有沒有問題?因為我相信你的眼光,相信比亞迪是潛力股。

但我想目標能在幾年後增加股息收入至每月至少$1000-$2000,請問我要增加其他組合如電能或港燈嗎?另外,我兒子的投資方面其實應該繼續進行月供股票,還是應該等
股價回落時分注買入這個策略來投資?

 

龔成老師:

中短期的回報不用理會,因為月供是一個長期策略,因此,只要所選的是優質股,就不用理短期股價,長期進行就得,而你所選的股無問題。

雖然你想幾年後增加股息收入至每月至少$1000,但我相信你的年齡仍不是大,你應該這刻集中在增值,不用太心急有現金流,所以,我比較建議你集中供這股,照你調整後的計劃進行就得:

2388 中銀 $1000
1928 金沙 $1000
2800 盈富 $2000
1038 長江 $500
1211 比亞迪 $1500

至於你個仔的部分,你長期月供盈富(2800),是最好的方法,因為佢是更長線的投資,你不要理中短期,長供就得。

(對照龔成信箱:Q7770)

4.匯賢(87001)

有人話87001好正,有8%息,請問你點睇?可比啲意見… 謝謝

 

龔成老師:

匯賢(87001)不錯的。

佢現時主面有兩項資產:包括於2011年收購的北京東方廣場之零售、寫字樓及服務式公寓業務;以及兩家酒店(北京東方君悅大酒店及瀋陽麗都索菲特酒店)。

加外有新增投資,於2015年才收購的重慶大都會東方廣場。

人民幣,以及中國樓市略有過熱的情況,都是其中的風險,而當市場擔心中國房地產市場下跌時,這股都會下跌,令股息率上升,所以股息吸引,其中一個原因是其中的風險。

因為佢原理是有樓收租,若往後的租金下跌,就會令到你收到的股息減少,而人民幣波動,亦有可能令你收息減少。

從整體及本質上,這房託是不錯的,適合長線投資。雖然有上述所講的潛在風險,但高股息率,可說能抵償當中風險。

但要留意,根據北京市人民政府於2006年6月26日發出的國有土地使用證(京市東港澳臺國用(2006出)第10128號),該發展項目總土地面積為7萬7千平方米的土地使用權已授予北京東方廣場公司作綜合用途,到期日為2049年4月21日。

所以,佢的價值會慢慢減少,但當中的股息,如同包括部分本金。

(對照龔成信箱:Q7771)

5.投資組合

你好,我月薪會增至22k

如果月供$8000
1211
3988
0066

2318
各$2000

請問分佈可以嗎?
3988轉2388會唔會好啲?

 

龔成老師:

你所選的股票,都適合月供的,只要不理中短期股價,長期進行就可以。

至於轉唔轉,中行(3988)同中銀香港(2388)都有質素的,前者收息較好,後者有平穩增長的能力,所以要睇你的投資目標。如果你是年輕人,就供2388啦。

(對照龔成信箱:Q7772)

6.長江基建集團 (1038 ) 

你好呀!收息1038 ok嗎?咩價入好,見跌左好多,謝謝

 

龔成老師:

可以呀,佢息率有4%,雖然不算高,但都不錯,同時佢長期有平穩增長的能力。這股現時處於合理水平,你可以分注買入或月供都得。

不過,歐洲業務較弱,相信佢中短期仍會較弱,要有耐性,慢慢等長期收成先得。

(對照龔成信箱:Q7773)

7.SPDR金ETF(2840)

咁2840逢低吸入?

 

龔成老師:

SPDR金ETF(2840)是追蹤黃金的基金,你逢低買入,即是長期睇好黃金。

雖然我認為金長期都會上升,因為貨幣一定貶值。但金本質無現金流,所以不是真財富,只能說是一種商品,亦是「終極貨幣」。

所以,佢雖然有投資價值,但未必值得將太多資金投入。逢低買入是可以,但不建議投資佔組合百份比太多。

(對照龔成信箱:Q7774)

8.月供股票

啊sir 你好啊 ..我有個理財問題想要你幫下我啊

我今年29歲啦 月入3萬6 太太就2萬 有2個小朋友

一年我地大約有70萬 我地每月供樓要8000.. 供車4000..家用9000..小孩 2000 連埋2公婆洗用大約總支出3萬 左右..

而家想月供股票 個金額應該分配幾多而又保持到現金流?
如果供呢4隻應該點分配 盈富 比亞迪汽車 領展 金沙…上面有3隻都係高息的 係咪可刪減隻金沙去?同埋想了解下月供基金好還是股票?

 

龔成老師:

以你地的每月儲蓄情況,可以每月月供$15000的,盈富(2800)、領展(0823)、金沙(1928)、比亞迪(1211)可同時月供的。

供太少會有集中風險,同時供上述4隻是適合的,同埋佢地都是不同的類別,有收息,有平穩增長,有潛力,這樣的組合會更為平穩,因此可以進行。

至於餘下的,就先儲現金先,等大市有較大的回落時就投資。

月供基金都可以考慮的,但你要清楚這基金的投資策略,所投資的項目類別,長遠前景如果,因為不是隻隻基金都有質素的,如果不懂選擇,簡單地地月供盈富會更好。

(對照龔成信箱:Q7775)

9.優化組合

老師你好,我今年26同媽媽、妹妹一齊住(公屋,已買)。我係做CS行業既,扣除MPF後月入16.2K。媽媽返PT月入大概3-4K左右而妹妹正在求學中。

想加大力度儲錢,計過扣除必要開支後可月儲$5000。股票市值$54K,銀行存款有30K。現時正打算用小小錢係網上搞d小生意..希望可以搵多小小錢。

我有個問題一直都諗唔明,究竟應該做一份收入唔高但穩定,可以一直長做到老既工好(如clerk)。

定係做一份生涯不長但搵到錢既工如sales等前線工作?(我學歷不高) 我認為返工都係為錢,好難有一份工係兼顧到自己興趣、理想同人工。

而我認為好多既理想都係用錢去打造。例如﹕做生意都係需要有舊錢去營運,,,身邊的人都叫我搵份穩定的工作算不要想太多…

 

龔成老師:

原有的股票都有質素或潛力的,雖然部分下跌左,但不用太擔心,暫時持有先就得。如果你想優化組合,最好加少少盈富(2800),不過,你現時資金不算多,不用心急加,寧願你儲多啲現金先。

如果一份工,無突破做到老,我會覺得「咁就過左一世,係咪值得呢?」

當然,每個人都有不同的選擇,唔少人覺得咁樣是最好,可能佢的性格最適合。不過我會想,假記你過了20年,如果你仍然是原地踏步,你點睇?

你只要用呢類假設問題,就知道你應該點做,你問問自己,20年後如果是咁樣,你覺得好唔好,接唔接受,定會後悔?

我就接受唔到自己隨波逐流,我會行一條我自己喜歡的路,我唔想自己到老時後悔。

(對照龔成信箱:Q7776)

10.車位投資價值

成哥,小弟工作一年多,期間已不斷以分注、月供股票等模式把現金轉換成資產,但經過年幾發現財富累積得好慢,開始明白到要做適量槓桿把回報倍大,先可以加快財富累積的速度。

我覺得股票做槓桿風險較大,現在未係時候。之後考慮到投資車位,但又見到你提到現時車位租金回報率低,未係好時機。現在的我有點迷惘,究竟第二步應該點行?

雖然車位租金回報率比以前減低左,但考慮到可以透過借貸放大資本回報,係咪仍然可以考慮買入車位?(當然我明白同時亦可以放大損失)

 

龔成老師:

如果你有睇《大富翁政富藍圖》,相信你會更完整明白各資產的投資價值,例如年輕人應該用那些工具更快速增值,車位的投資價值如何,都可在書中見到。

月供股票是很好的財富累積方法,但我地要睇更長線的,不能因素短期回報一般,就認為長期回報都弱。如果你想提高回報,你可以選潛力股,同時把握更好的投資時機,回報就能提高。以你現時的情況,好好學習選股、企業估值、投資時機,我相信這方向能為你帶來更高回報。

另外,借貸投資是有利有弊的,所以你要小心運用。

更於車位,這刻的投資時機的確較一般,雖然這是好資產,但這刻就未必是好時機。

投資是一個長期累積財富的過程,不要太心急去得到回報,耐心都是創富的元素。

(對照龔成信箱:Q7777)

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。