從散仔角度看《施政報告》｜林伯專欄

說正話前，先說昔日人煙稀少之土瓜灣咖啡店，今日已車水馬龍，好不熱鬧。因為想靜靜地談天說地，無法子下，只能換個地方，到九龍城另一咖啡店。
細問下，方知此店雖沒有自家烘豆（土瓜灣那間是），但原來這咖啡店老闆大有來頭，自身到世界各地參觀咖啡出產地及品嘗外，店內之咖啡師亦在近幾年獲得不少大獎。
當然，一分錢一分貨，好喝的咖啡自然是另一價格，但辛苦搵嚟自在食嘛！

美國終於減息

筆者先問：「美國終於減息，你點睇呀？」
友人甲：「減息都預咗，你睇睇聯儲局話事人，話就話甚麼獨立，最後咪又係跪低。
所謂玩都要分莊閒，老闆都講到出面，所謂『人要面樹要皮』，唔通次次都玩對抗咩！市場又好現實，見你終於減息，重唔即刻落注咩，你睇睇芝加哥商業交易所（CME FedWatch） 個預測圖就知，資金預估下次即10月29日利息減多0.25厘就一定，有近88%（見圖表一），一個月前僅42%；12月10日再減多0.25厘機會率亦有81.8%。