月入15K無積蓄 女友嘆無將來 轉嫁有錢人 27歲仔發奮8年 終成千萬富翁
廣告
龔sir，之前睇完你分享舊女友個post 我都想分享下我身邊既case情況同你有啲似。
撰文：龔成｜圖片：Unsplash@pabloheimplatz
我朋友今年35，大約8年前左右, 佢比當時既女友飛左，嫌我朋友唔夠上進，一個月只搵~15k又唔儲錢，覺得同佢冇將來，最後嫁左比個有錢人。
加上我朋友既父母開始年紀大，身體變差 呢2件事加埋激發左佢發奮動力，佢反省左自己，話要改善生活，之後佢開始少聯絡我，我同佢大約幾個月先見一次。
直到上年，佢講左個秘密我知，原來佢呢幾年，創業同投資搵到既錢 已經有8位數，佢亦成為左千萬富翁！下個目標係40歲成為億萬富翁！
佢只用左8年時間由0開始， 我真心覺得佢好勁。
呢單野令我明白， 好多時我地唔係能力做唔到， 係冇迫自己去做釋放自己潛力，原來成為有錢人並非一年咁遙遠/冇可能的事！
龔成老師︰
無錯，其實有錢人，同我地一樣都係普通人。
佢地未必特別聰明、未必係有父蔭。純粹係佢地有目標和行動力，所以就比一般人成功。
所以，任何人都唔應該輕視自己，因為你只要肯付出，其實下一個成功的人，就會是你。
最大的關鍵係決定，我相信你朋友好有決心，其實好多事，我都都可以做到，但有決心的人不多，好多人，面對少少困難就放棄，因此，大目標，決心、堅持，往往是關鍵。大家都加油！
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
