死約 入屋做工程

死約期間要求入屋做三個月工程 租租俾業主搞到崩潰想做租霸

投資

廣告

不少人即使是捱貴租,亦想搬離父母擁有自己空間,但如果租了屋後業主才說要入屋做工程,工程更長達三個月,租客真的會十分困擾,日前,有網民就分享自身慘痛經歷。

租連天台單位卻要做工程

該網民以「俾個業主搞到好鬼嬲,點部署」為題,在連登討論區發文,指自己大約一年前租了一個舊樓連天台單位,「貪佢可以燒下野食種下花花草草咁」,並稱一直都與業主相安無事,亦自問是個正常住客,「準時交租亦無乜野會勞煩到佢」。

然而,最近業主突然說天台要封三個月做防水工程,「即係我租個地方返黎俾人裝修三個月,又嘈,又漏水,個業主成日話無計,話要搵返工程嗰邊搞」。

成日要開門俾裝修佬

租客續指,「老實講係預咗佢一定會漏水,做防水工程,過程中係無可能唔漏啦,只係覺得個業主其實一定一早知道個天台會封3個月,但無同我講一句,發生咗先要我硬食,搬哂我天台啲野落黎,又要我成日開門俾啲裝修佬」。

此外,「減租又我出哂聲先象徵式減少少,然後啲師傅紅日都開工,日日嘈X到XX,基本上依加我係一定會搬,但真係好想搞X個XX業主」。

死約 入屋做工程
(圖片來源:unsplash@morgane_lb)

網民:即刻唔交租

帖文一出,即引來網民熱烈討論,有網民反問「唔通你成日好X得閒開門俾裝修佬做嘢咩」。樓主就回應指,近日業主帶了師傅上樓,並在他面前向師傅指「俾個期出黎,住客會就」,令他當場氣炸,直指「佢唔俾我好過,我都唔會俾佢好過」!

有網民就質疑「玩防水都做3 個月?個業主自己放假落手做啊?」建議樓主可以大條道理做租霸不交租:

  • 「唔交租,直到工程完結。」
  • 「即刻唔交租,整佢老X。」
  • 「業主違反合約在先。」
  • 「做租霸,周圍hi d屎落間屋。」

網民:冇義務開門俾佢

不過,有網民就理性分析,租客做租霸始終會理虧,但按照法律可以大條道理不開門:

  • 「唔交租樓豬都有位俾人入,本身租客就有權唔畀佢入單位開工,傾唔掂咪唔好俾佢埋尾囉,反正都預咗搬。」
  • 「Exactly ,作為租客你準時交租就得,冇義務開門俾佢,佢搵人開門你可以報警唔見野。」
  • 「依家個天台係你私人地方你可以唔畀佢入,強行入可以報警。」
  • 「正路租左,你有權唔比人入去。」
  • 「唔係咩叫租左,你一句唔可以已經收業主皮。」

「仲係死約你又有交租,你有權唔比人入。反之生約的話業主要你一個月內搬走再做防水,但呢個月你都有權唔比人入屋。」

網民:不如傾減租

亦有網民指與其與業主反面,倒不如與業主傾扣減天台租金:

「你可以唔比佢個做工程until你完成死約搬走,但即係反面,佢做得防水應該真係好需要先做,你同佢傾返要扣返天台既租金好過啦。」

延伸閱讀:大公司請人要求多 應徵者人工寫$10500頂爛市 網民:窮啫,都唔好做壞規矩

延伸閱讀:旺角170呎「KK園區」殘樓月租6,300蚊 網民:《正義迴廊》裝修風超趕客!

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:unsplash@morgane_lb