老細移民遭20年老員工公審：自己去做二等公民唔理員工死活

跟咗同一老細廿幾年

日前，有網民在FB專頁「奴工處」發文，指自己「跟咗同一老細廿幾年，老細決定賣咗公司自己移民做二等公民，唔理我地一班員工死活，真係枉為人，唉出到去唔知搵咩工好。」

網民：睇錯以為佢講老公

貼文一出隨即引來網民廣泛討論，大部分均力撐老細，指老闆並不是老公或老豆，沒有責任負責生養死葬：

• 「老闆要請你一世？！」
• 「你要記住佢係老細, 唔係老豆, 就算係老公都呃呃笨笨。」
• 「岩岩訓醒，我捽左捽眼，睇錯以為佢講老公…」
• 「做老細啫。。乜個expectaton 係包生養死葬咩？」

網民：返天堂係咪要全公司一齊

亦有網民反問難道老闆要去新地方或上天堂都要帶全公司一起去才是好老細？更多網民指出樓主本身沒有專長，是一名冗員，因此才會擔心找不到另一份工，更指樓主應該返政府工，便不怕老闆移民：

• 「老細返天堂係咪要全公司一齊去。」
• 「要喺果邊開公司再申請埋全公司過去先至係好老細？」
• 「佢應該要做政府工。」
• 「廿幾年冇增值過自己，除左返一份工之外就唔知自己可以做咩應該做咩能夠做咩，你真係覺得自己冇責任全部都係老細嘅錯？」
• 「公司賣左即係有人接手，咁公司應該係keep run緊，即係新老細嫌old seafood廢炒左你la。」
• 「做咗廿幾年冗員係難搵新工㗎啦 祝福老世～～～」

網民：移民都俾人放上網公審

另外，有網民搞笑表示可能是老細自己開Post求認同，又有人扮演老細角度重新演繹貼文，有網民指聯想到早前有人辭職被老細鬧沒有理公司前途：

• 「我好懷疑，呢個post 係老細扮員工投稿，並已成功取暖。」
• 「老闆表示養左個員工廿幾年，連想移民都俾人放上網公審，想我養佢地過世。」
• 「你令我諗起員工要辭職，結果老細話離職係對公司唔忠誠，無理會過公司前途。好彩妳係打工姐，做老細咪害得人多。」
• 「開國功臣跟咗我廿幾年，佢決定賣甩公司自己移民做二等公民，唔理我哋成間公司同事死活真係枉為人，唉佢走左唔知請咩人好，咁寫好似合理好多。」

延伸閱讀：情侶買樓困惑「層樓越低越唔值錢」？細單位每高一層，隨時估多20,000蚊！

延伸閱讀：37歲紀律部隊投資損手 再遇婚前最大掙扎：用公務員綠表定住宿舍好？