樺加沙｜10號風球下僱傭爭議 A-1 Bakery員工放風假變扣例假？

在樺加沙災情嚴重的同時，連鎖烘焙品牌 A-1 Bakery亦爆出一場「公關災難」，有自稱A-1 Bakery員工在社交平台控訴，指公司於9號及10號風球期間不會營業，容許員工放風假卻扣減例假，涉嫌違反《僱傭條例》，引發網民揚言罷買。

A-1 Bakery扣假風波：員工吐苦水 有小編轉達

一位Threads用戶自稱A1 Bakery員工發帖：「其實想問一下公司點解9號、10颱風員工放風假，都要扣員工嘅例假既？」並引述《僱傭條例》：「僱主不可減少僱員在《僱傭條例》下有權享有的年假、法定假日或休息日，用作補償因發出八號或更高信號、黑色暴雨和其他惡劣天氣警告或『極端情況』公布而損失的工作時間，如無合理辯解即屬違法。」

期間A-1 Bakery Threads帳戶小編回應：「Hello 每位員工的情況都唔同，假如你有任何疑問可以直接向自己主管或HR部門查詢 🙌🏻」樓主再追問：「小編麻煩你問一問人事部啦，我哋都係打份工，點解公司可以咁涼薄？」小編僅稱已轉達內部部門，並強調涉及私隱，建議直接向主管跟進。

網民怒火：揚言罷買，批公司「黑心」

事件迅速引起熱論，網民紛紛留言聲援該員工：「我好鍾意食A-1，但如果係咁，我以後唔會買」、「你哋咁黑心，以後都唔買你哋啲麵包啦」；同時有人批評該品牌門店監控過度：「點解啲舖頭（係每間都係）會有咁多CCTV呢？真係多到令人睇到都唔舒服。感覺你哋除咗對顧客好冇信心，驚被人偷包之外，亦都對員工好冇信心」。另有網民聯想到颱風期間的勞工權益：「打工仔本來就辛苦，颱風日還扣假，太過分！」

後續新發展：改扣減「獎勵假」

後來發帖員工在留言：「而家公司改左唔減例假！！用原先本來有嘅獎勵假，扣減！而家仲衰玩捉字虱！！！」他解釋員工本來每月共有4日例假及一日「獎勵假」，現在做法變相剝奪他們應有的福利。此外，帖文中亦有許多服務業員工留言共鳴，指類似做法在業界普遍存在，已成「潛規則」，暴露極端天氣下勞工權益的脆弱性。