元朗獨立屋6,300蚊山旮旯「適合情緒病人士」 網民：睇完好不安！

元朗獨立屋仔250呎一房

日前，社交平台「租屋｜荀盤｜免佣｜放租谷」有業主替元朗村屋刊登招租廣告，內容相當簡潔：「獨立車唔到屋仔250呎一房，門前小花園，步行巴士站4分鐘」，直接表明該租盤位置比較偏僻「唔就腳」，意向月租6,300元。

最令人哭笑不得的是，業主形容該「屋仔」遠離鬧市，特別「適合剛分手／離婚準備開始有情緒病、想冷靜唸清楚未來條路應該點行人士」，成為網民熱話的焦點。

網民點睇？

• 「大家幽默啲，應該係荒山野嶺嘅地方。」
• 「一到交租情緒病又復發！」
• 「咁都要$6300？少個零差唔多！」
• 「每到1號交租我就有情緒病。」
• 「好正喎，邊度嚟㗎？」
• 「本來心情極差，但睇到你哋嘅留言，真係笑返晒！」
• 「這樣大字標題地放租是不是有些令人不安呢？」
• 「棵樹掛繩喺度幾好。」

延伸閱讀：大角咀納米樓「個廳細到無影」 網民戥租客好很慘：12,500蚊住豪華劏房

延伸閱讀：加拿大華僑投資大灣區樓盤「唔准住人」 拉橫額控麥玲玲楊思琦代言爛樓盤！