新盤

一房賣過千萬好奇咩 新盤唔係你買嫁!

樓市

廣告

朋友: 「顛架!真係顛架!一房都要賣過千萬!」

筆者: 「好奇咩?九龍站凱旋門啲一房過千萬好耐啦!」
朋友: 「但係嗰度唔係九龍站喎,係筲箕灣同荃灣咋!」
筆者: 「哦…你話嗰兩個新盤?」
朋友: 「咪係囉…過千萬呀!你話叫我哋啲後生仔點上車?」
筆者: 「宜家啲新樓係俾你上車架咩?」
朋友: 「政府不斷增加供應,唔係想多啲人上到車咩?」
筆者: 「講丫嘛…你睇唔到宜家買新樓排頭位係咩人?」
朋友: 「咪買家囉…」
筆者: 「No La…係大手買家!」
朋友: 「係喎…首批單位俾大手買家掃晒。」
筆者: 「有冇睇新聞呀?有好多億萬富豪都排唔到呀!」

朋友: 「咁即係根本就唔係幫年青人上車,係做豪客生意。」
筆者: 「一約多伙一日唔解決,新盤都會繼續爆上!」

一房賣過千萬,並非正常情況!

樓市亢奮,傳媒爭相報導高價成交,爭奪讀者的Like及Share,一房單位賣到過千萬,肯定成為各大傳媒追訪對象。

然而,細心睇睇今次個案,無論是筲箕灣的形薈,還是荃灣西的柏傲灣,其實都已經賣得七七八八,經過之前的衝刺,發展商基本上已經回本有餘,餘下單位不多,之後賣一元、賺一元,賣完就沒有了,何不狠狠地提高價錢,賺到盡?這種情況多在貨尾出現,平時並不常見。再加上荃灣西柏傲灣的一房,部份享有最靚的藍巴勒海峽靚景,當然賣得更貴。

新樓熱賣,一約多伙…不公平!政府坐視不理!

好多朋友都問:「幾時會再出招?如果會加辣,又會出咩招?炒家、投資者都殺得七七八八,唔通要殺埋用家?」其實今次出招唔需要多,只要針對性處理幾個嚴重問題,其中之一,就是一約多伙!一約多伙,是龐大的利益輸送,將錢塞進發展商口袋!

所謂一約多伙,就是一張合約可以買多個單位!

去年11月政府推出新辣招,買第二套房或以上需付樓價15% 印花稅。然而,在舊有制度下…只要寫在同一張合約上,無論買多少個單位,都可以視為一個物業,可以免15% 印花稅,只需繳交最便宜的稅率就可以了。

例如:1,000萬元的單位稅率是3.75%,如果你想買11間,正常情況下,除了第一間可以繳交低稅率,其餘10間都要交15%,即每間150萬元,合共就是37.5萬元 + 1,500萬元 = 1,537.5萬元。若將11個單位寫在且一張合約上,全部只需繳付3.75%,即是412.5萬,足足慳稅逾千萬。

有錢可以免稅,還可以買首批最平的單位。冇錢的就不能免稅,更只能買第二、三、四批加了價的單位。

這個制度不但不公平,甚至會令人覺得,新盤非常熱賣,樓市氣氛很好,細心再睇睇最近幾個樓盤,匯璽的一約多伙個案近40%,嘉匯約30%,這是非常失衡的比例。有錢人買平樓又慳稅,散戶買貴樓又慳唔到稅,只能夠在樓下的電梯大堂苦等,做人肉佈景板。

新盤個個賣爆燈,其他的二手樓業主自然乘機起哄。

搶不到新樓,惟有搶二手,於是二手樓又再被搶高,循環不息。筆者很不明白,為甚麼仍然不出招打擊?當然,新政府必須了解事情,不要胡亂出招,否則只會愈出招,愈大鑊!

作者為1%投資培訓的地產課程總監,著有《買樓上車防中伏》、《上車又住又賺》、《樓。轉命運》、《工商舖小本投資入門》、《50 萬上車》、《投資買樓賺錢筆記》等等,其博客《第一桶金》總瀏覽量逾300萬人次,曾接受多間傳媒專訪及出任電台地產節目嘉賓主持,並擔任TVB節目「有樓萬事足」顧問。2000年科網股爆破,曾欠下近一年薪金卡數。經債務重組後,2004年股樓雙線出擊,短短四年由滿身卡數打工仔,變出六層樓。其後與投資兵團大舉出擊投資物業,並進軍商鋪、工廈市場,以穩健投資策略,成功變出雙位數物業。

facebook專頁:www.facebook.com/anthony.wealth

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看