九成按揭40萬上車 港灣豪庭撈底戰

樓市

廣告

同學A:「有間劈價貨,X座低層,有機會傾到400萬。」

筆者:「向內園定向街?」
同學A:「向街,想請教吓,咁低層怕都唔怕?」
筆者:「唔怕,基座高,唔太嘈,應該仲係望公園靚景。」
同學A:「咁即係買得過?」
筆者:「400萬樓下好難得,買得過!」

同學B:「有個盤傾到420萬,傾唔到400萬目標價。」
筆者:「咩單位?質素如何?」
同學B:「X座XX樓,望山景。」
筆者:「我以前都係住四十幾樓望山,好開揚好靚景。」
同學B:「咁即係買得過?」
筆者:「咁高層估價都高好多,殺得幾萬得幾萬,去馬!」

同學C:「我都搵到個劈價盤,開價430萬,X座低層。」

筆者:「呢個單位唔得,如果冇記錯應該係向殯儀館。」
同學C:「如果傾到價呢?我諗位試400萬。」
筆者:「將來都難賣,情願俾多少少買間好啲。」

最近好多人討論,到底樓市是否已經見底回升?不同地區,戰況不同,正如去年筆者在專欄預測一樣,新界區部份炒過籠的地區,供應量多的地區,仍然在低位徘徊。然而市區細價樓很多都已經出現明顯反彈。

舉例,大角咀港灣豪庭,去年年底筆者已經叫上車班同學們密切留意,目標是殺到400萬,借盡九成,40萬上車!筆者以前曾經在這裏住過,雖然已經十幾年樓,然而由於管理好,會所、商場配套設施正,40萬至50萬首期確實抵買。

好幾位同學落區出擊,終於有兩位同學成功買到,一位以39X萬買到低層園景,一位以41X萬買到極高層山景,恭喜!

撈底時心理質素最重要

港灣豪庭是市區新式屋苑入場版,位置稍嫌有點吊腳,在奧運站、南昌站、旺角站、太子站、深水埗站之間,無論到那一個站都要步行10至15分鐘,由於開則比較細,最細單位32X呎已經有兩房,所以入場銀碼亦比較便宜。

去年中的高位,屋苑最細的單位,都炒到480萬至500萬元入場,今年年初的時候,樓價急跌,最平的單位跌破400萬!當時絕大部份傳媒、專家、分析員都說樓價會繼續跌,市場一片死寂,造就了買筍盤機會,看誰夠膽逆市出擊。

由於筆者在這裡住過一段時間,知道這裡的兩房單位,月租13,000元至14,000元不難,如果貼近400萬買入風險不高,於是就鼓勵同學出擊。

近日筆者重臨舊地,發現各大代理行標示出來的價錢,最平都要460萬至470萬,短短兩個月竟然由400萬反彈60萬至70萬,兩位上車班同學把握今次跌市,即買即賺。

現在看他們當然令人羡慕,其實他們亦付出過不少努力,最重要是當日出擊的時候,身邊有多少人說樓價仍然會下跌?多少人說他們這個時候買樓不智?心理質素固然重要,懂得計數,理性分析亦很重要。

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看