投資買樓

值錢不代表最賺錢 投資買樓絕不能固執 | 樓市入門 | 香港樓市2018

樓市

廣告

【投資買樓不能固執】真人真事,某日在講座中,有觀眾私下問問題…

撰文:1%Anthony | 圖片:新傳媒資料室

【投資買樓】固執點賺錢?

真人真事,某日在講座中,有觀眾私下問問題…
觀眾: 「我想買港島樓,但係價錢好貴。」
筆者: 「投資定自住?」
觀眾: 「投資嘅。」
筆者: 「港島係貴啲架,你想買咩?咩Budegt?」
觀眾: 「灣仔、北角、西環都得,500幾呎,600幾萬。」
筆者: 「呎價1.2萬多啲,都有嘅,不過樓齡4、50年。」
觀眾: 「有咩?我睇親嗰啲,都賣到呎價1.4萬。」
筆者: 「呢啲係出貨價嘛,買入價梗係要平啲,唔係賺乜?」
觀眾: 「有咩?」
筆者: 「我哋多相熟代理嘛,買平你一、兩成,好正常丫。」

觀眾: 「揸幾年係咪可以爆升呢?」
筆者: 「收租就幾好,爆升就未必得,始終基數高、樓齡大。」

觀眾: 「我想買啲有機會爆升嘅樓。」
筆者: 「咁未必係呢啲地區、呢啲呎數、呢啲銀碼…」
觀眾: 「例如呢?」
筆者: 「我覺得…九龍、新界某啲地區水位深啲。」
觀眾: 「咁樣呀?…」
筆者: 「講爆升,大陸樓仲勁,閒閒哋一兩倍!」
觀眾: 「但係我淨係想買港島樓,想要500幾呎、600幾萬…」
筆者: 「點解咁執着呢?」
觀眾: 「我由細到大都住港島嘛。」
筆者: 「咁你慢慢研究吓先…」

【投資買樓】投資買樓,不能一本通書睇到老!

不同年代,不同物業會跑贏!

例如筆者十多年前剛剛接觸買樓的時候,前輩都說Location是最重要的,越近市中心就越值錢,港島值錢過九龍,九龍值錢過新界。又說物業的質素很重要,龍頭屋苑、優質物業最值得投資。

然而近年政府不斷推出辣招,迫令樓價不斷創新高,整個樓市的生態已經被扭曲。

先講物業質素,不少地區的龍頭屋苑、優質物業,因為樓價貴及按揭成數低種種因素,竟然跑輸細價樓、上車盤,不少前輩都跌晒眼鏡,以九龍灣幾個知名的屋苑為例,龍頭無疑是地鐵上蓋的德福花園,然而近年升幅,卻不及淘大花園、得寶花園。再講Location,很多新界區當炒上車屋苑的呎價已經迫近2萬,甚至比很多樓齡及質素相若的港島樓還要貴。

【投資買樓】每個人都有自己的執着!

我鍾意…不代表我賺到錢!

世界不斷變,如果想投資買樓賺錢,就要不斷學習,不斷開闊視野!

筆者身邊都有很多這樣的朋友,由細到大住開那一區,就堅持要買那一區,如果是抱着自住的心態,賺多賺少不重要,最重要是自己喜歡,家人喜歡,那當然沒所謂,但是如果想賺錢,就要跟着時代不斷變。

筆者自己都不斷變,最初上車的時候,買的是港島樓,然後跑到九龍買,跑到新界買。

後來出了3D辣招,就開始鑽研其他磚頭,例如工商舖,其中工廈兵團最為成功,增值、拆售,已經成為現時香港首屈一指的品牌。近年又開始買大陸樓,親身經歷樓價兩年就可以升一倍的威力!

【投資買樓】值錢,不代表最賺錢!

我鍾意…不代表賺到錢!投資買樓要有策略!

其實前輩們也說的沒錯,好的Location、好的物業是值錢的,但是值錢不等如最賺錢。其中一個最大的因素是基數,即是現時的價錢水平,例如單位A開售,呎價2萬元,要多久才可以升1倍?升到4萬元?難以想像吧!恐怕未來十年都做不到,即使做得到都未必是好事,社會一定難以承受。

如果單位B開售,呎價1千元,要多久才可以升1倍?升到2千元?只要地區有發展,輕而易舉,隨時一、兩年就做得到。

不是說筆者的策略一定贏,也不一定啱你,也不是說住宅不值得買,有平有啱,筆者自己都會再買,只是想提出投資應該開闊眼界,如果投資買樓目標是賺錢,何必執着?

不過前提是,要識!不要盲目信人。

作者為1%投資培訓的地產課程總監,著有《買樓上車防中伏》、《上車又住又賺》、《樓。轉命運》、《工商舖小本投資入門》、《50 萬上車》、《投資買樓賺錢筆記》等等,其博客《第一桶金》總瀏覽量逾300萬人次,曾接受多間傳媒專訪及出任電台地產節目嘉賓主持,並擔任TVB節目「有樓萬事足」顧問。2000年科網股爆破,曾欠下近一年薪金卡數。經債務重組後,2004年股樓雙線出擊,短短四年由滿身卡數打工仔,變出六層樓。其後與投資兵團大舉出擊投資物業,並進軍商鋪、工廈市場,以穩健投資策略,成功變出雙位數物業。

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看