同事借咗700萬、供樓畀多5,000蚊瀕爆煲：問我「今年係咪減息」點安慰佢？

今年減息定加息？

日前，有網民於網上討論發文，轉述返工食飯時，同事問樓主「係咪今年開始減息？」原因是其同事借了700萬貸款，現時每個月需供多5,000元，但身為同事的樓主不知如何出言安慰。

面對身邊同事還債壓力瀕爆煲，樓主於帖文直言「我都唔知點答佢好」，只好在言詞間著他留意聯儲局口風，以及佢努力工作「保住份工」，以防資金鏈斷裂無法還債。

對一般打工仔而言，每個月供多5,000元絕對不是小數目，有網民認為，這個處境下樓主同事應該「盡慳」，包括中止小朋友補習、學琴、畫畫， 飲食消遣方面則禁吃刺身、龍蝦、壽司等高檔消費，期望拉上補下補數。

網民點睇？

過來人網民：「仲要睇下做邊行喎，公務員還好，如果投行做，分分鐘被裁員，做金融業就早早賣左佢好過，旁觀者清！」

• 「佢借到700萬，代表個人/家庭月入7萬up，5000唔係好多，唔使為佢擔心，擔心你自己先。」
• 「咁早聯儲局講緊停止加息後，平台期有機會維持至2025年。」
• 「下個月美國又議息，又加 P , 叫你同事一係移民，一係賣樓算啦。」
• 「有咁大個頭，先戴到咁大頂帽。」
• 「追加p的速度好得人驚！」
• 「搵得七萬應該請工人，又要養仔女，養車，供養上一代。」
• 「當初買咁貴的樓就應該計好晒數。當佢供20年，20年的變化可以好大。」
• 「應該要再加多一至二次息，不過未必0.75咁重手。」
• 「佢有本事借7球，人工都唔少喎！」

新取用按保貸款金額創新高

根據經絡按揭數據，2022年新批出按保貸款宗數及金額累計錄得共42,882宗及2,516.57億元，對比2021年分別下跌27.1%及23.5%，宗數創３年的年度新低。

同期新取用按保貸款宗數及金額累計錄得共18,619宗及1,071.54億元，對比2021年減少21.9%及19.2%；平均新取用按保貸款金額為576萬元，則創記錄新高。

經絡按揭轉介首席副總裁曹德明表示，去年本港樓市持續疲弱，加上加息陰霾影響買家入市意慾，使交投量大幅放緩，按保宗數及金額亦相應回落。

不過平均按保金額創有記錄新高，相信是因去年「波叔plan」推出後，放寬按揭保險的樓價上限並促進千萬元以上物業的交投，從而進一步推高按保金額。

另外，摩根大通行政總裁Jamie Dimon日前表示，聯儲局有5成機會將聯邦基金利率提高至5厘以上，其集一半可能性是央行不得不加到6厘，意味美國聯儲局很有可能加息超出預期。

然而，近日多名聯儲局官員「放鷹」，普遍認為目前美國經濟可以消化緊縮政策，預期利率將升至介乎5至5.25厘，又指利率不得不長時間維持高位。

延伸閱讀：柏傲莊業主疑炒燶樓「吊高嚟租」1.7萬包埋公家園林 網民：想趁通關鑿返筆？

延伸閱讀：青衣盈翠半島疑似「危樓裝修」 屋主發文求助：我到底有無拆錯主力牆？